ବଲାଙ୍ଗିର, (କେପିଏନ୍ଏସ୍) : ରଥ ଉପରୁ ଖସି ପଡ଼ିଲେ କାଳିଆ ଠାକୁର । ଏଭଳି ଏକ ଅଘଟଣ ଘଟିଛି ବଲାଙ୍ଗିର ଜିଲ୍ଲା ଦେଓଗାଁ ବ୍ଲକ ଅଧିନସ୍ଥ ଜରାସିଂହା ଗ୍ରାମରେ । ଶନିବାର ଦିନ ଗାଁରେ ରଥଯାତ୍ରା ଚାଲିଥିବା ବେଳେ କାଳିଆ ଠାକୁର ମାଉସୀ ଘରେ ପହଞ୍ଚି ରଥରୁ ଓହ୍ଲାଉଥିବା ସମୟରେ ରଥ ଉପରୁ ତଳକୁ ଖସି ପଡିଛନ୍ତି । ମହାପ୍ରଭୁଙ୍କ ସହିତ କିଛି ସେବାୟତ ମଧ୍ୟ ତଳେ ପଡ଼ିଯାଇଥିବା ଦେଖିବାକୁ ମିଳିଛି । ତେବେ ଏହି ଦୁର୍ଘଟଣାରେ କେହି ଗୁରୁତର ହୋଇ ନଥିଲେ ମଧ୍ୟ ଆହତ ହୋଇଥିବା ସୂଚନା ମିଳିଛି । ତେବେ ଏହାର ଭିଡିଓ ଏବେ ସୋସିଆଲା ମିଡ଼ିଆରେ ଭାଇରାଲ ହେବାରେ ଲାଗିଛି । ଅଞ୍ଚଳ ପାଇଁ ଏହା ଏକ ଅଶୁଭ ସଂକେତ ବୋଲି ଲୋକେ ଆଲୋଚନା କରୁଛନ୍ତି ।