ବଲାଙ୍ଗିର, (କେପିଏନ୍ଏସ୍) : ପଥରଚେପା ସ୍ଥିତ ପାର୍ବତୀ ଗିରି ବାଲନିକେତନ ଶିଶୁ ଯନ୍ତ୍ର ଅନୁଷ୍ଠାନରେ ସାଧାରଣ ତନ୍ତ୍ର ଦିବସ ପାଳିତ ହୋଇଛି । ଏଥିରେ ଶିଶୁ ମଙ୍ଗଳ ସମିତିର ଅଧ୍ୟକ୍ଷ ଦୀପ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଜିଲ୍ଲା ଶିଶୁ ସୁରକ୍ଷା ୟୁନିଟ ବଲାଙ୍ଗିରର ସାମାଜିକ କର୍ମୀ ଅରୁଣ କୁମାର ଖୁଆସ ଏବଂ ଜିଲ୍ଲା ଶିଶୁ ସୁରକ୍ଷା ୟୁନିଟ ବଲାଙ୍ଗିରର ଜିଲ୍ଲା ପରାମର୍ଶ ଦାତା ପ୍ରମୋଦ ବଗର୍ତ୍ତୀ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଅନୁଷ୍ଠାନର ପରିଚାଳ ଆଶିଷ କୁମାର ଖମାରି ମଞ୍ଚ ପରିଚାଳନା କରିଥିଲେ । ଶିଶୁ ଦିବସ ଉପଲକ୍ଷେ ଅନୁଷ୍ଠାନର ଅନ୍ତେବାସୀ ଅନ୍ତେବାସିନୀ ମାନଙ୍କ ଦ୍ୱାରା ସ୍ୱାଗତ ସଙ୍ଗୀତ ଗାନ କରି ଅତିଥି ମାନଙ୍କୁ ସ୍ୱାଗତ କରାଯାଇଥିଲା । ପରେ ପରେ ଶିଶୁ ମାନଙ୍କ ଦ୍ୱାରା ନୃତ୍ୟ ପରିବେଷଣ କରାଯାଇଥିଲା । ଉକ୍ତ ଉତ୍ସବରେ ସଙ୍ଗୀତ ଗୁରୁ ଦିଲ୍ଲୀପ ସିଂହଦେଓ, ଅଜୟ ଅମର ସିଂହଦେଓ, ପ୍ରଦ୍ୟୁମ୍ନ ସାହୁ, ବୁଲୁ ହିଆଲ, ଅଲି ପଧାନ, ସର୍ଜନ ସାହୁ, ରାଜା ସାହୁ, ଦିବ୍ୟା ସୋନା ଏବଂ ସମଭୂ ପାତ୍ର ପ୍ରମୁଖ ସହଯୋଗ କରିଥିଲେ ।