ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ମାଧିଆପାଲି ସ୍ଥିତ ସ୍ୱୟଂ ହୋଟେଲରେ ବଲାଙ୍ଗିର ଓ ଆଖପାଖ ଜିଲ୍ଲାର ଏମ୍ଏସ୍ଏମ୍ଇ ୟୁନିଟଗୁଡିକୁ ବିପଣନ ସହାୟତା ଉପରେ ଏକ ଜାତୀୟ କର୍ମଶାଳା ଆୟୋଜିତ ହୋଇଯାଇଛି । ଏଥିରେ ୧୨୧ ଏମ୍ଏସ୍ଏମ୍ଇ ଭାଗ ନେଇଥିଲେ । କାର୍ଯ୍ୟକ୍ରମକୁ ଏମ୍ଏସ୍ଏମ୍ଇ-ବିକାଶ ଏବଂ ସୁବିଧା କାର୍ଯ୍ୟାଳୟ ମୁଖ୍ୟ ପି.କେ. ଗୁପ୍ତା ଉଦ୍ଘାଟନ କରିଥିଲେ । ବଲାଙ୍ଗିର ଜିଲ୍ଲା ଶିଳ୍ପକେନ୍ଦ୍ର ପରିଚାଳନା ନିର୍ଦ୍ଦେଶକ ବି.ପି. ଦାସ ପରିଚାଳନା କରିଥିଲେ । ବୈଠକରେ ଜିଲ୍ଲା ସଭାପତି ସୁମିତ ରଞ୍ଜନ ପୁରୋହିତ, ମୋତିଲାଲ ରାୱଲ ମଧ୍ୟ ଉପସ୍ଥିତ ଥିଲେ । ସୋନି ସାମଲ, ସୁଦର୍ଶନ ପ୍ରଧାନ, ଆନନ୍ଦ ମୋହନ ମିଶ୍ର, ଡ. ଅସିତଭ ସୁର, କମଲ ସାହୁ, ଡ. ଅମରେଶ ପଣ୍ଡା, ସୁବ୍ରତ ଦେ, ସୁବାସ ସାହୁ ପ୍ରମୁଖ ଯୋଗ ଦେଇଥିଲେ ।