ଙ୍କେକାନାଳ : ସକାଳୁ ସକାଳୁ କଟକ ମୁଣ୍ଡଳୀ ମହାନଦୀ ବ୍ରିଜ ଉପରେ ଯୁବକଙ୍କ ହାଇଡ୍ରାମା । ବ୍ୟାରେଜ ଗେଟ୍ ଉପରେ ଚଢି ବ୍ୟାୟାମ କରିବା ପରେ ମହାନଦୀକୁ ମାରିଲେ ଡିଆଁ । ଅଗ୍ନିଶମ ବାହିନୀ ଓ ମତ୍ସ୍ୟଜୀବୀଙ୍କ ସହାୟତାରେ ସୁରକ୍ଷିତ ଉଦ୍ଧାର । ମୁଣ୍ଡଳୀ ବ୍ରିଜରେ ଯୁବକଙ୍କ ହାଇଡ୍ରାମା । ଦେହରେ ଥାଏ ପୋଲିସ ବର୍ଦ୍ଦି । ଆତ୍ମହତ୍ୟା କରିବାକୁ ବ୍ୟାରେଜ ଗେଟ୍ ଉପରେ ଚଢିଗଲେ ଯୁବକ । ବ୍ୟାରେଜର ନୋ ଏଣ୍ଟ୍ରି ଏରିଆରେ କେତେବେଳେ ବ୍ୟାୟାମ ତ କେତେବେଳେ ବିଭିନ୍ନ କୌଶଳ ଦେଖାଇଲେ । ଏମିତି ବେଶ୍ କିଛି ସମୟ ବ୍ରିଜରେ ବୁଲିବା ପରେ ମହାନଦୀକୁ ମାରିଲେ ଡିଆଁ । ଆଜି ସକାଳୁ ସକାଳୁ କଟକ ମୁଣ୍ଡଳୀ ମହାନଦୀ ବ୍ରିଜ ଉପରେ ଏପରି ହାଇଡ୍ରାମା ଦେଖିବାକୁ ମିଳିଛି । ଦୀର୍ଘ ଘଣ୍ଟାର କସରତ ପରେ ସମ୍ପୃକ୍ତ ଯୁବକଙ୍କୁ ସୁରକ୍ଷିତ ଉଦ୍ଧାର କରାଯାଇଛି । ସେ ପାଣିକୁ ଡେଇଁବା ପରେ ତୁରନ୍ତ ଅଗ୍ନିଶମ ବାହିନୀ ଓ ମତ୍ସ୍ୟଜୀବୀମାନେ ତାଙ୍କୁ ଉଦ୍ଧାର କରିଛନ୍ତି । ଯୁବକ ସମ୍ପୂର୍ଣ୍ଣ ସୁରକ୍ଷିତ ଥିବାବେଳେ କାହିଁକି ସେ ନଦୀକୁ ଡେଇଁଲେ ସେନେଇ ପୋଲିସ ପଚରାଉଚରା କରୁଛି । ଯୁବକଙ୍କ ନାଁ ବିକ୍ରମ ଟୁଡୁ ଏବଂ ଘର ଢେଙ୍କାନାଳ ଜିଲ୍ଲା କଙ୍କଡାହାଡ ଅଞ୍ଚଳରେ । ସେ ପିନ୍ଧିଥିବା ପୋଲିସ ବର୍ଦ୍ଦି ଭଡ଼ା ଆଣିଥିବା ପୋଲସ ଆଗରେ ନିଜେ କହିଛନ୍ତି । ତେବେ କାହିକିଁ ସେ ଏଭଳି କଲେ ଏ ଯାଏଁ ସ୍ପଷ୍ଟ ହୋଇନଥିବା ବେଳେ, ପୋଲିସ ତାଙ୍କୁ ଥାନାକୁ ନେଇ ପଚରାଉଚରା କରୁଛି ।