centurian jitm

ପ୍ରଶାନ୍ତ ଦାଶ ହେଲେ ପଶ୍ଚିମ ଓଡ଼ିଶା ଶ୍ରୀ – ୨୦୨୫

ବଲାଙ୍ଗିର, (କେପିଏନ୍‌ଏସ୍‌) : ବଲାଙ୍ଗିର ଜିଲ୍ଲା ଆମେଚର୍‌ ବଡ଼ି ବିଲ୍‌ଡର୍ସ ଆସୋସିଏସନ୍‌ ତରଫରୁ ଆୟୋଜିତ ପଶ୍ଚିମ ଓଡ଼ିଶା ଶ୍ରୀ -୨୦୨୫ରେ ପ୍ରଶାନ୍ତ ଦାସ ଚାମ୍ପିୟନ ଅଫ୍‌ ଚାମ୍ପିଆୟନ୍ସ ଆକ୍ଷା ଲାଭ କରିଛନ୍ତି । ବିକ୍ରମ ଛକ୍‌ ପାର୍କିଂ ସ୍ଥାନରେ ଆୟୋଜିତ ହୋଇ ଯାଇଥିବା ୱେଷ୍ଟର୍ଣ୍ଣ ଓଡ଼ିଶା ବଡ଼ି ବିଲ୍‌ଡିଙ୍ଗ୍‌ ଚାମ୍ପିୟାନସିପ୍‌ରେ ପଶ୍ଚିମ ଓଡ଼ିଶାର ସମସ୍ତ ଜିଲ୍ଲାରୁ ପ୍ରାୟ ୮୦ଜଣ ପ୍ରତିଯୋଗୀ ଭାଗ ନେଇଥିଲେ । ସୁନ୍ଦର ସ୍ୱାସ୍ଥ୍ୟ ଓ ମେନ୍ସ ଫିଜିକ୍‌ ପ୍ରତିଯୋଗିତା ମଧ୍ୟରୁ ସୁନ୍ଦର ସ୍ୱାସ୍ଥ୍ୟରେ ୭ଟି ବିଭାଗ ଓ ମେନ୍ସ ଫିଜିକ୍‌ରେ ୨ଟି ବିଭାଗରେ ପ୍ରତିଯୋଗିତା ହୋଇଥିଲା । ପ୍ରତିଯୋଗିତାରେ ବଲାଙ୍ଗିର ଓକିଲ ସଂଘର ସଭାପତି ଅମରେଶ ତ୍ରିପାଠୀ ମୁଖ୍ୟ ଅତିଥିଭାବେ ଯୋଗଦେଇଥିଲେ । ବଲାଙ୍ଗିର ପୌରପରିଷଦ ଅଧ୍ୟକ୍ଷା ଶ୍ରୀମତୀ ଲିକା ସାହୁ ଓ ବିଜେପିର ବରିଷ୍ଠ ସଭ୍ୟ ଗୋପାଳଜୀ ପାଣିଗ୍ରାହୀ ଅତିଥିଭାବେ ଯୋଗଦେଇଥିଲେ । ଜିଲ୍ଲା ଆମେଚର୍‌ ବଡ଼ି ବିଲ୍‌ଡ଼ର୍ସ ଆସୋସିଏସନ୍‌ର ସଂପାଦକ ସଞ୍ଜୟ ଶତପଥୀଙ୍କ ଆବାହକତ୍ୱରେ ଅନୁଷ୍ଠିତ ଏହି ପ୍ରତିଯୋଗୀତାରେ ରୂପକ କୁମାର ବରାଳ, ଡେ଼ାଲାମଣି ମେହେର, ଶିବ ମହାରଣା ଓ ଅଶୋକ ନାୟକ ବିଚାରକ ଭୂମିକା ନିର୍ବାହ କରିଥିଲେ । ସୁନ୍ଦର ସ୍ୱାସ୍ଥ୍ୟ ପ୍ରତିଯୋଗିତାରେ ପ୍ରଶାନ୍ତ ଦାଶ ପ୍ରଥମ ହୋଇ ଚମ୍ପିୟନ ଏବଂ ହେମନ୍ତ କାଲସାଏ ରନର୍ସ ଅଫ୍‌ ହୋଇଥିଲେ । ମେନ୍ସ ଫିଜିକ୍‌ରେ ପ୍ରଥମ ଗୃପରେ ହେମନ୍ତ କାଲସାଏ ଓ ଦ୍ୱିତୀୟ ଗୃପରେ ତବରେଜ୍‌ ଖାନ୍‌ ଚାମ୍ପିୟନ ହୋଇଥିଲେ । ରୂପକ କୁମାର ବରାଳ ପ୍ରତିଯୋଗିତାକୁ ପରିଚାଳନା କରିଥିଲେ । ସଂଗ୍ରାମ ବହୀଦାର, ବବନ୍‌ ମିଶ୍ର, ଜିତେନ୍ଦ୍ର ନାଗ, ଅନିଲ ନାୟକ, ଶମ୍ଭୁପ୍ରସାଦ ଭୋଇ, ରାଜୁ ସାହୁ , ସତ୍ୟପ୍ରସାଦ ହୋତା ପ୍ରମୁଖ ପ୍ରତିଯୋଗିତାକୁ ସଫଳ କରିବାରେ ସହାୟତା କରିଥିଲେ ।

Leave A Reply

Your email address will not be published.