ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଜଳନ୍ଧର ସ୍ମୃତି ସାହିତ୍ୟ ପ୍ରତିଷ୍ଠାନ ଘୋରଡ଼ିଆ ଆନୁକୂଲ୍ୟରେ ନବ ବର୍ଷ ସାହିତ୍ୟ ଆସର -୨୦୨୪ ରବିବାର ଦିନ ଶ୍ରୀ ପତିତପାବନ ଦେବ ମନ୍ଦିର, ଘୋରାଡିଆ ପ୍ରାଙ୍ଗଣରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଅନୁଷ୍ଠାନର ସଭାପତି ତଥା ପ୍ରତିଷ୍ଠାତା ଦିଲ୍ଲୀପ କୁମାର ଧାଉଡ଼ିଆଙ୍କ ପୌରହିତ୍ୟରେ ଆୟୋଜିତ କବିତା ପାଠୋତ୍ସବ ଓ ରାଜ୍ୟସ୍ତରୀୟ ସାରସ୍ୱତ ସମାରୋହ ଉତ୍ସବରେ ମୁଖ୍ୟ ଅତିଥି ଭାବେ ବରିଷ୍ଠ ସାହିତ୍ୟିକ ତଥା ବିଶ୍ୱମୁକ୍ତିର ଅଧକ୍ଷ ଶାଶଙ୍କ ଶେଖର ଚୂଡ଼ାମଣି, ମୁଖ୍ୟ ବକ୍ତା ରୂପେ ଓଡିଶା ସାହିତ୍ୟ ଏକାଡେମୀର ପ୍ରାକ୍ତନ ଅଧକ୍ଷ ତଥା ନାଟ୍ୟକାର ବିଭୁତି ଭୂଷଣ ପଟ୍ଟନାୟକ, ସମ୍ମାନିତ ଅତିଥି ଭାବେ ମାଟିର ମହକ ସମ୍ପାଦକ ମାନସ ରଞ୍ଜନ ପଟ୍ଟନାୟକ, ବରିଷ୍ଠ କବି ତଥା ଶିକ୍ଷାବିତ୍ ରମେଶ ଚନ୍ଦ୍ର ସ୍ୱାଇଁ, ସାରସ୍ୱତ ସାଧକ ଅଧିକାର ସ୍ୱାଇଁ ପ୍ରମୁଖ ଯୋଗଦେଇ କବି କବୟିତ୍ରୀମାନଙ୍କୁ ଉତ୍ସାହିତ କରିବା ସହିତ ସାହିତ୍ୟର ବିଭିନ୍ନ ଦିଗ ପ୍ରତି ଆଲୋଚନା କରିଥିଲେ । ଏହି ଆସରରେ ରାଜ୍ୟର ବିଭିନ୍ନ ସ୍ଥାନରୁ ଶତାଧିକ କବି କବୟିତ୍ରୀ ଯୋଗଦେଇଥିଲେ । କବି ନାରାୟଣ ମନୋହାରୀ, ପ୍ରଭୁ ଚରଣ ପତି, ନିରଞ୍ଜନ ସାମନ୍ତରାୟ, ରୋହିତ ଚମ୍ପତ୍ତି, ଅଜୟ କୁମାର ସେଠି, ହୃଷିକେଶ ପାଢ଼ୀ, ଅରବିନ୍ଦ ମହାପାତ୍ର, ଦୂତ୍ତିକୃଷ୍ଣ ମହାନ୍ତି, ଅଶୋକ କୁମାର ବେହେରା, ଅଭୟ ଚରଣ ସାହୁ, ଶରତ ପାଇକରାୟ, କବୟିତ୍ରୀ ସରୋଜିନୀ ଜେନା, ବିଶାଖା ଦେବୀ, ସୁନନ୍ଦା ମହାନ୍ତି, ପ୍ରମିଳା ପଟ୍ଟନାୟକ, ମଲ୍ଲିକା ସିଂହ, ଗୀତାଞ୍ଜଳି ପଟ୍ଟନାୟକ, ନଳିନୀପ୍ରଭା ପଟ୍ଟନାୟକ, ଅଭିପ୍ସା