ବଙ୍ଗୋମୁଣ୍ଡ।।, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଗୋଷ୍ଠୀ ଶିକ୍ଷା କାର୍ଯ୍ୟାଳୟ ଠାରେ ଆଜି ଅନୁସୂଚିତ ଜାତି ଓ ଜନଜାତି ଶିକ୍ଷକ ଶିକ୍ଷୟତ୍ରୀ କଲ୍ୟାଣ ସଂଘ ପକ୍ଷରୁ ନୂତନ ଏବିଇଓ ଭକ୍ତଚରଣ ବାଗଙ୍କୁ ସ୍ୱାଗତ ସମ୍ବର୍ଦ୍ଧନା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସଂଘର ସଭାପତି ହରିରାମ ସତନାମୀ କାର୍ଯ୍ୟକ୍ରମକୁ ପରିଚାଳନା ଓ ସ୍ୱାଗତ ଭାଷଣ ପ୍ରଦାନ କରିଥିଲେ । ସଂଘର ଉପସଭାପତି ମନୋଜ କୁମାର ଭରାସଗ୍ରିଆ, ଯୁଗ୍ମ ସଂମ୍ପାଦକ ପୃଥିବୀ କୁମାର ବାଗ, ସିଆରସିସି ଟଙ୍କଧର ବିଶ୍ୱାଲ ସଂଗଠନ ଉପରେ ଆଲୋକପାତ କରିଥିଲେ । କାର୍ଯ୍ୟକ୍ରମରେ ଏବିଇଓ ଜୟନ୍ତ ପ୍ରଧାନ, ପୌଲିସ୍ତି ଭୋଇ, ବୃଷଭ ମାଝୀ, କ୍ଷୀରଧର ନେଗୀ, ବ୍ୟାସଦେବ ଭୋଇ, ଇନ୍ଦ୍ର ଭୋଇ, ହସପ୍ରସାଦ ମାଝୀ, ନରସିଂହ ତାଣ୍ଡି, କଂଚନ ବିଏଲ୍ କୁମ୍ଭାର, ରାଘବ ବାଗ, ଗଜେନ୍ଦ୍ର ତାଣ୍ଡି, ଲେଖଚନ୍ଦ୍ର ଛୁରା, ବିଭୂତି ଭୂଷଣ ପ୍ରଧାନୀ, ମୁରଲୀ ଭୋଇ, ଧର୍ମେନ୍ଦ୍ର କଁଅର, ଡମ୍ବରୁଧର ମାଝୀ, ଭକ୍ତଚରଣ ସୁନା, ପ୍ରମିସ କୁମାର ମାଝୀ, କିଶୋର ଚନ୍ଦ୍ର ମାଝୀ, ନରେନ୍ଦ୍ର ବାଗ, ହୃଦାନନ୍ଦ ମହାନନ୍ଦ, ନଲ ଭୋଇ ସମସ୍ତେ ଉପସ୍ଥିତ ଥିଲେ । ସଂଘ ତରଫରୁ ଅତିଥିମାନଙ୍କୁ ସତନାମୀ ନଗର ସରକାରୀ ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷୟତ୍ରୀ ମାନସୀ ସତନାମୀ ଓ ଗୋହିରାପଦର ସରକାରୀ ପ୍ରାଥମିକ ବିଦ୍ୟାଳୟର ସହ ଶିକ୍ଷୟତ୍ରୀ ହରିପ୍ରିୟା ମହାନନ୍ଦ ପୁଷ୍ପଗୁ୍ଚ୍ଛ ଓ ଉପଢୌକନ ପ୍ରଦାନ କରିଥିଲେ । ପରିଶେଷରେ ସମସ୍ତଙ୍କୁ ପ୍ରେମଚନ୍ଦ ତାଣ୍ଡି ଧନ୍ୟବାଦ ଅର୍ପଣ କରିଥିଲେ ।