ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦରଥାନା ଅନ୍ତର୍ଗତ ସଦେଇପାଲି ଛକ ଠାରେ ଗୋଟିଏ କାଠ ବୋଝେଇ ପିକ୍ଅପ୍ ଗାଡି ଦୁର୍ଘଟଣାଗ୍ରସ୍ତ ହୋଇଥିବା ଦେଖିବାକୁ ମିଳିଛି । ଦୁର୍ଘଟଣାଗ୍ରସ୍ତ କାଠ ବୋଝେଇ ପିକ୍ଅପ୍ ଗାଡିଟିର ନଂ ଓଡି ୦୩ଜେ ୬୮୫୦ ହୋଇଥିବା ବେଳେ ଭାରସାମ୍ୟ ହରାଇ ଗାଡିଟି ରାସ୍ତା କଡରେ ଥିବା ଗୋଟିଏ ନଳ କୂପକୁ ଧକ୍କା ଦେବା ସହ ଏକ ଘରର କାନ୍ଥକୁ ଧକ୍କା ଦେଇଥିଲା । ଫଳରେ ଘରର କାନ୍ଥ ସହ ନଳ କୂପଟି ଉପାଡି ହୋଇଯାଇଥିବା ଦେଖିବାକୁ ମିଳିଛି । ଅନ୍ୟପଟେ ଗାଡି ଚାଳକ ଦୁର୍ଘଟଣା ହେବା ପରେ ଘଟଣାସ୍ଥଳରୁ ଫେରାର୍ ମାରିଥିବା ବେଳେ ଗାଡିରେ ଥିବା କାଠକୁ ନେଇ ଏବେ ଅନେକ ପ୍ରକାରର ସନ୍ଦେହ ସୃଷ୍ଟି ହେଉଛି ।
