ପ୍ରବାସୀ ଭାରତୀୟ ସମ୍ମିଳନୀର ସିଧାପ୍ରସାରଣ ଦେଖିଲେ ଛାତ୍ରଛାତ୍ରୀ

ଡୁଙ୍ଗୁରିପାଲି, (କେପିଏନ୍‌ଏସ୍‌) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଗଜବନ୍ଧ କ୍ଲଷ୍ଟର ସ୍ଥିତ ସୁଲେଇ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ରଛାତ୍ରୀ ସ୍ମାର୍ଟ ଟିଭି ମାଧ୍ୟମରେ ଭୁବନେଶ୍ୱରରେ ହେଉଥିବା ୧୮ତମ ପ୍ରବାସୀ ଭାରତୀୟ ଦିବସର ସିଧା ପ୍ରସାରଣ ଦେଖିଛନ୍ତି । ଭାରତର ବରପୁତ୍ରମାନେ ବିଦେଶରେ ରହି ଭାରତର ଉନ୍ନତି ପାଇଁ ଦେଇଥିବା ଅବଦାନରୁ ଅନେକ ପ୍ରେରଣା ପାଇଛନ୍ତି । ଏହି ଅବସରରେ ଆୟୋଜିତ କାର୍ଯ୍ୟକ୍ରମରେ ପ୍ରଧାନଶିକ୍ଷକ କୈଳାଶଚନ୍ଦ୍ର ରଣା ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ ସ୍ଥାନୀୟ ସିଆରସିସି ନରେନ୍ଦ୍ରକୁମାର ପୁରୋହିତ, ସମ୍ମାନିତ ଅତିଥିଭାବେ ଶିକ୍ଷୟିତ୍ରୀ ମାନିନୀ ବାଗ, ଅଲ୍ଲୀକା ନାଗ, ଶିକ୍ଷକ ନିତାଇ ମଟାରୀ ଉପସ୍ଥିତ ଥିଲେ । ଶେଷରେ ପୁରାତନ ଛାତ୍ର ଆକାଶ ସାହୁ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ୬୫ ଜଣ ଛାତ୍ରୀଛାତ୍ର ଅଂଶଗ୍ରହଣ କରିଥିଲେ ।