ପଦ୍ମପୁର, (ନିରୋଜ କୁମାର ପାଣୀ) : ରାଜ୍ୟ ବିଜେପି ପକ୍ଷରୁ ପଦ୍ମପୁର ନିର୍ବାଚନ ମଣ୍ଡଳୀର ଦହିତା ବିଜେପି ମଣ୍ଡଳ ସଭାପତି ରୂପେ ଜନକ ସାହୁଙ୍କୁ ବରଗଡ ସାଂସଦ ପ୍ରଦୀପ ପୁରୋହିତ ଓ ଗୋବର୍ଦ୍ଧନ ଭୁଏଙ୍କ ଅନୁମୋଦନ କ୍ରମେ ଦହିତା ମଣ୍ଡଳ ସଭାପତି ରୂପେ ମନୋନୀତ କରାଯାଇଛି । ଜନକ ସାହୁ ପୂର୍ବରୁ ବିଜେପି କାର୍ଯ୍ୟକର୍ତ୍ତା ରୂପେ ଦହିତା ଅଞ୍ଚଳର ଲୋକ ମାନଙ୍କ ସମସ୍ୟାକୁ ଉପସ୍ଥାପନ କରି ଅଞ୍ଚଳର ଜନସାଧାରଣଙ୍କ ପ୍ରିୟ ଭାଜନ ହୋଇଥିଲେ । ବର୍ତ୍ତମାନ ପଦ୍ମପୁର ନିର୍ବାଚନ ମଣ୍ଡଳୀର ଲୋକ ମାନଙ୍କୁ ବିଜେପିର ଲୋକାଭିମୂଖୀ କାର୍ଯ୍ୟକ୍ରମକୁ ଉପସ୍ଥାପନ କରି ବରଗଡ ସାଂସଦ ପ୍ରଦୀପ ପୁରୋହିତଙ୍କୁ ଦୃଷ୍ଟି ଆକର୍ଷଣ କରିଥିଲେ । ବିଜେପିର ବରିଷ୍ଠ ନେତା ଗୋବର୍ଦ୍ଧନ ଭୁଏ ଦହିତା ମଣ୍ଡଳ ସଭାପତି ଜନକ ସାହୁଙ୍କୁ ମନୋନୀତ କରିଥିବାରୁ ତାଙ୍କର ଭବିଷ୍ୟତ ସୁଗମ ହୋଇ ବୋଲି ମତବ୍ୟକ୍ତ କରିଛନ୍ତି । ଶ୍ରୀ ସାହୁ ଦହିତା ମଣ୍ଡଳ ସଭାପତି ଭାବେ ମନୋନୀତ ହୋଇଥିବାରୁ ଦହିତା ଅଞ୍ଚଳର ସମସ୍ତ ବିଜେପି କର୍ମୀ, ନେତା ମାନଙ୍କ ମଧ୍ୟରେ ଉତ୍ସାହ ଦେଖା ଯାଇଥିବା ବେଳେ ତାଙ୍କ ପାଖକୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି ।