ବଲାଙ୍ଗିର, (କେପିଏନ୍ଏସ୍) : ବଲାଙ୍ଗିର ସଦର ଥାନା ପୋଲିସ ହାତରେ ୧୭ ଜୁଆଡ଼ି । ସଦର ଥାନା ଅନ୍ତର୍ଗତ କୁଟୁରାପାଲି ଗାଁରେ ଚାଲିଥିଲା ଏକ ବଡ଼ ଜୁଆ ଆଡ୍ଡା । ଆଉ ଏହି ଜୁଆ ଆଡ୍ଡା ଭିତରେ ବଲାଙ୍ଗିର, ସୋନପୁର, ବରଗଡ, ସମ୍ବଲପୁର ଜିଲ୍ଲାର ୧୭ ଜୁଆଡି ଲକ୍ଷ ଲକ୍ଷ ଟଙ୍କାର ଜୁଆ ଖେଳୁଥିଲେ । ବାସ୍ ଏହି ଘଟଣାର ଖବର ପାଇଥିଲା ବଲାଙ୍ଗିର ସଦର ଥାନା ପୋଲିସ ଆଉ ସଙ୍ଗେ ସଙ୍ଗେ ଚଢ଼ାଉ କରିଥିଲା । ଚଢାଉ କରି ୧୭ ଜଣଙ୍କୁ ଗିରଫ କରିଥିବା ବେଳେ ଘଟଣାକୁ ନେଇ ସଦର ଥାନାରେ ପୋଲିସ କରିଥିଲା ଏକ ବଡ଼ ସାମ୍ୱାଦିକ ସମ୍ମିଳନୀ । ସାମ୍ୱାଦିକ ସମ୍ମିଳନୀରେ ଖୁଦ୍ ସଦର ଏସଡିପିଓ ଯୋଗଦେଇ ଘଟଣାର ବଡ଼ ଖୁଲାସା କରିଥିଲେ । ଅନୁଷ୍ଠିତ ସାମ୍ୱାଦିକ ସମ୍ମିଳନୀରେ ଏସଡିପିଓଙ୍କ ସୂଚନା ଅନୁସାରେ ବଲାଙ୍ଗିର କୁଟୁରାପାଲି ଗାଁରେ ଦୀର୍ଘ ଦିନରୁ କିଛି ଜୁଆଡି ଜୁଆ ଖେଳ ଖେଳାଉଥିଲେ । ଖେଳିବାକୁ ଆସୁଥିଲେ ବଲାଙ୍ଗିର ଜିଲ୍ଲା ତଥା ଆଖପାଖ ଜିଲ୍ଲାର ଜୁଆଡ଼ି ମାନେ । ଯାହାର ଖବର ବିଶ୍ୱସ୍ତ ସୂତ୍ରରୁ ବଲାଙ୍ଗିର ସଦର ଥାନା ପୋଲିସ ହାତରେ ଲାଗିଥିଲା । ପୋଲିସ ଘଟଣା ସ୍ଥଳରେ ଚଢ଼ାଉ କରିଥିଲା ଆଉ ୧୭ ଜଣଙ୍କୁ ଧରିବାରେ ସଫଳ ହୋଇଥିଲା । ଘଟଣାରେ ୧୨ ଗୋଟି ବାଇକ୍, ଗୋଟିଏ ଚାରି ଚକିଆ ଗାଡ଼ି, ୧୫ ଗୋଟି ମୋବଇଲ, ୬ ଗୋଟି ଡ଼ାଇସ୍ ସହ ୧୪୯୪୭୦ ଟଙ୍କା ପୋଲିସ ଜବତ କରିଥିଲା । ଗିରଫ ୧୭ ଜଣ ହେଲେ ବଲାଙ୍ଗିର କୁଟୁରା ପାଲିର ଧୀରୁ ଓରଫ ଜନ୍ମେଜୟ ଥନାପତି (୩୫), ଲୁଚୁକି ବାହାଲର ଅଭିମନ୍ୟୁ ସାହୁ (୪୫), ବରଗଡ଼ ଗାଇସିଲେଟର ରାତୁ ପରୁଆ (୫୫), ଅମର ସରାଫ (୪୬), ଦେବାନନ୍ଦ ସାହୁ (୩୫) ଓ ଟଙ୍କଧର ମହାନନ୍ଦ (୩୫), ବଲାଙ୍ଗିର ଆଗଲପୁରର ଯୋଗିନ୍ଦ୍ର ମେହେର (୫୯), ସମ୍ବଲପୁର ବମରାର ରାଜା ଯାଦବ (୩୩), ବରଗଡ଼ ପଟେଇପାଲିର ବୀର କିଶୋର ଥପା (୩୫), ବରଗଡ଼ ବନ୍ଦୋପାଲିର ଦିଲ୍ଲୀପ ସାହୁ (୩୫),ସମ୍ବଲପୁର ଜିଲ୍ଲା ସାନ୍ ଡୁମେର ମୁଣ୍ଡାର ନିରଞ୍ଜନ ମୁଣ୍ଡା (୪୨), ସୁବର୍ଣ୍ଣପୁର ଜିଲ୍ଲା ସିଆଲବାହାଲିର ବିରେନ୍ଦ୍ର ସାହୁ (୩୬), ବରଗଡ଼ ଜିଲ୍ଲା ଧୁବାପାଲିର ଶୁକ୍ରୁ ମିର୍ଦ୍ଧା (୫୦), ସୁବର୍ଣ୍ଣପୁର ଜିଲ୍ଲା ରାମପୁରର ବିଷ୍ଣୁ ପଧାନ (୩୭), ବଲାଙ୍ଗିର ଜିଲ୍ଲା ଝାରମୁଣ୍ଡାର ସନ୍ତୋଷ କୁମାର ଧରୁଆ (୫୭), ସୁବର୍ଣ୍ଣପୁର ଜିଲ୍ଲା ଡ଼ୁମେରପାଲିର ବିଶ୍ୱାମିତ୍ର ସାହୁ (୨୪) ଓ ସୁବର୍ଣ୍ଣପୁର ଜିଲ୍ଲାର ହିରଣ୍ୟ ଓରଫ କନ୍ଧ କାଲସାଏ (୬୦)କୁ ପୋଲିସ ଗିରଫ କରିଥିବା ନେଇ ସଦର ଏସ୍ଡ଼ିପିଓ ସରୋଜ ଉପାଧ୍ୟାୟ ସୂଚନା ଦେଇଛନ୍ତି ।