ବଲାଙ୍ଗିର, (ଦେବାଶିଷ ମିଶ୍ର) : ନାଗରିକ କମିଟି ବଲାଙ୍ଗିର କର୍ମକର୍ତ୍ତା ନିର୍ବାଚନ ପାଇଁ ଏଡ୍ଭୋକେଟ ତଥା ବରିଷ୍ଠ ସଦସ୍ୟ ଅଶୋକ କୁମାର ମିଶ୍ରଙ୍କୁ ନିର୍ବାଚନ ଅଧିକାରୀ ଭାବରେ ମନୋନୀତ କରାଯାଇଛି । ନିର୍ବାଚନ ଅଧିକାରୀଙ୍କଠାରୁ ପ୍ରାପ୍ତ ସୂଚନା ଅନୁସାରେ ଆସନ୍ତା ଫେବୃୟାରୀ ମାସ ୨୫ ତାରିଖ ଦିନ ନିର୍ବାଚନ ଅନୁଷ୍ଠିତ ହେବ । ଭୋଟ ଗ୍ରହଣ ପାଇଁ ଦିବା ଘ.୧୦ରୁ ଅପରାହ୍ନ ଘ.୧ ପର୍ଯ୍ୟନ୍ତ ସ୍ଥିର କରାଯାଇଛି ତଥା ଭୋଟ ଗ୍ରହଣ ସମାପ୍ତ ହେବା ପରେ ଭୋଟ ଗଣତି ପ୍ରକ୍ରିୟା ଚାଲୁ ରହିବ ଓ ଫଳାଫଳ ଘୋଷଣା କରାଯିବ । ଏଥି ପାଇଁ ପ୍ରାର୍ଥୀପତ୍ର ଗ୍ରହଣ ଫେବୃୟାରୀ ମାସ ୩ ଓ ୧୦ ତାରିଖ ଦିନ ଅପରାହ୍ନ ଘ.୫ରୁ ଘ.୭ ପର୍ଯ୍ୟନ୍ତ ଗ୍ରହଣ କରାଯିବ । ପ୍ରାର୍ଥୀପତ୍ର ପ୍ରତ୍ୟାହାର ପାଇଁ ଫେବୃୟାରୀ ମାସ ୧୧ ତାରିଖ ଦିବା ଘ.୧୦ରୁ ଘ.୧୨ ପର୍ଯ୍ୟନ୍ତ ଗ୍ରହଣ କରାଯିବ । ଏଥି ସକାଶେ ମାର୍ଚ୍ଚ ମାସ ୨ ତାରିଖ ଦିନ ଶପଥ ଗ୍ରହଣ କାର୍ଯ୍ୟକ୍ରମ ନିର୍ବାଚନ ଅଧିକାରୀଙ୍କ ଦ୍ୱାରା ସମାପନ କରାଯିବ । ଏହି ଭୋଟ ଗ୍ରହଣ କାର୍ଯ୍ୟକ୍ରମରେ କମିଟିର ୨୩୮ ଜଣ ସଦସ୍ୟ ତାଙ୍କର ବହୁମୂଲ୍ୟ ମତାମତ ପ୍ରଦାନ କରିବେ । ତେଣୁ ସମସ୍ତ ସଦସ୍ୟମାନଙ୍କୁ ନାଗରିକ କମିଟିର ୱାଟର୍ସ ଅଫ୍ ଗ୍ରୁପରେ ଯୋଗାଯୋଗ ରଖିବା ପାଇଁ ନିର୍ବାଚନ ଅଧିକାରୀ ଶ୍ରୀ ମିଶ୍ର ଅନୁରୋଧ କରିଛନ୍ତି ।