centurian jitm

ହଳଦୀରେ ଜନମୁକ୍ତି ଅନୁଷ୍ଠାନର ୨୯ତମ ବାର୍ଷିକ ସାଧାରଣ ବୈଠକ ଅନୁଷ୍ଠିତ

ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ହଳଦୀ ପଞ୍ଚାୟତ କଲ୍ୟାଣ ମଣ୍ଡପଠାରେ ଜନମୁକ୍ତି ଅନୁଷ୍ଠାନର ସମ୍ପାଦକ ଭଜରାମ ସାହୁଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଜନମୁକ୍ତି ଅନୁଷ୍ଠାନର ୨୯ତମ ବାର୍ଷିକ ସାଧାରଣ ବୈଠକ ଶନିବାର ଅନୁଷ୍ଠିତ ହୋଇଯାଇଛି । ଏହି ସଭାରେ ମୁରିବାହାଲ, ବେଲପଡ଼ା ଓ ତୁରେକଲା ବ୍ଲକର ବିଭିନ୍ନ ଗ୍ରାମରୁ ୨୦୦ରୁ ଉର୍ଦ୍ଧ ଜନମୁକ୍ତି ଅନୁଷ୍ଠାନର ସଦସ୍ୟ, ସଦସ୍ୟା ସକ୍ରିୟ ଭାବରେ ଅଂଶ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ଜନମୁକ୍ତି ଅନୁଷ୍ଠାନର ବାର୍ଷିକ ପ୍ରଗତି ବିବରଣୀ ଓ ବାର୍ଷିକ ଆର୍ଥିକ ବିବରଣୀ ଉପସ୍ଥାପନ, ଅନୁଷ୍ଠାନର ୨୦୨୪ ଆର୍ଥିକ ବର୍ଷ ପାଇଁ ଅଡିଟର ନିଯୁକ୍ତି ଓ ୨୦୨୫-୨୬ ପାଇଁ ବାର୍ଷିକ ଯୋଜନା ଓ ଅଟକଳ ପ୍ରସ୍ତୁତି କରି ମଞ୍ଜୁରୀ ଦିଆଯାଇଥିଲା । ଜନମୁକ୍ତି ଅନୁଷ୍ଠାନର ସମ୍ପାଦକ ଭଜରାମ ସାହୁଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ମୁରିବାହାଲ ବ୍ଲକ ଅଧ୍ୟକ୍ଷ ହରିବନ୍ଧୁ ମେହେର ମୁଖ୍ୟ ଅତିଥି, ଜିଲ୍ଲାପରିଷଦ ସଦସ୍ୟ ଗୋପୀନାଥ ପାଣିଗ୍ରାହୀ, ବିଧାୟକଙ୍କ ବ୍ଲକ ପ୍ରତିନିଧି ଗଙ୍ଗାଧର ହେର୍ଣ୍ଣା, ଗୋଇମୁଣ୍ଡ ପଞ୍ଚାୟତ ସରପଞ୍ଚ କାଳିଆ ସରାଫ, ମୁରିବାହାଲ ବ୍ଲକ ଜର୍ଣ୍ଣାଲିଷ୍ଟ ଆସୋସିଏସନ୍ ସଭାପତି ଦୁର୍ଗାନନ୍ଦ ମହାକୁର ଓ ସାମ୍ବାଦିକ ସଂଘ ସଭାପତି ସୁବ୍ରତ ମହାକୁର ପ୍ରମୁଖ ସମ୍ମାନିତ ଅତିଥି ରୂପେ ଯୋଗଦେଇ ମତବ୍ୟକ୍ତ କରିଥିଲେ । ବ୍ଲକ ଅଞ୍ଚଳର ବିକାଶ ପାଇଁ ପ୍ରମୁଖ ରୂପେ ଅବଦାନ ରଖିଥିବା ବିଶିଷ୍ଟ ବ୍ୟକ୍ତି ପୂର୍ବତନ ବ୍ଲକ ଅଧ୍ୟକ୍ଷ ହଂସରାଜ ଜୈନ, ଜିଲ୍ଲା ବିଜେପି ସଭାପତି ଶ୍ରୀବତ୍ସ ବେହେରା, ଜର୍ଣ୍ଣାଲିଷ୍ଟ ଆସୋସିଏସନ୍ ଉପଦେଷ୍ଟା ଡ଼.ଭଗବାନ ମହାନ୍ତି,ବିଶିଷ୍ଟ କୋଶଲି କବି ମଧୁସୂଦନ ନାଗ ଯାଦବ ଓ ଯମୁନା ଉତ୍ପାଦକ ଗୋଷ୍ଠୀଙ୍କୁ ସ୍ଵତନ୍ତ୍ର ରୂପେ ସମ୍ବର୍ଦ୍ଧନା ଦିଆଯାଇଥିଲା । ଅନୁଷ୍ଠାନର ଚିତ୍ରଲେଖା ସାହୁ, କିରଣ ଜାଲ, ରଞ୍ଜିତା ହରପାଲ ଓ ହିମାଂଶୁ କୁମାର ପଣ୍ଡା ମଞ୍ଚ ପରିଚାଳନା କରିଥିବା ବେଳେ ଲଳିତ ରଣା ଧନ୍ୟବାଦ ଜ୍ଞାପନ କରିଥଲେ ।
ସାଂସ୍କୃତିକ ସଙ୍ଗୀତ ପରିବେଷଣ ଓ ବାଦ୍ୟଯନ୍ତ୍ରରେ ରେଣୁରଞ୍ଜନ ବାଗ ଓ ସାଥୀ କଳାକାରମାନେ ସହାୟତା କରିଥିଲେ । କାର୍ଯ୍ୟକ୍ରମ ଆୟୋଜନରେ ଜନମୁକ୍ତି ଅନୁଷ୍ଠାନର କର୍ମକର୍ତ୍ତା,ସଦସ୍ୟ,ସଦସ୍ୟା ଓ କର୍ମୀ କପିଳାସ ଭୋଇ, ଟେଭା ସଗ୍ରିଆ ,ସଂଜୀବ କୁମାର ବାରିକ, ପ୍ରକାଶ କୁମାର ବନ୍ଦିଛୋର, ଜୟସିଂ ବନଛୋର, ଆଶିଷ ସା, ସଞ୍ଜୀତା ହାତୀ, ସୁବର୍ଣ୍ଣି ବାଗ, ଭାଗ୍ୟଧର ଚିନ୍ଦା, ତ୍ରିଲୋଚନ ସାହୁ, ଅଶୋକ ନେଓରା, ସୁଶୀଳ କୁ.ସାହୁ, ମତୀନ୍ଦ୍ର ବାଗ, ଲକ୍ଷ୍ମୀଧର ବାଗ, ଚନ୍ଦନ ମେହେର, ମହେଶ୍ୱର ରଣା, ବିଦେଶୀ ବୁଡ଼େକ, ଜାନକୀ ଭୋଇ, ହରିଶ ବଗର୍ତ୍ତୀ, ବୈଷ୍ଣବୀ ମହାକୁର, ବିଧୁ ବାଗ, ବୈଷ୍ଣବ ମହାନନ୍ଦ, କୁମଦିନୀ ପାତ୍ର, ଲୋଚନ ବାଗ, ବୈଷ୍ଣବ ଛତର, ନବୀନ ସାହୁ ଏବଂ ସଙ୍ଗୀତା ଗଡୁଆ ପ୍ରମୁଖ ସମ୍ପୁର୍ଣ୍ଣ ସହଯୋଗ କରିଥିଲେ ।

Leave A Reply

Your email address will not be published.