କବି ଓ ଲେଖକଙ୍କୁ ସମ୍ମାନ ଜଣାଇଲେ ଛାତ୍ରଛାତ୍ରୀ

କଣ୍ଟାବାଞ୍ଜି, (କେପିଏନ୍‌ଏସ୍‌) : ବଲାଙ୍ଗିରର ବିଶିଷ୍ଟ କବି ଓ ଲେଖକଙ୍କୁ ଭେଟି ତାଙ୍କୁ ସମ୍ମାନ ଜଣାଇଛନ୍ତି କଣ୍ଟାବାଞ୍ଜି ବୈଷୟିକ ଡିଗ୍ରୀ ମହାବିଦ୍ୟାଳୟର ସ୍ନାତକୋତ୍ତର ଓଡ଼ିଆ ବିଭାଗର ଛାତ୍ରଛାତ୍ରୀମାନେ । ପୂଜ୍ୟପୂଜା ପରମ୍ପରା କ୍ରମେ ସେମାନେ ଆଜି ପଦ୍ମଶ୍ରୀ ଶ୍ରୀନିବାଶ ଉଦ୍‌ଗାତା, ବିଶିଷ୍ଟ ଲେଖିକା ଗାୟତ୍ରୀ ସରାଫ, ରାଜେନ୍ଦ୍ର ବିଶ୍ୱବିଦ୍ୟାଳୟର କୁଳପତି ପ୍ରଫେସର ଉମା ବଲ୍ଲଭ ମହାପାତ୍ର, କବି ଆନନ୍ଦ ଚନ୍ଦ୍ର ସାହୁ, ସନ୍ତୋଷ କୁମାର ରଥଙ୍କୁ ଭେଟିଥିଲେ ଏବଂ ଫୁଲ ଓ ଉପଢୌକନ ଦେଇ ସମ୍ମାନିତ କରି ଆଶୀର୍ବାଦ ଭିକ୍ଷା କରିଥିଲେ । କେଭି କଲେଜର ସ୍ନାତକୋତ୍ତର ଓଡ଼ିଆ ବିଭାଗ ମୁଖ୍ୟ ଡ. ସଞ୍ଜୟ କୁମାର ମିଶ୍ର ଏହି ଅବସରରେ ଉପସ୍ଥିତ ରହି ସୃଜନୀ ଶକ୍ତିର ବିକାଶ କରିବା ଓ ପୂଜ୍ୟପୂଜା ପରମ୍ପରାକୁ ବଜାୟ ରଖିବା ଏହି କାର୍ଯ୍ୟକ୍ରମର ଉଦ୍ଦେଶ୍ୟ ବୋଲି କହିଥିଲେ । ଏହି କାର୍ଯ୍ୟକ୍ରମରେ ଛାତ୍ର ଭାଗ୍ୟବନ୍ତ ମହାଲିଙ୍ଗ, ଛାତ୍ରୀ ମାନସୀ ମେହେର, ମମିତା ରଣା, ଯୋଗୀତା ପ୍ରଧାନ, ବୀଣା ମେହର, କଲ୍ୟାଣୀ କୁମ୍ଭାର ଓ ଯୋଗେଶ୍ୱରୀ ପୁଟେଲ ପ୍ରମୁଖ ଭାଗ ନେଇଥିଲେ ।