ବଲାଙ୍ଗିର, (ଦେବାଶିଷ ମିଶ୍ର) : ମହାନ ଶିଶୁପ୍ରେମୀ ତଥା ଶିଶୁ ବିକାଶ କେନ୍ଦ୍ରର ପ୍ରତିଷ୍ଠାତା ପ୍ରବୀଣ କୁମାର ମିଶ୍ରଙ୍କ ୩୬ତମ ଶ୍ରାଦ୍ଧ ସମାରୋହ ଶିଶୁ ବିକାଶ କେନ୍ଦ୍ରର ଉପଦେଷ୍ଟା ଜୟରାମ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ପ୍ରଥମେ ପ୍ରବୀଣ ମିଶ୍ରଙ୍କ ଫଟୋଚିତ୍ରରେ ମାଲ୍ୟାର୍ପଣ ଓ ଧୂପଦୀପ ପ୍ରଦାନ କଲାପରେ କସ୍ତୁରୀ ରଥ ବେଦ ପଠନ କରିଥିଲେ । ଉକ୍ତ ସମାରୋହରେ ହୃଷିକେଶ ପୁରୋହିତ, କପିଳ ପତି, ଧିରେନ୍ଦ୍ର ନାରାୟଣ ସିଂହଦେଓ ଓ ମଦନ ମୋହନ ରଥ ନିଜ ବକ୍ତବ୍ୟରେ ପ୍ରବୀଣ ମିଶ୍ରଙ୍କୁ ଏକ ଦରଦୀ ମଣିଷ, ଶିଶୁପ୍ରେମୀ ତଥା ଦକ୍ଷ ସଂଗଠକ ଥିଲେ ବୋଲି ମତବ୍ୟକ୍ତ କରିଥିଲେ । ଏହି ପାର୍ବଣରେ ପ୍ରଦୀପ ପଶାୟତ, ଚୁଡେନ୍ଦ୍ର କୁମାର ବେହେରା, ବଳିଷ୍ଠ ପଧାନ, ଅରୁଣ ଖୁଆସ, ନିହାରିକା ମିଶ୍ର ପ୍ରମୁଖ ସହଯୋଗ କରିଥିଲେ । ଶେଷରେ ସଂପାଦକ ରତ୍ନମୟ ତ୍ରିପାଠୀ ଧନ୍ୟବାଦ ଅର୍ପଣ କରିଥିଲେ ।