ବଲାଙ୍ଗିର, (ଦେବାଶିଷ ମିଶ୍ର) : ଅବସରପ୍ରାପ୍ତ ସରକାରୀ କର୍ମଚାରୀ ସଂଘ ବଲାଙ୍ଗିର ଶାଖାର ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଟାଉନ ବାଳିକା ହାଇସ୍କୁଲ ବଲାଙ୍ଗିରଠାରେ ଗୋବିନ୍ଦ ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମ ଆରମ୍ଭରେ ପାଟଣେଶ୍ୱରୀ ଏବଂ ସମଲେଇ ଦେବୀଙ୍କର ପୂଜା ଅର୍ଚ୍ଚନା କରାଯାଇଥିଲା । ସ୍ୱର୍ଗତ ରମେଶ ଚନ୍ଦ୍ର ଦାସଙ୍କ ଆତ୍ମାର ସଦ୍ଗତି ନିମନ୍ତେ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା । ଏହି କାର୍ଯ୍ୟକ୍ରମକୁ ସଂଘର ସାଧାରଣ ସଂପାଦକ ମଲିଆ ଗଡୁଆ ସଂଯୋଜନା କରିଥିଲେ । ନୂତନ ଭାବେ ସଦସ୍ୟତା ଗ୍ରହଣ କରିଥିବା ଦିଗାମ୍ବର ନାଏକ, ଜୟଦେବ ବେହେରା ଏବଂ ବାଲେଶ୍ୱର ପଟେଲଙ୍କୁ ସମ୍ବର୍ଦ୍ଧନା କରଯାଇଥିଲା ଏବଂ ସେହି ସଭ୍ୟବୃନ୍ଦ ନିଜର ପରିଚୟ ପ୍ରଦାନ କରିଥିଲେ । ବରିଷ୍ଠ ସଭ୍ୟ ଜଗନ୍ନାଥ ଷଡଙ୍ଗୀ, କୃଷ୍ଣଚନ୍ଦ୍ର ମହାକୁର, ପ୍ରଶନ୍ନ କୁମାର ମିଶ୍ର, ଗୋପାଳ ଚନ୍ଦ୍ର ନାୟକ ଓ ପ୍ରଦୀପ କୁମାର ସାହୁ ନବାନ୍ନ ବିଷୟରେ ନିଜର ବକ୍ତବ୍ୟ ରଖିଥିଲେ । ଆଇସିଆଇସିଆଇ ବ୍ୟାଙ୍କର କର୍ମକର୍ତ୍ତା ଏକ ସଚେତନ କାର୍ଯ୍ୟକ୍ରମ ଏବଂ ଲାଇଫ୍ ସାର୍ଟିଫିକେଟ ବିଷୟରେ ବିଶଦ୍ ଭାବରେ ଆଲୋଚନା କରିଥିଲେ । ଉପସଭପାତି ପର୍ଶୁରାମ ନାୟକ, ଗୋପବନ୍ଧୁ ପୁରୋହିତ, ପ୍ରାଣବଲ୍ଲଭ ତ୍ରିପାଠୀ ବରିଷ୍ଠ ସଭ୍ୟଙ୍କ ସମେତ ୪୧ ଜଣ ସଭ୍ୟ ଉପସ୍ଥିତ ରହି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ପରିଶେଷରେ ହରେକୃଷ୍ଣ ମେହେର ଧନ୍ୟବାଦ ଅର୍ପଣ କରିଥିଲେ ।