ବଲାଙ୍ଗିର, (ଦେବାଶିଷ ମିଶ୍ର) : ଆଜି ମୁସଲମାନ ଧର୍ମଗୁରୁ ପ୍ରୋଫେଟ ମହମ୍ମଦଙ୍କ ଜୟନ୍ତୀ । ଏହି ପରିପ୍ରେକ୍ଷୀରେ ବଲାଙ୍ଗିରରେ ଅତି ହର୍ଷ ଉଲ୍ଲାସର ସହ ମୁସଲମାନମାନେ ମହମ୍ମଦ ଜୟନ୍ତୀ ପାଳନ କରୁଛନ୍ତି । ଏହି ଅବସରରେ ସହରର ସବୁ ମୁସଲମାନମାନେ ଏକ ଶାନ୍ତି ଓ ସଦ୍ଭାବନା ଶୋଭାଯାତ୍ରା କରିଥିଲେ । ବଲାଙ୍ଗିରର ସୁନ୍ନି ସଦର ମସଜିଦ୍ରୁ ଶତାଧିକ ମୁସଲମାନମାନେ ଏହି ସଦ୍ଭାବନା ରେଲି ଆରମ୍ଭ କରି ସହର ପରିକ୍ରମା କରିଥିଲେ । ସେହିପରି ମସଜିଦ୍ରେ ଏମାନେ ବିଶ୍ୱ ଶାନ୍ତି ପାଇଁ ମଧ୍ୟ ପ୍ରାଥନା କରିଥଲେ । ପାଠପଢା ସହିତ ପବିତ୍ର ଗ୍ରନ୍ଥ କୋରାନ ଉପରେ ହୋଇଥିବା କ୍ୱିଜ୍ ପ୍ରତିଯୋଗିତାରେ କୃତି ଛାତ୍ରଛାତ୍ରୀଙ୍କୁ ପୁରସ୍କାର ବଣ୍ଟନ କରାଯାଇଥିଲା । ଆଜି ମୁସଲମାନମାନଙ୍କର ସାମୁହିକ ଲଂଗର କାର୍ଯ୍ୟକ୍ରମ ମଧ୍ୟ ମସଜିଦରେ ଅନୁଷ୍ଠିତ ହୋଇଯାଇଛି । ଘରେ ଘରେ ମଧ୍ୟ ସବୁ ମୁସଲମାନମାନେ ଅତି ହର୍ଷ ଉଲ୍ଲାସର ସହ ମହମ୍ମଦ ଜୟନ୍ତୀ ପାଳନ କରିଥିବା ଦେଖିବାକୁ ମିଳିଛି ।