ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ଜିଲ୍ଲା ସିଏନସି ମହାବିଦ୍ୟାଳୟରେ ଯୁବ ରେଡ଼୍କ୍ରସ ପ୍ରବେଶ କାର୍ଯ୍ୟକ୍ରମ ବା YRC induction programme ପାଳିତ ହୋଇଯାଇଛି । ସିଏନସି ମହାବିଦ୍ୟାଳୟର ଅଧ୍ୟକ୍ଷ କହ୍ନେଇଁ ଚରଣ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମହାବିଦ୍ୟାଳୟ ଡାଇରେକ୍ଟର ଆଶୁତୋଷ ପୁରୋହିତ ଛାତ୍ରଛାତ୍ରୀମାନଙ୍କ ଉଦ୍ଦେଶ୍ୟରେ ରେଡ଼୍କ୍ରସର ଗୁରୁତ୍ୱ ଏବଂ ଭୂମିକା ବିଷୟରେ ନିଜର ଅଭିଭାଷଣ ରଖିଥିଲେ । ସମ୍ମାନନୀୟ ମୁଖ୍ୟ ଅତିଥିଭାବରେ ଯୁବ ରେଡ଼୍କ୍ରସ ଜିଲ୍ଲା ସଂଯୋଜକ ଡ଼ଃ. ଦଇତାରୀ ପୂଜାରୀ ଯୁବ ରେଡ଼କ୍ରସର ଇତିହାସ, ଦୈନନ୍ଦିନ ଜୀବନରେ ରେଡ୍କ୍ରସର ଭୂମିକା ଏବଂ ଏକ ରେଡ଼୍କ୍ରସ ସ୍ୱେଚ୍ଛାସେବୀ ହିସାବରେ ଛାତ୍ରଛାତ୍ରୀମାନଙ୍କ କର୍ତ୍ତବ୍ୟ ବିଷୟରେ ସବିଶେଷ ଆଲୋଚନା କରିଥିଲେ । ସିଏନସି ମହାବିଦ୍ୟାଳୟର କାଉନସେଲର ମାଧବ ଚନ୍ଦ୍ର ପଧାନ କାର୍ଯ୍ୟକ୍ରମକୁ ସଂଯୋଜନା ସହ ଧନ୍ୟବାଦ ଅର୍ପଣ କରିଥିଲେ । ମହାବିଦ୍ୟାଳୟର ୩୦ ଜଣ ଛାତ୍ରଛାତ୍ରୀଙ୍କୁ ସ୍କାର୍ପ ଏବଂ ରେଡ଼୍କ୍ରସ ଟୋପି ପ୍ରଦାନ ସହ ଫଟୋ ଉତ୍ତୋଳନ କରାଯାଇ କାର୍ଯ୍ୟକ୍ରମକୁ ସଫଳତାର ସହ ଅନୁଷ୍ଠିତ କରାଯାଇଥିଲା ।
Next Post