ପ୍ରିୟଦର୍ଶିନୀ, ଶିଶୁସାହିତ୍ୟ ଶୁଭମଜିତ ଧାଉଡ଼ିଆ, ସାବିତ୍ରୀ ବଳିୟାରସିଂହ, ସତ୍ୟମଜିତ ଧାଉଡ଼ିଆ ପ୍ରମୁଖ ଯୋଗଦେଇ ସ୍ୱଲିଖିତ କବିତା ଆବୃତ୍ତି କରି ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲେ । ସମସ୍ତ କବି କବୟିତ୍ରୀଙ୍କୁ ଅନୁଷ୍ଠାନ ପକ୍ଷରୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା । ଶିକ୍ଷାବିତ୍ ହୃଷିକେଶ ବଳିୟାରସିଂହ ଅତିଥି ଆମନ୍ତ୍ରଣ, ପରିଚୟ ପ୍ରଦାନ ସହ ସ୍ୱାଗତ ସମ୍ବର୍ଦ୍ଧନା କରିଥିଲେ । ଅନୁଷ୍ଠାନ ପକ୍ଷରୁ ବିଭିନ୍ନ କ୍ଷେତ୍ରରେ ବରିଷ୍ଠ କବି ମାନସ ରଞ୍ଜନ ପଟ୍ଟନାୟକ, ସମୀକ୍ଷକ ସମ୍ପଦ କୁମାର ବେହେରା, କବୟିତ୍ରୀ ଜ୍ୟୋସ୍ନାମୟୀ ସ୍ୱାଇଁ ଏବଂ ବିଜୟ କୁମାର ମିଶ୍ରଙ୍କୁ ମାନପତ୍ର, ପୁଷ୍ପଗୁଚ୍ଛ ଓ ଉତ୍ତରୀୟ, ଦେଇ ଅନୁଷ୍ଠାନର ସମ୍ପାଦିକା ଗୀତାରାଣୀ ରଣଜିତ ସମସ୍ତଙ୍କୁ ସମ୍ବର୍ଦ୍ଧିତ କରିଥିଲେ । ସମସ୍ତ କବି କବୟିତ୍ରୀଙ୍କ କବିତାର ସାରାଂଶକୁ ଅତି ସୁନ୍ଦର ଭାବେ ସମୀକ୍ଷା କରିଥିଲେ କବି ସମ୍ପଦ ବେହେରା । ଏହି ଅବସରରେ ଫକୀର ଚରଣ ପାଢ଼ୀଙ୍କ ପୁସ୍ତିକା ଗୀତ କୁଡ଼ିଆଣି ବେଲ ଦେଇ ଲୋକାର୍ପଣ ସହ ଯୁବ ଆଇନଜୀବୀ ହୃଷିକେଶ ପାଢ଼ୀଙ୍କ ବନ୍ୟଜନ୍ତୁ ଓ ପରିବେଶ ସୁରକ୍ଷା ବ୍ୟାନରକୁ ଅତିଥିମାନଙ୍କ ଦ୍ୱାରା ଉନ୍ମୋଚିତ କରାଯାଇଥିଲା । କାର୍ଯ୍ୟକ୍ରମର ସଫଳତା ପାଇଁ ଶେଷରେ ଅନୁଷ୍ଠାନର ଅଧକ୍ଷ ଦିଲ୍ଲୀପ କୁମାର ଧାଉଡ଼ିଆ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ । ପ୍ରଶାନ୍ତ କୁମାର ରାଉତରାୟ, ବିଜୟ ମିଶ୍ର, ସଞ୍ଜୟ ରଣା, ବିକ୍ରମ ମିଶ୍ର, ପ୍ରମୋଦ ଧାଉଡ଼ିଆ, ବିରେନ ମିଶ୍ର, ସୁନନ୍ଦା ଚମ୍ପତ୍ତି ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।