ଏକ ଆଧୁନିକ ମିଡିଆ ପରିଦୃଶ୍ୟ ପାଇଁ ପରିବର୍ତ୍ତନକାରୀ ପୋର୍ଟାଲର ଶୁଭାରମ୍ଭ କରିଛନ୍ତି କେନ୍ଦ୍ରମନ୍ତ୍ରୀ ଅନୁରାଗ ଠାକୁର
- ପତ୍ରିକା / ଖବରକାଗଜ ପଞ୍ଜୀକରଣରେ ବ୍ୟାପକ ପରିବର୍ତନ ଆଣିବ ପ୍ରେସ୍ ସେବା ପୋର୍ଟାଲ
- ସ୍ୱଚ୍ଛ ଏମ୍ପାନେଲମେଣ୍ଟ ଏବଂ ମିଡିଆ ପ୍ଲାନିଂ ବ୍ୟବସ୍ଥା : ସରକାରଙ୍କ ୩୬୦ ଡିଗ୍ରୀ ଯୋଗାଯୋଗରେ ଦକ୍ଷତା ବୃଦ୍ଧି
- ନାଭିଗେଟ୍ ଭାରତ ପୋର୍ଟାଲ: ସରକାରୀ ଭିଡିଓ ପାଇଁ ୟୁନିଫାଏଡ୍ ହବ୍
- ଏଲସିଓ ପାଇଁ ଜାତୀୟ ରେଜିଷ୍ଟ୍ରାର : କେନ୍ଦ୍ରୀୟ ଭଣ୍ଡାର ମାଧ୍ୟମରେ କେବୁଲ କ୍ଷେତ୍ରକୁ ସୁଦୃଢ଼ କରିବ
ନୂଆଦିଲ୍ଲୀ, (ପିଆଇବି) : ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂହ ଠାକୁର ଆଜି ୪ ଟି ରୂପାନ୍ତରଣକାରୀ ପୋର୍ଟାଲର ଶୁଭାରମ୍ଭ କରିଛନ୍ତି ଯାହା ଭାରତର ଗଣମାଧ୍ୟମ କ୍ଷେତ୍ରରେ ବୈପ୍ଳବିକ ପରିବର୍ତ୍ତନ ଆଣିବ । ଖବରକାଗଜ ପ୍ରକାଶକ ଏବଂ ଟିଭି ଚ୍ୟାନେଲଗୁଡିକ ପାଇଁ ଅଧିକ ଅନୁକୂଳ ବ୍ୟବସାୟିକ ବାତାବରଣ ସୃଷ୍ଟି କରି ବ୍ୟବସାୟ କରିବାରେ ସହଜତା ସୁନିଶ୍ଚିତ କରିବା, ସରକାରୀ ଯୋଗାଯୋଗରେ ସ୍ୱଚ୍ଛତା ଏବଂ ଦକ୍ଷତା ବୃଦ୍ଧି କରିବା, ପ୍ରାମାଣିକ ସରକାରୀ ଭିଡିଓଗୁଡିକୁ ସହଜରେ ଉପଲବ୍ଧ କରାଇବା ଏବଂ ସ୍ଥାନୀୟ କେବୁଲ ଅପରେଟର (ଏଲସିଓ)ର ଏକ ବିସ୍ତୃତ ଡାଟାବେସ୍ ପ୍ରସ୍ତୁତ କରିବା ଏହି ପଦକ୍ଷେପର ଉଦ୍ଦେଶ୍ୟ ।
ଏହି ଅବସରରେ ଉପସ୍ଥିତ ଦର୍ଶକଙ୍କୁ ସମ୍ବୋଧିତ କରି ମନ୍ତ୍ରୀ କହିଥିଲେ ଯେ ଆଜି ଭାରତକୁ ପୁଞ୍ଜିନିବେଶ ପାଇଁ ଏକ ଆକର୍ଷଣୀୟ ସ୍ଥାନ ଭାବରେ ଦେଖାଯାଉଛି ଏବଂ ବିଶ୍ୱସ୍ତରୀୟ କମ୍ପାନୀମାନେ ଏଠାରେ ବ୍ୟବସାୟ ପ୍ରତିଷ୍ଠା କରିବାକୁ ଆଗ୍ରହୀ । ପରିବର୍ତନଶୀଳ ଶାସନ ଏବଂ ଅର୍ଥନୈତିକ ସଂସ୍କାର ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗୁରୁତ୍ୱକୁ ସ୍ମରଣ କରି ସେ କହିଥିଲେ ଯେ ଏହା ଦ୍ୱାରା ଉଭୟ ବର୍ତ୍ତମାନର ବ୍ୟବସାୟ ଏବଂ ନୂତନ ଉଦ୍ୟୋଗୀଙ୍କ ନିବେଶ ବୃଦ୍ଧି ପାଇଛି । ବିଶେଷକରି ଷ୍ଟାର୍ଟଅପ୍ ଇକୋସିଷ୍ଟମ୍ ବିକଶିତ ହୋଇଛି ଏବଂ ଷ୍ଟାର୍ଟଅପ୍ ଏବଂ ୟୁନିକର୍ନ୍ ସଂଖ୍ୟାରେ ଉଲ୍ଲେଖନୀୟ ବୃଦ୍ଧି ଘଟିଛି ବୋଲି ସେ କହିଛନ୍ତି ।
