କଂଟାବାଂଜି, (ମନୀଶ କୁମାର ହଂସ) : କଂଟାବାଂଜି ବିଧାୟକ ସନ୍ତୋଷ ସିଂ ସାଲୁଜାଙ୍କ ଦ୍ୱାରା ଭାରତୀୟ ଜନ ଔଷଧି ପରିଯୋଜନା କେନ୍ଦ୍ର ମଂଗଲବାର ଦିନ ଉଦଘାଟିତ ହୋଇଯାଇଛି । ଏହି ଔଷଧ ବିକ୍ରୟ କେନ୍ଦ୍ର ଖୋଲିବା ଦ୍ୱାରା କଂଟାବାଂଜି ତଥା ଅଂଚଳର ସାଧାରଣ ଜନତା ସ୍ୱଳ୍ପ ଦାମରେ ଜେନେରିକ ଔଷଧ ପାଇପାରିବେ । ବିଧାୟକ ସାଲୁଜା ତାଙ୍କ ଉଦଘାଟନୀ ଉତ୍ସବରେ ଜନ ସାଧାରଣଙ୍କ ପାଇଁ ଖୋଲାଯାଇଥିବା ଏହି ଔଷଧ ଦୋକାନରୁ ଅନେକ ପ୍ରକାର ରୋଗର ଔଷଧ ଉଚିତ ଦାମରେ ପାଇପାରିବେ ବୋଲି କହିବା ସହ ଏହା ଗରିବ ମାନଙ୍କ ପାଇଁ ଏକ ସହଯୋଗ କେନ୍ଦ୍ର ବୋଲି କହିଛନ୍ତି । ଏହି ଔଷଧ ବିକ୍ରୟ କେନ୍ଦ୍ରରେ ଜନ ସାଧାରଣଙ୍କୁ ୨୪ଘଂଟିଆ ସେବା ଦେବା ପାଇଁ କେନ୍ଦ୍ରର କିଶନ ସୋନି କହିଛନ୍ତି ।