ଖଇରା ଗ୍ରାମରେ ଅଗ୍ନିକାଣ୍ଡ ଘଟି ଦୋକାନ ଜଳିଯିବା ଘଟଣା ଅଗ୍ନି ବିପନ୍ନ ପରିବାରକୁ ଭେଟିଲେ କଣ୍ଟାବାଞ୍ଜି ବିଧାୟକ

ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନା ଅନ୍ତର୍ଗତ ଖଇରା ଗାଁରେ ଦୋକାନ ଘରେ ରୋଷେଇ କରୁଥିବା ସମୟରେ ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ ଘଟିବାରୁ ଦୋକାନ ଗୃହ ଜଳିଯାଇଥିଲା । ଦୋକାନର ସାମଗ୍ରୀ ଜଳି ପାଉଁଶ ହୋଇଯାଇଥିବା ବେଳେ ଜଣେ ଗୁରୁତର ହୋଇଥିଲେ । ଏହି ଖବର ପାଇ ଆଜି ଖଇରା ଗାଁକୁ ଯାଇ ଅଗ୍ନି ବିପନ୍ନ ଦୀପକ ରଣାଙ୍କ ପରିବାର ଲୋକଙ୍କୁ ଭେଟି ଆଶ୍ୱାସନା ଦେଇଛନ୍ତି କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ । ବିଧାୟକ ଅଗ୍ନି ବିପନ୍ନ ପରିବାରକୁ ଦେଖା କରିବା ସହ କିଭଳି ସରକାରୀ ସାହାର୍ଯ୍ୟ ମିଳିପାରିବ ସେ ନେଇ ପଦକ୍ଷେପ ନେବେ ବୋଲି ବିଧାୟକ କହିଥିଲେ । ଏତିକି ସମୟରେ ସ୍ଥାନୀୟ ବାସିନ୍ଦା ମାନେ ଉପସ୍ଥିତ ଥିଲେ ।