ଇଜ୍ ଅଫ୍ ଡୁଇଂ ବିଜନେସ୍ ଇଣ୍ଡେକ୍ସ ଏବଂ ଲଜିଷ୍ଟିକ୍ ପରଫର୍ମାନ୍ସ ଇଣ୍ଡେକ୍ସ ଭଳି ଆନ୍ତର୍ଜାତିକ ସୂଚକାଙ୍କରେ ଉନ୍ନତି ଆଣିବା ଦ୍ୱାରା ଏହା ବିଶ୍ୱସ୍ତରରେ ସ୍ୱୀକୃତି ଲାଭ କରିଛି ବୋଲି ଶ୍ରୀ ଠାକୁର କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି ଯେ ସରକାରୀ ଇ-ମାର୍କେଟପ୍ଲେସ୍ (ଜିଇଏମ୍) ଭଳି ପ୍ଲାଟଫର୍ମର ସଫଳତା ଏମ୍ଏସ୍ଏମ୍ଇ ଏବଂ କ୍ଷୁଦ୍ର ବ୍ୟବସାୟପାଇଁ ଏକ ସମାନ ସୁଯୋଗ ସୃଷ୍ଟି କରିବା ପାଇଁ ସରକାରଙ୍କ ପ୍ରୟାସକୁ ପ୍ରତିଫଳିତ କରୁଛି। ସେ ଆହୁରି ମଧ୍ୟ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱ କେବଳ ଅର୍ଥନୈତିକ ସଂସ୍କାର ଉପରେ ଗୁରୁତ୍ୱ ଦେଇନାହିଁ ବରଂ ଉଦ୍ୟୋଗୀମାନଙ୍କୁ ଜାତୀୟ ବିକାଶରେ ଅଂଶୀଦାର ଭାବରେ ସ୍ୱୀକୃତି ଦେଇ ଏକ ମାନସିକତା ପରିବର୍ତ୍ତନକୁ ପ୍ରୋତ୍ସାହିତ କରିବା ଉପରେ ମଧ୍ୟ ଧ୍ୟାନ ଦେଇଛି । ଏହି ଆଭିମୁଖ୍ୟ ଦ୍ୱାରା ସମ୍ପତ୍ତି ସୃଷ୍ଟି, ନିଯୁକ୍ତି ସୁଯୋଗ ଏବଂ ଅଧିକ ଆୟ ବୃଦ୍ଧି ପାଇଛି, ଯାହା ଦେଶର ସାମଗ୍ରିକ କଲ୍ୟାଣ ଏବଂ ବିକାଶକୁ ଉପକୃତ କରିଛି ।
ଏହା ପୂର୍ବରୁ ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ସଞ୍ଜୟ ଜାଜୁ ତାଙ୍କ ବକ୍ତବ୍ୟରେ କହିଥିଲେ ଯେ ଏହି ପଦକ୍ଷେପ ଗୁଡ଼ିକ ଆମକୁ ଗଣମାଧ୍ୟମ ସହିତ ଆମର ସମ୍ପର୍କକୁ ସୁବ୍ୟବସ୍ଥିତ ଏବଂ ବୃଦ୍ଧି କରିବାରେ ସାହାଯ୍ୟ କରିବ । ଏହା କେବଳ ସ୍ୱଚ୍ଛତା ଏବଂ ଅଭିନବତାକୁ ପ୍ରୋତ୍ସାହିତ କରିବ ନାହିଁ ଏବଂ ବିଭାଗଗୁଡିକର କାର୍ଯ୍ୟରେ ଉନ୍ନତି ଆଣିବାରେ ସାହାଯ୍ୟ କରିବ ।
ପ୍ରେସ୍ ସେବା ପୋର୍ଟାଲ: ଖବରକାଗଜ ପଞ୍ଜୀକରଣକୁ ସୁବ୍ୟବସ୍ଥିତ କରିବା ପ୍ରେସ୍ ରେଜିଷ୍ଟ୍ରାର ଜେନେରାଲ ଅଫ୍ ଇଣ୍ଡିଆ (ପିଆରଜିଆଇ – ତତ୍କାଳୀନ ଆରଏନଆଇ) ଦ୍ୱାରା ପ୍ରେସ୍ ଆଣ୍ଡ ରେଜିଷ୍ଟ୍ରେସନ୍ ଅଫ୍ ପିରିଓଡିକାଲ୍ସ ଆକ୍ଟ, ୨୦୨୩ (ପିଆରପି ଆକ୍ଟ, ୨୦୨୩) ଅଧୀନରେ ବିକଶିତ ପ୍ରେସ୍ ସେବା ପୋର୍ଟାଲ ଖବରକାଗଜ ପଞ୍ଜୀକରଣ ଏବଂ ଅନ୍ୟାନ୍ୟ ଆନୁସଙ୍ଗିକ ପ୍ରକ୍ରିୟା ପାଇଁ ପ୍ରକ୍ରିୟାକୁ ସମ୍ପୂର୍ଣ୍ଣ ଅଟୋମେସନ୍ କରିବା ଦିଗରେ ଏକ ମହତ୍ୱପୂର୍ଣ୍ଣ ପଦକ୍ଷେପ। ପିଆରପି ଆକ୍ଟ ୨୦୨୩ ଅଧୀନରେ ଡିଜାଇନ୍ କରାଯାଇଥିବା ଏହି ପୋର୍ଟାଲର ଉଦ୍ଦେଶ୍ୟ ହେଉଛି ପୁରୁଣା ପିଆରବି ଆଇନ, ୧୮୬୭ ଅଧୀନରେ ପ୍ରଚଳିତ ଜଟିଳ ପଞ୍ଜୀକରଣ ପ୍ରକ୍ରିୟାକୁ ସରଳ କରିବା ।
ପ୍ରେସ୍ ସେବା ପୋର୍ଟାଲର ପ୍ରମୁଖ ବୈଶିଷ୍ଟ୍ୟଗୁଡ଼ିକ ହେଲା:
● ଅନଲାଇନ ଆବେଦନ: ପ୍ରକାଶକମାନେ ଆଧାର ଆଧାରିତ ଇ-ଦସ୍ତଖତ ବ୍ୟବହାର କରି ଅନଲାଇନରେ ଟାଇଟଲ ପଞ୍ଜୀକରଣ ପାଇଁ ଆବେଦନ କରିପାରିବେ ।
● ସମ୍ଭାବ୍ୟତା ମିଟର: ଶୀର୍ଷକ ଉପଲବ୍ଧତାର ସମ୍ଭାବନା କୁ ସୂଚିତ କରେ ।
● ଆପ୍ଲିକେସନ୍ ସ୍ଥିତିର ରିଅଲ-ଟାଇମ୍ ଟ୍ରାକିଂ: ଏକ ସହଜରେ ଡିଜାଇନ୍ ହୋଇଥିବା ଡ୍ୟାସବୋର୍ଡ ମାଧ୍ୟମରେ ଉପଲବ୍ଧ ।
● ଉତ୍ସର୍ଗୀକୃତ ଡିଏମ୍ ମଡ୍ୟୁଲ୍: ଜିଲ୍ଲା ମାଜିଷ୍ଟ୍ରେଟମାନଙ୍କୁ ଏକ କେନ୍ଦ୍ରୀୟ ଡ୍ୟାସ୍ ବୋର୍ଡରେ ପ୍ରକାଶକମାନଙ୍କଠାରୁ ପ୍ରାପ୍ତ ଆବେଦନଗୁଡ଼ିକୁ ପରିଚାଳନା କରିବାକୁ ସକ୍ଷମ କରେ ।
ନୂତନ ୱେବସାଇଟ୍ : ପୋର୍ଟାଲ ସହିତ, ୱେବସାଇଟ ପ୍ରାସଙ୍ଗିକ ସୂଚନାକୁ ସହଜରେ ଆକସେସ୍ ପ୍ରଦାନ କରେ, ଯେଉଁଥିରେ ଉପଭୋକ୍ତା-ଅନୁକୂଳ ବାର୍ତ୍ତାଳାପ ପାଇଁ ଏକ ଏଆଇ-ଆଧାରିତ ଚାଟବଟ୍ ରହିଛି ।
ଅଟୋମେସନର ଲାଭ : ଟାଇଟଲ୍ ପଞ୍ଜୀକରଣ ପାଇଁ ଅନଲାଇନ୍ ସେବା, ଇ-ସାଇନ୍ ସୁବିଧା ସହିତ କାଗଜବିହୀନ ପ୍ରକ୍ରିୟା, ସିଧାସଳଖ ପେମେଣ୍ଟ ଗେଟୱେର ଏକୀକରଣ, କ୍ୟୁଆର୍ କୋଡ୍ ଆଧାରିତ ଡିଜିଟାଲ୍ ସାର୍ଟିଫିକେଟ୍, ପ୍ରିଣ୍ଟିଂ ପ୍ରେସ୍ ବିଷୟରେ ଅନଲାଇନ୍ ସୂଚନା ସକ୍ଷମ କରୁଥିବା ପ୍ରେସ୍ କିପର / ମାଲିକଙ୍କ ପାଇଁ ମଡ୍ୟୁଲ୍, ଖବରକାଗଜ ପଞ୍ଜୀକରଣର ଦକ୍ଷ ଟ୍ରାକିଂ ଏବଂ ଚାଟବଟ୍ ଆଧାରିତ ଇଣ୍ଟରଆକ୍ଟିଭ୍ ଅଭିଯୋଗ ସମାଧାନ ସଫ୍ଟୱେୟାର୍ ମାଧ୍ୟମରେ ଶୀଘ୍ର ଅଭିଯୋଗ ସମାଧାନ ।
