- ସାମଗ୍ରୀକ ବିକାଶ ପାଇଁ ଯଶୋବନ୍ତିଙ୍କୁ ହାତ ଚିହ୍ନରେ ଭୋଟ ଦିଅନ୍ତୁ – ନରସିଂହ
ବଲାଙ୍ଗିର, (ଦେବାଶିଷ ମିଶ୍ର) : ଗୁରୁତ୍ୱପୂର୍ଣ୍ଣ ମତଦାନ ପାଇଁ ଆଉ ଗୋଟିଏ ଦିନ ବାକି ରହିଲା । ଏହି ଦିନ ଆପଣଙ୍କ ମତଦାନ ଆଗାମୀ ୫ ବର୍ଷ ପାଇଁ ଅଂଚଳର ଭବିଷ୍ୟତ ନିର୍ଧାରଣ କରିବ । ତେଣୁ ଆପଣମାନେ ଏହି ମତଦାନ ପୂର୍ବରୁ ଠିକ୍ ଭାବେ ଚିନ୍ତାକରି ଲୋଭ ବା ଭୟର ବଶବର୍ତ୍ତୀ ନହୋଇ କେବଳ ଅଂଚଳର ବିକାଶ ପାଇଁ ମତଦାନ କରନ୍ତୁ । ଏହି ଅଂଚଳର ସାମଗ୍ରୀକ ବିକାଶ ପାଇଁ କୃଷି, ଜଳସେଚନ, ଶିକ୍ଷା, ସ୍ୱାସ୍ଥ୍ୟ, ଗମନାଗମନ ପ୍ରତ୍ୟେକ ଦିଗରେ ଅଂଚଳକୁ ଆଗେଇ ନେବାକୁ ହେବ । ଆପଣଙ୍କ ଭୋଟ ମଧ୍ୟ ସେହି ଦିଗରେ ଓ ଉଚିତ ପ୍ରାର୍ଥୀକୁ ଯିବା ଆବଶ୍ୟକ । ତେଣୁ ମୋର ଅନୁରୋଧ ଆପଣମାନେ କଂଗ୍ରେସର ଜିଲ୍ଲା ପରିଷଦ ପ୍ରାର୍ଥିନୀ ଯଶୋବନ୍ତି ବଘାରଙ୍କୁ ହାତ ଚିହ୍ନରେ ଭୋଟ ଦେଇ ଅଂଚଳକୁ ଏକ ବିକାଶ ପଥରେ ଆଗେଇ ନେବେ ବୋଲି ଆଜି ବଲାଙ୍ଗିର ବିଧାୟକ ତଥା କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ସଦର ବ୍ଲକରେ ନିର୍ବାଚନ ପ୍ରଚାର ସମୟରେ ଉପସ୍ଥିତ ଜନତାଙ୍କୁ ଆହ୍ୱାନ କରିଛନ୍ତି । ଆଜି ବଲାଙ୍ଗିର ନିର୍ବାଚନ ମଣ୍ଡଳୀ ଅନ୍ତର୍ଗତ ସଦର ବ୍ଲକର ସିନ୍ଦୁରବାହାଲ, ଚନ୍ଦନଭାଟି, କଅଁଗାଁ, ମିର୍ଧାପାଲି, କିରାବାହାଲ, ଖଲିଆପାଲି, ରାଣୀପାଲି, ସକମା, ଫାସଡ, ଅମାମୁଣ୍ଡା, ମନହୀରା, ଭଇଁଷା ଓ ବଘାପାଲି ଆଦି ଗାଁରେ ଅନୁଷ୍ଠିତ କଂଗ୍ରେସର ନିର୍ବାଚନୀ ସଭାମାନଙ୍କରେ ଶ୍ରୀ ମିଶ୍ର ଆହୁରି ମଧ୍ୟ କହିଛନ୍ତି ଯେ, ବାରମ୍ବାର ମିଛ କହି ସିଟ ହାତେଇବା ପ୍ରୟାସ କରୁଥିବା କେନ୍ଦ୍ରର ବିଜେପି ଦଳ ଓ ଗରିବ, ଆଦିବାସୀ, ପଛୁଅବର୍ଗ ବିରୋଧି ରାଜ୍ୟର ବିଜେଡି ଦଳକୁ ଏଥର ଆଦ୍ୱେ ଭୋଟ ଦେବେ ନାହିଁ ବୋଲି ଗାଁ ଗହଳିବାସିନ୍ଦା ସ୍ପଷ୍ଟ ନିଷ୍ପତ୍ତି ନେଇଛନ୍ତି । ତା’ ସହ ଏହି ନିର୍ବାଚନରେ ଅଂଚଳର ପ୍ରକୃତ ସମସ୍ୟାମାନଙ୍କର ସମାଧାନ ପାଇଁ ଛାତ୍ର, ଯୁବକ, କୃଷକ, ଶ୍ରମିକ ସାଥୀ କଂଗ୍ରେସକୁ ପୁଣି ଏକ ସ୍ପଷ୍ଟ ଜନାଦେଇ ଦେବେ । ତେଣୁ ଆପଣମାନେ ମଧ୍ୟ କଂଗ୍ରେସର ଜିଲ୍ଲା ପରିଷଦ ପ୍ରାର୍ଥିନୀ ଯଶୋବନ୍ତି ବଘାରଙ୍କୁ ହାତ ଚିହ୍ନରେ ଭୋଟ ଦେଇ ଜୟଯୁକ୍ତ କରାନ୍ତୁ । ଦେଖିବେ ଅଂଚଳର ବିକାଶ ପ୍ରକ୍ରିୟା ନିଶ୍ଚୟ ତ୍ୱରାନ୍ୱିତ ହେବ ବୋଲି ସେ ଜନତାଙ୍କୁ କହିଛନ୍ତି । କଂଗ୍ରେସ ଦଳର ଏହି ନିର୍ବାଚନୀ ସଭା ମାନଙ୍କରେ କପିଳ ପାଣୀଗ୍ରାହୀ, ମହେନ୍ଦ୍ର ମଲ୍ଲିକ, ଲକ୍ଷ୍ମୀନାରାୟଣ ନାଏକ, ଟୁନା ପାଣୀଗ୍ରାହୀ, ଦେବ ପାଣୀ, ସଂକିର୍ତ୍ତନ ମେହେର, ତପନ ପାଣିଗ୍ରାହୀ, ଅଜିତ ଦଲେଇ, ଭଗବାନ ମେହେର, ବିପିନ ପଟେଲ, ପିଙ୍କୁ ପଟେଲ, ଦିନବନ୍ଧୁ ପଟେଲ, ପ୍ରକାଶ ବରେଇ, ରାମ ମିଶ୍ର, ମଛିନ୍ଦ୍ର ମହାକୁଡ, କୁଞ୍ଜ ପାଣ୍ଡେ, ଧନୁ ସିଂ, ଗୋପୀ ମହାକୁଡ, ଦେବାନନ୍ଦ ସିଂ, ଦେବ ନାଏକ, ପଦ୍ମନ ବରାଡ ଓ ରାଜା ପଣ୍ଡା ପ୍ରମୁଖ ଉପସ୍ଥିତ ଥିଲେ ।
