ବଲାଙ୍ଗିର, (କେପିଏନ୍ଏସ୍) : ଜେଏସ୍ଏମ୍ ବାଣିଜ୍ୟ ଏବଂ କଳା ମହାବିଦ୍ୟାଳୟ ପକ୍ଷରୁ ସ୍ଥାନୀୟ ଆର୍ ଏନ୍ ସିଂହଦେଓ ସ୍ପୋଟସ୍ କମ୍ପଲେକ୍ସଠାରେ ବାର୍ଷିକ ବ୍ୟାଡମିଣ୍ଟନ ପ୍ରତିଯୋଗିତା ଆୟୋଜିତ ହୋଇଯାଇଛି । ମହାବିଦ୍ୟାଳୟର ଚେୟାରମେନ ସିଏ ଶ୍ରୀକାନ୍ତ ଶର୍ମା ପ୍ରଦୀପ ପ୍ରଜ୍ୱଳନ ପୂର୍ବକ ପ୍ରତିଯୋଗିତାକୁ ଉଦ୍ଘାଟନ କରିଥିଲେ । କଲେଜର ନିର୍ଦ୍ଦେଶିକା ଶ୍ରୀମତୀ ସୁମନ ଶର୍ମା କାର୍ଯ୍ୟକ୍ରମରେ ଯୋଗଦେଇ ଉତ୍ସାହିତ କରିଥିଲେ । ଚେୟାରମେନ ସିଏ ଶ୍ରୀକାନ୍ତ ଶର୍ମା ଏହି ଉତ୍ସବକୁ ଅନୁଗ୍ରହ କରି ଛାତ୍ରଛାତ୍ରୀମାନଙ୍କୁ ସ୍ୱାଗତ ଓ ଉତ୍ସାହିତ କରିଥିଲେ । ପ୍ରତିଯୋଗିତାର ନିୟମ ମାନିବା ସହିତ ଖେଳିବା ଉପରେ ଗୁରୁତ୍ୱାରୋପ କରିଥିଲେ । ପରେ ଉକ୍ତ ପ୍ରତିଯୋଗିତାର ମୁଖ୍ୟ ଅତିଥି ଭାବରେ ଅର୍କେଶ ନାରାୟଣ ସିଂହଦେଓ ଯୋଗଦାନ କରିଥିଲେ । ପିଲାମାନଙ୍କୁ ପରାମର୍ଶ ଦେବା ସହିତ ବିଜେତାମାନଙ୍କୁ ପୁରସ୍କାର ବିତରଣ କରିଥିଲେ । ଆଜିର ବାଳିକା ଏକକ ବ୍ୟାଡମିଣ୍ଟନ ପ୍ରତିଯୋଗିତାରେ କୁମାରୀ ଭୂମି ପଟେଲ(+୨ ବାଣିଜ୍ୟ), ପୁଣି ବାଳକ ଏକକ ମଧ୍ୟରେ ଦିନେଶ କୁମାର ସାହୁ (+୩ ଅନ୍ତିମ ବର୍ଷ) ଓ ଦୁଇଜଣ ବାଳକମାନଙ୍କ ମଧ୍ୟରେ ଭୈଭବ ବେହେରା (+୩ ଅନ୍ତିମ ବର୍ଷ) ଓ ଧୁର୍ବ ଅଗ୍ରଓ୍ୱାଲ (+୩ ଦ୍ୱିତୀୟ ବର୍ଷ) ବିଜେତା ଭାବରେ ସ୍ଥାନ ଗ୍ରହଣ କରିଥିଲେ । ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ଛାତ୍ରଛାତ୍ରୀମାନଙ୍କର ସାହାଯ୍ୟ ଓ ସହଯୋଗରେ ଆଜିର ଏହି ବ୍ୟାଡମିଣ୍ଟନ ପ୍ରତିଯୋଗିତାକୁ ସଫଳ କରିଥିବାରୁ ଚେୟାରମେନ ସମସ୍ତଙ୍କୁ ଧନ୍ୟବାଦ ପ୍ରଦାନ କରିବା ସହିତ କାର୍ଯ୍ୟକ୍ରମକୁ ସମାପ୍ତ କରିଥିଲେ ।
Next Post