ସ୍ବଚ୍ଛ ଏମ୍ପାନେଲମେଣ୍ଟ ମିଡିଆ ପ୍ଲାନିଂ ଏବଂ ଇବିଲିଂ ସିଷ୍ଟମ : ମିଡିଆ ପ୍ଲାନିଂରେ ବୈପ୍ଳବିକ ପରିବର୍ତ୍ତନ ପ୍ରେସ ସେବା ପୋର୍ଟାଲ ବ୍ୟତୀତ ମନ୍ତ୍ରଣାଳୟ କେନ୍ଦ୍ରୀୟ ଯୋଗାଯୋଗ ବ୍ୟୁରୋ ପାଇଁ ସ୍ୱଚ୍ଛ ଅନୁମୋଦନ, ମିଡିଆ ପ୍ଲାନିଂ ଏବଂ ଇବିଲିଂ ସିଷ୍ଟମ ଆରମ୍ଭ କରୁଛି । ସିବିସି ମନ୍ତ୍ରଣାଳୟ, ବିଭାଗ, ପିଏସୟୁ ଏବଂ ସ୍ୱୟଂଶାସିତ ସଂସ୍ଥାଗୁଡ଼ିକୁ ବ୍ୟାପକ 360 ଡିଗ୍ରୀ ମିଡିଆ ଏବଂ ଯୋଗାଯୋଗ ସମାଧାନ ପ୍ରଦାନ କରେ । ସିବିସିର ନୂତନ ବ୍ୟବସ୍ଥା ଗଣମାଧ୍ୟମ ଯୋଜନା ପ୍ରକ୍ରିୟାରେ ସ୍ୱଚ୍ଛତା ଏବଂ ଦକ୍ଷତା ବୃଦ୍ଧି କରିବା ଏବଂ କାଗଜବିହୀନ ଏବଂ ଚେହେରାହୀନ ପରିବେଶରେ ବ୍ୟବସାୟ କରିବା ପାଇଁ ମିଡିଆ ଶିଳ୍ପ ପାଇଁ ଏକ ଏଣ୍ଡ-ଟୁ-ଏଣ୍ଡ ଇଆରପି ସମାଧାନ ପ୍ରଦାନ କରିବା ପାଇଁ ଡିଜାଇନ୍ କରାଯାଇଛି । ମୁଖ୍ୟ ବୈଶିଷ୍ଟ୍ୟଗୁଡ଼ିକ ମଧ୍ୟରେ ରହିଛି:
● ସୁବ୍ୟବସ୍ଥିତ ପ୍ରସାରଣ ପ୍ରକ୍ରିୟା : ସ୍ୱଚ୍ଛତା ଏବଂ ଦକ୍ଷତା ସୁନିଶ୍ଚିତ କରିବା ପାଇଁ ଖବରକାଗଜ, ପତ୍ରିକା, ଟିଭି, ରେଡିଓ ଏବଂ ଡିଜିଟାଲ ମିଡିଆର ପ୍ରସାରଣ ପାଇଁ ଏକ ଅନଲାଇନ୍ ବ୍ୟବସ୍ଥା ।
● ସ୍ୱୟଂଚାଳିତ ମିଡିଆ ପ୍ଲାନିଂ: ସର୍ବନିମ୍ନ ମାନୁଆଲ ହସ୍ତକ୍ଷେପ ସହିତ ଗଣମାଧ୍ୟମ ଯୋଜନାର ଅନଲାଇନ୍ ଉତ୍ପାଦନ ପାଇଁ ଉନ୍ନତ ଉପକରଣ ଏବଂ ବୈଶିଷ୍ଟ୍ୟ, ଯାହାଫଳରେ ମିଡିଆ ଯୋଜନା ପ୍ରସ୍ତୁତ କରିବାରେ ସମୟ ବହୁତ ହ୍ରାସ ପାଇଥାଏ ।
● ସ୍ୱୟଂଚାଳିତ ବିଲିଂ: ନିରବଚ୍ଛିନ୍ନ ଏବଂ ସ୍ୱଚ୍ଛ ବିଲ୍ ଦାଖଲ, ଯାଞ୍ଚ ଏବଂ ଦେୟ ପାଇଁ ଏକ ଇ-ବିଲିଙ୍ଗ ପ୍ରକ୍ରିୟାକରଣ ବ୍ୟବସ୍ଥାର ଏକୀକରଣ।
● ମୋବାଇଲ୍ ଆପ୍: ସଂଗଠିତ ମନିଟରିଂ ପାଇଁ ଟେମ୍ପର୍ ପ୍ରୁଫ୍ ଟାଇମଷ୍ଟାମ୍ପ ଏବଂ ଜିଓ ଟ୍ୟାଗିଂ କାର୍ଯ୍ୟକାରିତା ଥିବା ଅଂଶୀଦାରମାନଙ୍କ ପାଇଁ ଏକ ବିସ୍ତୃତ ମୋବାଇଲ୍ ଆପ୍ ।
● ବିଶ୍ୱସନୀୟ ଏବଂ ଇଣ୍ଟେଲିଜେଣ୍ଟ ସମାଧାନ: ଏହି ପୋର୍ଟାଲକୁ ଅତ୍ୟାଧୁନିକ ଜ୍ଞାନକୌଶଳ ସହିତ ସମନ୍ୱିତ କରାଯାଇଛି ଯାହା ରିୟଲ-ଟାଇମ୍ ବିଶ୍ଳେଷଣାତ୍ମକ ରିପୋର୍ଟ କରିବାରେ ସାହାଯ୍ୟ କରେ ଏବଂ ସଂଗଠନକୁ ଡାଟା-ପରିଚାଳିତ ନିଷ୍ପତ୍ତି ନେବାରେ ସକ୍ଷମ କରେ ।
● ଇଜ୍ ଅଫ୍ ଡୁଇଂ ବିଜନେସକୁ ପ୍ରୋତ୍ସାହିତ କରିବା : ଅନଲାଇନ୍ ସ୍ୱଚ୍ଛ ବ୍ୟବସ୍ଥା ଦ୍ରୁତ ପଞ୍ଜୀକରଣ, ଅସୁବିଧାମୁକ୍ତ ବ୍ୟବସାୟ ପରିବେଶ, ସ୍ୱୟଂଚାଳିତ ଅନୁପାଳନ ଏବଂ ଦ୍ରୁତ ଦେୟ ସୁନିଶ୍ଚିତ କରେ ଯାହା ଦ୍ୱାରା ବ୍ୟବସାୟ କରିବାରେ ସହଜତା ଯଥେଷ୍ଟ ବୃଦ୍ଧି ପାଇଥାଏ ।
