ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଡେଲାଙ୍ଗ ବ୍ଲକ ଅନ୍ତର୍ଗତ ଘୋରଡିଆ ଗ୍ରାମରେ ପ୍ରଭୁ ପତିତପାବନ ଦେବ ସୁନାବେଶରେ ଦର୍ଶନ ଦେଇଥିଲେ । ବାହୁଡା ବିଜୟ ପରେ ଗତକାଲି ପତିତପାବନ ମନ୍ଦିର ନିକଟରେ ରଥାରୁଢ ହୋଇ ସ୍ୱର୍ଣ୍ଣ ଆଭୂଷଣ ବିମଣ୍ଡିତ ହୋଇଥିଲେ । ଶହ ଶହ ଭକ୍ତ ଶ୍ରଦ୍ଧାଳୁ ଶ୍ରୀଜୀଉଙ୍କ ଦର୍ଶନ ଲାଭ ପାଇଁ ସମବେତ ହୋଇଥିଲେ । ତେବେ ନୀତିକାନ୍ତି ପରେ ଆଜି ପତିତପାବନ ଦେବ ମନ୍ଦିର ବିଜେ କଲେ । ମନ୍ଦିର କମିଟିର ମୁଖ୍ୟ ବିଜୟ ମିଶ୍ର ଏହାର ପରିଚାଳନା କରିଥିବା ବେଳେ କାର୍ଯ୍ୟକର୍ତ୍ତା ବାସୁଦେବ ମିଶ୍ର, ମଦନ ମିଶ୍ର, ସଞ୍ଜୟ ମିଶ୍ର, ବୀରେନ ମିଶ୍ର, ଦେବାଶିଷ ମିଶ୍ର ପ୍ରମୁଖ ସହଯୋଗ କରିଥିଲେ । ଏଥି ସହିତ ପୂଜକ ଓ ସେବାୟତମାନଙ୍କ ପକ୍ଷରୁ କାର୍ଯ୍ୟ ପରିଚାଳନାରେ ପୂର୍ଣ୍ଣ ସହଯୋଗ ରହିଥିଲା ।