ବଲାଙ୍ଗିର, (କେପିଏନ୍ଏସ୍) : ଆଜି ସକାଳେ ମାଲପଡା ନିବାସୀ ତୁଳସୀ ଶତପଥୀଙ୍କର ୮୪ ବର୍ଷ ବୟସରେ ପରଲୋକ ହୋଇଯାଇଛି । ସେ ଜଣେ ଧର୍ମ ପରାୟଣା, ପରୋପକାରୀ, ମେଳାପୀ, ସ୍ନେହୀ ମହିଳା ଥିଲେ । କିଛିଦିନ ହେଲା ସିଏ ଅସୁସ୍ଥ ଥିଲେ । ତାଙ୍କର ମୃତ୍ୟୁ ସମୟରେ ବଡ଼ ପୁଅ ଶିବ ଶଙ୍କର, ସାନ ପୁଅ ଉମା ଶଙ୍କର ଓ ଦୁଇ ବହୁ, ବଡ଼ ଝିଅ କମଳା, ଜୋଇଁ କିଶୋର ରଥ, ନାତି, ନାତୁଣୀ, ପଡ଼ାର ଅନେକ ବୁଦ୍ଧିଜୀବୀ ଉପସ୍ଥିତ ଥିଲେ । ବିଭୂତିପଡ଼ା ଶ୍ମଶାନଠାରେ ତାଙ୍କର ଶେଷ କୃତ୍ୟ ସମ୍ପନ୍ନ ହୋଇଥିଲା । ବଡ଼ ପୁଅ ଶିବ ମୂଖାଗ୍ନି ଦେଇଥିଲେ । ତାଙ୍କ ବିୟୋଗରେ ମାଲପଡାରେ ଶୋକର ଛାୟା ଖେଳି ଯାଇଥିଲା ।