● ଦ୍ରୁତ ସମସ୍ୟା ସମାଧାନ ପାଇଁ ଉତ୍ସର୍ଗୀକୃତ ଆଇଭିଆର ହେଲ୍ପଡେସ୍କ: ସିବିସି ଗ୍ରାହକ ଏବଂ ଅଂଶୀଦାରମାନଙ୍କ ପାଇଁ ଦ୍ରୁତ ପ୍ରଶ୍ନ ଏବଂ ସମାଧାନ ସେବା ପ୍ରଦାନ କରିବା ପାଇଁ ଉତ୍ସର୍ଗୀକୃତ ହେଲ୍ପଲାଇନ୍ ନମ୍ବର ସହିତ ସିବିସିରେ ଅବସ୍ଥାପିତ ଏକ ଉତ୍ସର୍ଗୀକୃତ ଆଇଭିଆର ସମର୍ଥନ ଦଳ ପ୍ରତିଷ୍ଠା କରିଛି ।
ନାଭିଗେଟ୍ ଭାରତ ପୋର୍ଟାଲ: ଭାରତର ଜାତୀୟ ଭିଡିଓ ଗେଟ୍ ୱେ
ମନ୍ତ୍ରଣାଳୟର ନ୍ୟୁ ମିଡିଆ ୱିଙ୍ଗ ଦ୍ୱାରା ବିକଶିତ ‘ନାଭିଗେଟ୍ ଭାରତ’ ପୋର୍ଟାଲ ଅର୍ଥାତ୍ ନ୍ୟାସନାଲ ଭିଡିଓ ଗେଟ୍ ୱେ ଅଫ୍ ଇଣ୍ଡିଆ ହେଉଛି ଏକ ସମନ୍ୱିତ ଦ୍ୱିଭାଷିକ ପ୍ଲାଟଫର୍ମ ଯାହା ସରକାରଙ୍କ ବିକାଶ ସମ୍ବନ୍ଧୀୟ ଏବଂ ନାଗରିକ କଲ୍ୟାଣ ଭିତ୍ତିକ ପଦକ୍ଷେପର ସମଗ୍ର ଦିଗ ଉପରେ ଭିଡିଓ ସଂରକ୍ଷିତ କରି ରଖିଥାଏ ।
‘ନାଭିଗେଟ୍ ଭାରତ’ ନାଗରିକମାନଙ୍କୁ ଫିଲ୍ଟର-ଆଧାରିତ ଉନ୍ନତ ସନ୍ଧାନ ବିକଳ୍ପ ସହିତ ବିଭିନ୍ନ ସରକାରୀ ଯୋଜନା, ପଦକ୍ଷେପ ଏବଂ ଅଭିଯାନ ସମ୍ବନ୍ଧୀୟ ଭିଡିଓଗୁଡିକ ସନ୍ଧାନ, ଷ୍ଟ୍ରିମ୍, ସେୟାର ଏବଂ ଡାଉନଲୋଡ୍ କରିବା ପାଇଁ ଏକ ଇଣ୍ଟରଆକ୍ଟିଭ୍ ଉପଭୋକ୍ତା ଇଣ୍ଟରଫେସ୍ ସହିତ ଏକକ ପ୍ଲାଟଫର୍ମ ପ୍ରଦାନ କରି ସଶକ୍ତ କରିଥାଏ ।
ଏହି ପୋର୍ଟାଲ ଏକାଧିକ ଉତ୍ସରୁ ସରକାରୀ ଏବଂ ବିଶ୍ୱସନୀୟ ସୂଚନା ସନ୍ଧାନ କରିବାର ଅସୁବିଧାକୁ ଦୂର କରିଥାଏ, ଯାହା ଗଣମାଧ୍ୟମ ଏବଂ ସାଧାରଣ ଲୋକଙ୍କ ପାଇଁ ଏକ ୱାନ୍ ଷ୍ଟପ୍ ପ୍ଲାଟଫର୍ମ ପ୍ରଦାନ କରିଥାଏ ।
‘ନାଭିଗେଟ୍ ଭାରତ’ ଧାଡ଼ିରେ ଠିଆ ହୋଇଥିବା ଶେଷ ବ୍ୟକ୍ତିଙ୍କୁ ସରକାରଙ୍କ କଲ୍ୟାଣକାରୀ ଯୋଜନା ଏବଂ ପଦକ୍ଷେପ ସହିତ ଯୋଡ଼ିଥାଏ, ଯାହା ସୁନିଶ୍ଚିତ କରେ ଯେ ଆମ ଦେଶର ଭବିଷ୍ୟତକୁ ବୁଝିବାରେ କେହି ପଛରେ ନ ପଡ଼ିବେ ଏବଂ ଏହା ଏକ ବିକଶିତ ଭାରତ ହେବା ପଥରେ ଆଗକୁ ବଢ଼ୁଛି।
‘ନାଭିଗେଟ୍ ଭାରତ’ ପୋର୍ଟାଲର ପ୍ରମୁଖ ବୈଶିଷ୍ଟ୍ୟ:
- ମନ୍ତ୍ରଣାଳୟ, କ୍ଷେତ୍ର, ଯୋଜନା, ଅଭିଯାନ ପାଇଁ ଉତ୍ସର୍ଗୀକୃତ ପେଜ୍
