ନୟାଗଡ : ଦଶପଲ୍ଲା ରେଞ୍ଜ ବିଲୁଆପଡା ଘାଟିରୁ ଦନ୍ତା ହାତୀର ଗଳିତ ମୃତଦେହ ଠାବ କରାଯାଇଛି । ହାତୀକୁ ମାରି ଦାନ୍ତ କାଟି ନେଇଯାଇଛନ୍ତି ଦୁର୍ବୃତ୍ତ । କରେଣ୍ଟ ଲଗାଇ ହାତୀକୁ ମରାଯାଇଥିବା ଅନୁମାନ କରାଯାଇଛି । ଘଟଣାସ୍ଥଳରେ ଡିଏଫ୍ଓଙ୍କ ସମେତ ବନ ବିଭାଗର ଅନ୍ୟ କର୍ମଚାରୀ, ବିଦ୍ୟୁତ ବିଭାଗ କର୍ମଚାରୀ ଏବଂ ଡାକ୍ତରୀ ଟିମ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଦନ୍ତାହାତୀର ବୟସ ୨୦ ବର୍ଷ ହେବ ବୋଲି ଅନୁମାନ କରାଯାଇଛି । ତେବେ ପୋଷ୍ଟମର୍ଟମ ପରେ ହାତୀର ବୟସ ଏବଂ କେବେ ଶିକାର କରାଯାଇଛି ତାହା ସ୍ପଷ୍ଟ ହେବ ବୋଲି ଡିଏଫ୍ଓ କହିଛନ୍ତି । ଏହା ସହିତ ଘଟଣାରେ ସମ୍ପୃକ୍ତ ୩ ଶିକାରୀଙ୍କୁ ବନ ବିଭାଗ ଗିରଫ କରିଥିବା ବେଳେ ହାତୀ ଦାନ୍ତ ଜବତ କରିଥିବା ଡିଏଫଓ ସୂଚନା ଦେଇଛନ୍ତି ।