ବ୍ରହ୍ମପୁର, (କେ. ସତ୍ୟନାରାୟଣ ରେଡ୍ଡୀ) : ଗଞ୍ଜାମ ଜିଲ୍ଲାର ସଦର ମହକୁମା ଛତ୍ରପୁର ସ୍ଥିତ ଜିଲ୍ଲା କୋଷାଗାର ପରିସରରେ ଥିବା ଅବସରପ୍ରାପ୍ତ ସରକାରୀ କର୍ମଚାରୀ ସଂଘ କାର୍ଯ୍ୟାଳୟ ସମ୍ମିଳନୀ ଗୃହରେ ଛତ୍ରପୁର ଅବସରପ୍ରାପ୍ତ କର୍ମଚାରୀ ସଙ୍ଘ ଆନୁକୂଲ୍ୟରେ ଜିଲ୍ଲାସ୍ତରୀୟ ୭୬ତମ ଗଣତନ୍ତ୍ର ଦିବସ ବର୍ଣ୍ଣାଢ଼୍ୟ ସମାରୋହରେ ପାଳିତ ହୋଇଯାଇଛି । ସଭାପତି ନରସିଂହ ଅଚାରୀ ଯୋଗଦେଇ ଆନୁଷ୍ଠାନିକ ଭାବେ ଜାତୀୟ ପତାକା ଉତ୍ତୋଳନ କରି ଅଭିବାଦନ ଗ୍ରହଣ କରିଥିଲେ । ଡ଼ଃ. ପ୍ରଶାନ୍ତ କୁମାର ଶତପଥୀ, ସୁରେନ୍ଦ୍ର ନାଥ ପାଢ଼ୀ କାର୍ଯ୍ୟକାରୀ ସଭାପତି, ହରିକୃଷ୍ଣ ସାହୁ, ଉପ- ସଭାପତି, କିଶୋର ଚନ୍ଦ୍ର ପାଢ଼ୀ, ସମ୍ପାଦକ, ଦଣ୍ଡପାଣି ରାଉଳ, କୋଷାଧ୍ୟକ୍ଷ ବ୍ରହ୍ମାନନ୍ଦ ପାଢ଼ୀ ଏବଂ ସଂଘର ବହୁ ବରିଷ୍ଠ ସଦସ୍ୟଗଣ ଯୋଗଦାନ କରି ଦେଶ ପ୍ରୀତି, ଜନ ଜାଗରଣ ଉପରେ ଆଲୋକପାତ କରିଥିଲେ ।