ନାଭିଗେଟ୍ ଭାରତ ମନ୍ତ୍ରଣାଳୟ, କ୍ଷେତ୍ର, ଯୋଜନା ଏବଂ ଅଭିଯାନ ପାଇଁ ଉତ୍ସର୍ଗୀକୃତ ପୃଷ୍ଠା ଗୁଡିକ ପ୍ରଦାନ କରେ । ସମସ୍ତ ଭିଡିଓ ପାଇଁ ବିସ୍ତୃତ ବିବରଣୀ ସହିତ, ଏହି ପୃଷ୍ଠାଗୁଡ଼ିକ ସରକାରୀ ପଦକ୍ଷେପ ଗୁଡ଼ିକର ଏକ ସାମଗ୍ରିକ ଦୃଶ୍ୟ ପ୍ରଦାନ କରନ୍ତି। - ସହଜ ନାଭିଗେସନ୍ ଏବଂ ସନ୍ଧାନ
ଉପଭୋକ୍ତାମାନେ ଖୋଜୁଥିବା ଭିଡିଓ ଗୁଡିକ ଖୋଜିବା ପାଇଁ ସହଜ ଆକସେସ୍ - ବର୍ଗୀକରଣ ଏବଂ ଟ୍ୟାଗିଂ
ଶ୍ରେଣୀ କିମ୍ବା ଟ୍ୟାଗ୍ ଯାହା ଉପଭୋକ୍ତାଙ୍କୁ ବିଷୟ / କୀୱାର୍ଡ ଦ୍ୱାରା ଭିଡିଓ ସନ୍ଧାନ କରିବାକୁ ଅନୁମତି ଦେଇଥାଏ - ସିମଲେସ୍ ଭିଡିଓ ପ୍ଲେବ୍ୟାକ୍ ଏବଂ ଷ୍ଟ୍ରିମିଂ
ନିରବଚ୍ଛିନ୍ନ ଦେଖିବା ଅଭିଜ୍ଞତା ପାଇଁ ଭିଡିଓ ପ୍ଲେୟାର ଏବଂ ଷ୍ଟ୍ରିମିଂ କ୍ଷମତା - ଡାଉନଲୋଡ୍ ଏବଂ ସେୟାରିଂ ବିକଳ୍ପ
ସୋସିଆଲ ମିଡିଆ ପ୍ଲାଟଫର୍ମ ଜରିଆରେ ୟୁଜର୍ସ ଅନ୍ୟମାନଙ୍କ ସହ ଭିଡିଓ ଡାଉନଲୋଡ ଏବଂ ସେୟାର କରିପାରିବେ - ଉନ୍ନତ ସନ୍ଧାନ କାର୍ଯ୍ୟକାରିତା
ହୋମ୍ ପୃଷ୍ଠାରେ ଏବଂ ପୋର୍ଟାଲର ପ୍ରତ୍ୟେକ ବିଭାଗରେ ଫିଲ୍ଟର-ଆଧାରିତ ଉନ୍ନତ ସନ୍ଧାନ କାର୍ଯ୍ୟକାରିତା
ଏଲସିଓମାନଙ୍କ ପାଇଁ ଜାତୀୟ ପଞ୍ଜୀକରଣ : କେବୁଲ ସେକ୍ଟରକୁ ସୁଦୃଢ଼ କରିବା ଜାତୀୟ ଲୋକାଲ୍ କେବୁଲ ଅପରେଟର୍ସ ପଞ୍ଜୀକରଣ (ଏଲସିଓ) ହେଉଛି ଏକ କେନ୍ଦ୍ରୀୟ ପଞ୍ଜୀକରଣ ବ୍ୟବସ୍ଥା ଅଧୀନରେ ଦେଶବ୍ୟାପୀ ଥିବା ଡାକଘର ଗୁଡିକରେ ବର୍ତ୍ତମାନ ଥିବା ଏଲସିଓ ଗୁଡିକର ପଞ୍ଜୀକରଣ ଆଣିବାର ପ୍ରଥମ ପଦକ୍ଷେପ । ଜାତୀୟ ପଞ୍ଜୀକରଣ ଉଦ୍ଦେଶ୍ୟରେ ସ୍ଥାନୀୟ କେବୁଲ ଅପରେଟରଙ୍କଠାରୁ ସୂଚନା ସଂଗ୍ରହ କରିବା ପାଇଁ ଏକ ୱେବ୍ ଫର୍ମ ଡିଜାଇନ୍ କରାଯାଇଛି। ଏଲସିଓମାନଙ୍କ ପାଇଁ ଜାତୀୟ ରେଜିଷ୍ଟ୍ରାର ମଧ୍ୟ ଅନଲାଇନରେ ପ୍ରକାଶିତ ହୋଇଛି ଏବଂ ନିୟମିତ ଭାବରେ ଅପଡେଟ୍ ହେଉଛି । ଏହା ଏକ ଏଲସିଓ ପାଇଁ ଏକ ଜାତୀୟ ପଞ୍ଜୀକରଣ ନମ୍ବର ସହିତ ଏକ ଅଧିକ ସଂଗଠିତ କେବୁଲ କ୍ଷେତ୍ରକୁ ପ୍ରତିଶ୍ରୁତି ଦେଇଥାଏ, ଯାହା କେବୁଲ ଅପରେଟରମାନଙ୍କ ପାଇଁ ଦାୟିତ୍ୱବାନ ସେବା ଏବଂ ସୁବିଧା ପାଇଁ ନୂତନ ନୀତି ପ୍ରସ୍ତୁତ କରିବା ସହଜ କରିଥାଏ । ଅନଲାଇନ୍ ପଞ୍ଜୀକରଣ ପାଇଁ ଏକ କେନ୍ଦ୍ରୀକୃତ ପୋର୍ଟାଲ ବିକାଶ ପ୍ରକ୍ରିୟାରେ ଅଛି । ଏଲସିଓ ନ୍ୟାସନାଲ ରେଜିଷ୍ଟର ସୁବିଧା ବିକଶିତ ଭାରତର ପରିକଳ୍ପନା ସହ ଯୋଡ଼ି ହୋଇ କେବୁଲ କ୍ଷେତ୍ର ପାଇଁ ନୂଆ ସମ୍ଭାବନା ଖୋଲିଛି ।
