ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ଉପଖଣ୍ତ ଦେଉଲି ଠାରେ ବୀର ସୁରେନ୍ଦ୍ର ସାଏ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ପଦ୍ମପୁର, ପଶ୍ଚିମାଞ୍ଚଳ ଏକତା ମଞ୍ଚ ପଦ୍ମପୁର ଓ ଦେଉଲି ଗ୍ରାମର ଆନୁକୂଲ୍ୟରେ ସୁଶ୍ରୀ ଜିତେଶ୍ବରୀ ଦାସଙ୍କ ଅଧ୍ୟକ୍ଷତାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା । ଉକ୍ତ ବୈଠକରେ ସୁଶ୍ରୀ ଜୟଶ୍ରୀ ମେହେର, ବୀର କିଶୋର ଶତପଥୀ, ଯୁବରାଜ କୁଦେଇ ଓ ଶିବ ପ୍ରସାଦ ହାତୀଙ୍କୁ ସିରଜିନା ମକର ସମ୍ମାନରେ ସମ୍ମାନିତ କରାଯିବା ପାଇଁ ସ୍ଥିର କରାଗଲା । ଏହି ଅବସରରେ ପଶ୍ଚିମ ଓଡିଶାର କବି ମାନଙ୍କର ଏକ କବି ସମ୍ମିଳନୀ ଅନୁଷ୍ଠିତ ହେବ ବୋଲି ସଂପାଦକ ରାଜେନ୍ଦ୍ର ମହାନ୍ତି ପ୍ରକାଶ କରିଥିଲେ । ପଙ୍କଜିନୀ ପ୍ରଧାନ, ପୌଲସ୍ତ୍ୟ ସାହା, ଡ. ଅବନୀକାନ୍ତ ସାହୁ, ଶରତ ସାହୁ, ଶଙ୍କର ଶତପଥୀ ଆଦି ସଭ୍ୟ ସଭ୍ୟା ଯୋଗଦାନ କରିଥିଲେ । ଶେଷରେ କବି ଡ. ଅବନୀକାନ୍ତ ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।