ବଲାଙ୍ଗିର, (ଦେବାଶିଷ ମିଶ୍ର) : ମାକଡଚୁଆଁ ଆଦିବାସୀ ଯୁବକଙ୍କୁ ଆକ୍ରମଣ ପ୍ରସଙ୍ଗ ପୁଣି ଜୋର ଧରିଛି । ଏହି ଘଟଣାରେ ପିଡିତ ମିର୍ଧା ପରିବାର ଓ ଗ୍ରାମବାସୀ ସ୍ଥାନୀୟ ଆଜି ସାର୍କିଟ ହାଉସ ଠାରେ ରାଜ୍ୟ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମିିର ଦାଶଙ୍କୁ ଦେଖା କରି ଏକ ଦାବୀପତ୍ର ପ୍ରଦାନ କରିଛନ୍ତି । ମାକଡଚୁଆଁ ଅଦିବାସୀ ଯୁବକ ଶ୍ରୀକର ମିର୍ଧାଙ୍କୁ ମାଡ ଘଟଣାରେ ଜିଲ୍ଲା ଯୁବ ବିଜେଡି ସଭାପତି ତଥା ବରକାନୀ ସରପଞ୍ଚ ଓ ତାଙ୍କ କାକା ରତ୍ନାକର ହୋତା ଜଡିତ ଥିବା ବେଳେ ବାରମ୍ବାର ପୋଲିସକୁ ଅଭିଯୋଗ କରିବା ସତ୍ତେ୍ୱ ପୋଲିସ ଏଦିଗରେ କୌଣସି ପଦକ୍ଷେପ ନେଉ ନାହିଁ । ଅନ୍ୟପଟେ ଗାଁର ଆଦିବାସୀ ମହିଳାମାନଙ୍କ ଉପରେ ଦିନକୁ ଦିନ ଅତ୍ୟାଚାର ବଢି ବଢି ଚାଲିଛି । ପୁର୍ବରୁ ମଧ୍ୟ ହୋତା ପରିବାର ମଞ୍ଜୁଲତା ମୁଣ୍ଡା ନାମକ ଜଣେ ଆଦିବାସୀ ମହିଳାଙ୍କୁ ଅତି ନିର୍ମମ ଭାବେ ମାଡ ମାରିଥିଲେ । ଗତ ତା.୧୦/୧୧/୨୦ ଦିନ ଏହାକୁ ନେଇ ସଦର ଥାନାରେ ଏକ ମାମଲା ରୁଜୁ ହୋଇଥିଲା ।
କିନ୍ତୁ ଏଯାଏଁ ସେହି ଘଟଣାରେ ମଧ୍ୟ ପୋଲିସ ତରଫରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରା ଯାଇ ନାହିଁ । ଆହୁରି ସରପଞ୍ଚ ହୋତା ବିଜୁ ପକ୍କାଘର ଓ ପ୍ରଧାନମନ୍ତ୍ରୀ ଆବାସ ଯୋଜନା ଭଳି ବଭିନ୍ନ ଜନହିତକର କାର୍ଯ୍ୟ ପାଇଁ ମଧ୍ୟ ଗ୍ରାମବାସୀମାନଙ୍କ ଠାରୁ ୧୫ହଜାର ଲେଖାଏଁ ଲାଞ୍ଚ ନେଉଛନ୍ତି ବୋଲି ଗ୍ରାମବାସୀମାନେ ମନ୍ତ୍ରୀ ଦାଶଙ୍କୁ ଅଭିଯୋଗ କରିଛନ୍ତି । ପରେ ପରେ ଗ୍ରାମବସୀ ବଲାଙ୍ଗିର ଆରକ୍ଷୀ ଅଧିକ୍ଷକ ନିତିନ କୁଶଲକରଙ୍କୁ ଦେଖାକରି ଏହି ଘଟଣାରେ ପୋଲିସର ନିଷ୍କ୍ରିୟତା ବିଷୟରେ ଅଭିଯୋଗ କରିଛନ୍ତି । ଘଟଣାକୁ ଏଭିତରେ ୨୫ଦିନ ବିତି ଯାଇଥିଲେ ସୁଦ୍ଧା ପୋଲିସ ଏପର୍ଯ୍ୟନ୍ତ ଘଟଣାର ମାଷ୍ଟରମାଇଣ୍ଡ ଯୁବ ବିଜେଡି ସଭାପତି ରାଜେନ୍ଦ୍ର ହୋତାଙ୍କୁ ଘଣ୍ଟ ଘୋଡାଇ ରଖିଥିବା ବେଳେ ତାଙ୍କ କାକା ରତ୍ନାକର ହୋତାଙ୍କୁ ଛାଡି ଦେଇଛି । ଫଳରେ ପିଡିତ ମିର୍ଦ୍ଧା ପରିବାର ଓ ସରଳ ଗ୍ରାମବାସୀଙ୍କ ପ୍ରତି ବିପଦ ଲାଗି ରହିଛି । ଅଭିଯୁକ୍ତଙ୍କୁ ଯଥା ଶୀଘ୍ର ଗିରଫ କରି କାର୍ଯ୍ୟାନୁଷ୍ଠାନ ଗ୍ରହଣ ନକଲେ ଗାଁରେ ପୁଣି କୌଣସି ଅପ୍ରିତିକର ପରିସ୍ଥିତି ସୃଷ୍ଟି ନହେବ ତାହା କେହି କହି ପାରିବେ ନାହିଁଁ ବୋଲି ଗ୍ରମାବାସୀ କହିଛନ୍ତି । ଉତ୍ତରରେ ଘଟଣାର ସବିଶେଷ ତଦନ୍ତ କରାଯାଇ ସମସ୍ତ ଦୋଶୀଙ୍କୁ ଗିରଫ କରାଯିବା ନେଇ ଜିଲ୍ଲା ପୁଲିସ ଅଧିକ୍ଷକ ନୀତିନ କୁଶଲକର ପ୍ରତିଶୃତି ଦେଇଚନ୍ତି । ମାକଡଚୁଆଁ ଗ୍ରମାବାସୀଙ୍କ ସହିତ ମଞ୍ଜୁଲତା ମିର୍ଧା, ବଡ ମିର୍ଧା, ସାନ ମିର୍ଧା, ଅଭୟ ମିର୍ଧା, ଲାଲବିହାରୀ ନନ୍ଦ, ଶୁକଦେବ ଅରେଖ, ପିଡିତ ଶ୍ରୀକର ମିର୍ଧା ସମେତ ଅନେକ ମହିଳା ମନ୍ତ୍ରୀ ଓ ପୋଲିସ ଅଧିକ୍ଷକଙ୍କୁ ଦେଖା କରିଥିଲେ ।