ଏହି ପଦକ୍ଷେପଗୁଡ଼ିକ ସାମୂହିକ ଭାବରେ ଭାରତରେ ଏକ ଡିଜିଟାଲ ଏବଂ ଆଧୁନିକୀକରଣ ଗଣମାଧ୍ୟମ ପରିଦୃଶ୍ୟ ଦିଗରେ ଏକ ଗୁରୁତ୍ୱପୂର୍ଣ୍ଣ ଅଗ୍ରଗତିକୁ ଚିହ୍ନିତ କରେ । ସୂଚନା ଓ ପ୍ରସାରଣ ମନ୍ତ୍ରଣାଳୟ ଗଣମାଧ୍ୟମ କ୍ଷେତ୍ରରେ ଅଭିନବତା, ସ୍ୱଚ୍ଛତା ଏବଂ ପ୍ରଗତିକୁ ପ୍ରୋତ୍ସାହିତ କରିବା ପାଇଁ ନିଜର ପ୍ରତିବଦ୍ଧତାକୁ ଦୋହରାଇଛି ।
ପୃଷ୍ଠଭୂମି
ପ୍ରେସ୍ ଆଣ୍ଡ ରେଜିଷ୍ଟ୍ରେସନ୍ ଅଫ୍ ପିରିଓଡିକାଲ୍ସ ଆଇନ, ୨୦୨୩
ପ୍ରେସ୍ ଆଣ୍ଡ ରେଜିଷ୍ଟ୍ରେସନ୍ ଅଫ୍ ପିରିଓଡିକାଲ୍ ଆକ୍ଟ, ୨୦୨୩ (ପିଆରପି ଆକ୍ଟ, ୨୦୨୩) ପତ୍ରିକା ପାଇଁ ପଞ୍ଜୀକରଣ ପ୍ରକ୍ରିୟାରେ ବୈପ୍ଳବିକ ପରିବର୍ତ୍ତନ ଆଣିଛି, ଯେଉଁଥିରେ ଫିଜିକାଲ୍ ଦାଖଲର ଆବଶ୍ୟକତା ନଥାଇ ଟାଇଟଲ୍ ଆବଣ୍ଟନ ଏବଂ ପଞ୍ଜୀକରଣ ପାଇଁ ଏକ ନିରବଚ୍ଛିନ୍ନ ଅନଲାଇନ୍ ବ୍ୟବସ୍ଥା ପ୍ରଚଳନ କରାଯାଇଛି। ବିଶେଷ କରି କ୍ଷୁଦ୍ର ଓ ମଧ୍ୟମ ପ୍ରକାଶକମାନଙ୍କ ପାଇଁ ଲାଭଦାୟକ ଏହି ଦକ୍ଷ ଆଭିମୁଖ୍ୟ ଜିଲ୍ଲା ମାଜିଷ୍ଟ୍ରେଟଙ୍କ ନିକଟରେ ଏକାଧିକ ଘୋଷଣା ପତ୍ର ଦାଖଲ କରିବାର ଆବଶ୍ୟକତାକୁ ଦୂର କରିଥାଏ। ଏହା ବଦଳରେ ପ୍ରକାଶକମାନେ ଏବେ ପ୍ରେସ୍ ସେବା ପୋର୍ଟାଲ ଜରିଆରେ ଗୋଟିଏ ଅନଲାଇନ୍ ଆବେଦନ ଦାଖଲ କରିବେ, ଯେଉଁଥିରେ ପୂର୍ବରୁ ୮ଟି ଷ୍ଟେପ୍ ସମ୍ପୃକ୍ତ ଥିବା ସମଗ୍ର ପ୍ରକ୍ରିୟାକୁ ସୁବ୍ୟବସ୍ଥିତ କରାଯିବ। ସୂଚନାଯୋଗ୍ୟ, ପ୍ରେସ୍ ଆଣ୍ଡ ରେଜିଷ୍ଟ୍ରେସନ୍ ଅଫ୍ ବୁକ୍ ଆକ୍ଟ, ୧୮୬୭ର କଠୋର ବ୍ୟବସ୍ଥା ତୁଳନାରେ ୨୦୨୩ ଆଇନ ମଧ୍ୟ ଅପରାଧମୁକ୍ତକରଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପରିବର୍ତ୍ତନ ଆଣିଛି। ଏହି ପରିବର୍ତ୍ତନଗୁଡ଼ିକ ସାମୂହିକ ଭାବରେ ପଞ୍ଜୀକରଣ ପରିଦୃଶ୍ୟକୁ ଆଧୁନିକୀକରଣ ଏବଂ ସରଳ କରିବା, ପ୍ରକାଶନ ଗୁଡ଼ିକର ଦ୍ରୁତ ଏବଂ ଦକ୍ଷ ଆରମ୍ଭ ଏବଂ ପରିଚାଳନା ପାଇଁ ଅନୁକୂଳ ପରିବେଶ ସୃଷ୍ଟି କରିବାକୁ ଲକ୍ଷ୍ୟ ରଖିଛି ।
