ବଲାଙ୍ଗିର, (କେପିଏନ୍ଏସ୍) : ଜିଲ୍ଲା ତୁଷୁରା ପୁଲିସ ପକ୍ଷରୁ ୧୯ଜଣ ୱାରେଣ୍ଟିଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଗିରଫ ମଧ୍ୟରେ ୧୨ଜଣ ପୁରୁଷ ଓ ୭ଜଣ ମହିଳା ରହିଛନ୍ତି । ବିଭିନ୍ନ ଅପରାଧିକ ମାମଲାରେ ଅଭିଯୁକ୍ତ ହୋଇ ଏମାନେ ସମସ୍ତେ ଦୀର୍ଘଦିନ ହେଲା ଫେରାର ରହିଥିଲେ । ସେମାନଙ୍କ ମଧ୍ୟରୁ ଗତକାଲି ପୁଲିସ ୪ଜଣକୁ ଗିରଫ କରିଥିବାବେଳେ ଆଜି ୧୫ ଜଣକୁ ବିଭିନ୍ନ ଗ୍ରାମରୁ ଗିରଫ କରିଥିଲା । ଗିରଫ ଅଭିଯୁକ୍ତମାନେ ହେଲେ ଗୁଡ଼ଭେଲା ବ୍ଳକ କୁଲକୁସୁମ ଗ୍ରାମର ଭୂମି ମାଝି, ଶ୍ରମିକ ମାନେ ମାଝି, ତୁଳା ମାଝି, ଖେଡ଼ ମାଝି, ପ୍ରେମା ମାଝି, ବିମଳା ମାଝି, ତ୍ରିପୁରା ମାଝି, ଚାନ୍ଦୁଆ ମାଝି, ମହାଦେବ ମାଝି, ସିବୁନ ମାଝି । ସେହିପରି ପଲସାପଦର ଗ୍ରାମର ଅଗସ୍ତି ମହାନନ୍ଦ, ଅକ୍ରୂର ସୁନା, ମଧୁସୂଦନ ମହାନନ୍ଦ, ଭୀଷ୍ମ ଦେବ ମହାନନ୍ଦ ଓ ଶବର ମହାନନ୍ଦ ବୋଲି ଜଣାପଡିଛି । ସମସ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନାଧିକାରୀ ମନୋଜ ପ୍ରଧାନ ସୂଚନା ଦେଇଛନ୍ତି ।