ପଦ୍ମପୁର, (ନିରୋଜ କୁମାର ପାଣୀ) : ରାଜବୋଡାସମ୍ବର ବ୍ଳକୟ ଅଧିନସ୍ଥ ଡଙ୍ଗାଘାଟ ଗ୍ରାମ ପଞ୍ଚାୟତର ଜଗନ୍ନାଥ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ଆଜି ବନମହୋତ୍ସବ ହାଇସ୍କୁଲର ପ୍ରଧାନ ଶିକ୍ଷକ ରବିଶଙ୍କର ପଧାନଙ୍କ ସଭାପତିତ୍ୱ ପାଳିତ ହୋଇଯାଇଛି । ପ୍ରୋକ୍ତ ଉତ୍ସବରେ ମୁଖ୍ୟ ଅତିଥି ଶଙ୍କର୍ଷଣ ନାଗ (ସରପଞ୍ଚ ), ମୁଖ୍ୟ ବକ୍ତା ମୀନକେତନ ସାହୁ (ସଂପାଦକ, ଜିଲ୍ଲା ପରିବେଶ ସୁରକ୍ଷା ମଞ୍ଚ, ବରଗଡ଼) ଯୋଗଦାନ କରି ବୃକ୍ଷରୋପଣ ଓ ପରିବେଶ ସୁରକ୍ଷା ଉପରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ଉତ୍ସବରେ ବିଦ୍ୟାଳୟ ପରିଚାଳନା କମିଟିର ସଭାପତି ଅକ୍ଷୟ ରଣା, ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ସୁଦାମ ସାହୁ ତଥା ସମସ୍ତ ଶିକ୍ଷକ ଉପସ୍ଥିତ ଥିଲେ । ପଞ୍ଚାୟତର ସମସ୍ତ ବିଦ୍ୟାଳୟରେ ଛାତ୍ରଛାତ୍ରୀମାନଙ୍କ ସହାୟତାରେ ବୃକ୍ଷରୋପଣ କରିବା ପାଇଁ ସରପଞ୍ଚ ଶ୍ରୀ ନାଗ ଆହ୍ବନ କରିଥିଲେ । ଶେଷରେ ବିଦ୍ୟାଳୟର ସମସ୍ତ ଛାତ୍ରଛାତ୍ରୀଙ୍କୁ ଗୋଟିଏ ଲେଖାଏଁ ଅଁଳା ଗଛ ରୋପଣ ପାଇଁ ପ୍ରଦାନ କରାଯାଇଥିଲା ।