ଡିସେମ୍ବର ୨୦୨୩ ରେ ପିଆରପି ଆଇନକୁ ରାଷ୍ଟ୍ରପତିଙ୍କ ଅନୁମୋଦନ ମିଳିଛି ଏବଂ ନିକଟ ଭବିଷ୍ୟତରେ ଏହା ବିଜ୍ଞପ୍ତି ପ୍ରକାଶ ପାଇବାର ସମ୍ଭାବନା ରହିଛି । ଏହି ଆଇନ ବର୍ତ୍ତମାନର ପିଆରବି ଆଇନ ୧୮୬୭ର ସ୍ଥାନରେ ରହିବ। ଏହି ଆଇନ ଅନୁଯାୟୀ ରେଜିଷ୍ଟ୍ରାର ଅଫ୍ ନ୍ୟୁଜ୍ ପେପରଫର୍ ଇଣ୍ଡିଆ କାର୍ଯ୍ୟାଳୟ ବଦଳରେ ପ୍ରେସ୍ ରେଜିଷ୍ଟ୍ରାର ଜେନେରାଲ ଅଫ୍ ଇଣ୍ଡିଆଙ୍କ କାର୍ଯ୍ୟାଳୟ ରହିବ।
ସୂଚନା ଓ ପ୍ରସାରଣ ମନ୍ତ୍ରଣାଳୟ ଅଧୀନରେ ଥିବା କେନ୍ଦ୍ରୀୟ ଯୋଗାଯୋଗ ବ୍ୟୁରୋ (ସିବିସି) ହେଉଛି ଏକ ଗୁରୁତ୍ୱପୂର୍ଣ୍ଣ ୟୁନିଟ୍, ଯାହା ପୂର୍ବତନ ଡାଇରେକ୍ଟୋରେଟ୍ ଅଫ୍ ଆଡଭରର୍ଟାଇଜିଂ ଆଣ୍ଡ ଭିଜୁଆଲ ପବ୍ଲିସିଟି (ଡିଏଭିପି), ଡାଇରେକ୍ଟୋରେଟ୍ ଅଫ୍ ଫିଲ୍ଡ ପବ୍ଲିସିଟି (ଡିଏଫପି) ଏବଂ ସଙ୍ଗ ଆଣ୍ଡ ଡ୍ରାମା ଡିଭିଜନ (ଏସଆଣ୍ଡଡିଡି)ର ମିଶ୍ରଣ ମାଧ୍ୟମରେ ଡିସେମ୍ବର ୮, ୨୦୧୭ରେ ସ୍ଥାପିତ ହୋଇଥିଲା ।
ନୂଆଦିଲ୍ଲୀରେ ଏହାର ୨୩ ଟି ଆଞ୍ଚଳିକ କାର୍ଯ୍ୟାଳୟ (ଆରଓ) ଏବଂ ୧୪୮ ଟି କ୍ଷେତ୍ର କାର୍ଯ୍ୟାଳୟ (ଏଫ୍ଓ) ସହିତ ସିବିସି ପ୍ରିଣ୍ଟ, ଟିଭି, ରେଡିଓ, ଆଉଟଡୋର, ୱେବସାଇଟ୍, ସୋସିଆଲ ମିଡିଆ ଏବଂ ଉଦୀୟମାନ ଡିଜିଟାଲ୍ ପ୍ଲାଟଫର୍ମ ସମେତ ବିଭିନ୍ନ ଗଣମାଧ୍ୟମ ବିଭାଗ ମାଧ୍ୟମରେ ଭାରତ ସରକାରଙ୍କ ମନ୍ତ୍ରଣାଳୟ, ବିଭାଗ, ପିଏସୟୁ ଏବଂ ସ୍ୱୟଂଶାସିତ ସଂସ୍ଥାଗୁଡ଼ିକୁ ବ୍ୟାପକ ଯୋଗାଯୋଗ ସମାଧାନ ପ୍ରଦାନ କରିଥାଏ।
କେନ୍ଦ୍ରୀୟ ଯୋଗାଯୋଗ ବ୍ୟୁରୋ ସେମାନଙ୍କ ଗଣମାଧ୍ୟମ ଏବଂ ଯୋଗାଯୋଗ ଆବଶ୍ୟକତାକୁ ୩୬୦ ଡିଗ୍ରୀ ସମାଧାନ ପାଇଁ କେନ୍ଦ୍ର ସରକାରଙ୍କ ଦ୍ୱାରା ପାଣ୍ଠିପ୍ରାପ୍ତ ପ୍ରାୟ ୧୧୦୦ ଗ୍ରାହକ ମନ୍ତ୍ରଣାଳୟ / ବିଭାଗ / ପିଏସୟୁ / ଅନୁଷ୍ଠାନ ସହିତ ସହଭାଗୀତା କରେ ।
୭୦୦୦ରୁ ଅଧିକ ପ୍ରକାଶକ (ଖବରକାଗଜ/ପତ୍ରିକା), ପାଖାପାଖି ୫୫୧ଟି ଟେଲିଭିଜନ ଚ୍ୟାନେଲ, ୩୮୮ଟି ଘରୋଇ ଏଫ୍ଏମ୍ ଚ୍ୟାନେଲ୍ ଏବଂ ପ୍ରାୟ ୩୬୦ଟି କମ୍ୟୁନିଟି ରେଡିଓ ଷ୍ଟେସନ୍ ବର୍ତ୍ତମାନ ସିବିସି ସହିତ ତାଲିକାଭୁକ୍ତ ହୋଇ ସରକାରୀ ସଂସ୍ଥା ସହିତ ନିୟମିତ କାର୍ଯ୍ୟ କରୁଛନ୍ତି ।