କଂଟାବାଂଜି, (ମନୀଷ କୁମାର ହଂସ) : ରବିବାର ସଂଧ୍ୟା ପ୍ରାୟ ୭ଟା ସମୟରେ ସ୍ଥାନୀୟ କେ.ଭି. କଲେଜ ନିକଟରେ କାଠଗଣ୍ଡି ବୋଝେଇ ଟ୍ରାକ୍ଟର ବନ ବିଭାଗ ଦ୍ୱାରା ଜବତ ହୋଇଛି । ମିଳିଥିବା ସୂଚନା ଅନୁସାରେ କଂଟାବାଂଜି ବନ ବିଭାଗ କୌଣସି ସୂତ୍ରରୁ ଖବର ପାଇ ଟ୍ରାକ୍ଟର ନଂ.ଓଡି୦୩ଏସ୍-୫୫୯୦ରେ ବାନ୍ଧନପାଲି ଗାଁରୁ କଂଟାବାଂଜି ମୁଖେ ଆସୁଥିଲା । ସେହି ସମୟରେ ବନ ବିଭାଗ ପକ୍ଷରୁ ଅତର୍କିତ ଚଢାଉ କରି ଟ୍ରାକ୍ଟର ସହ କାଠଗଣ୍ଡି ଜବତ କରିବା ସମୟରେ ଟ୍ରାକ୍ଟର ଡ୍ରାଇଭର ଘଟଣାସ୍ଥଳରୁ ଅନ୍ଧାରର ସୁଯୋଗ ନେଇ ଫେରାର ମାରିଛି । ଏହି ଟ୍ରାକ୍ଟରରେ ମୁନ୍ଧେ, ନିମ୍ବ, ଖଇର ଇତ୍ୟାଦି କାଠଗଣ୍ଡି ବୋଝେଇ ଥିଲା । ଘଟଣାସ୍ଥଳରେ ଡ୍ରାଇଭର ଫେରାର ଥିବାରୁ ସ୍ଥାନୀୟ ପୋଲିସର ସହାୟତରେ କାଠଗଣ୍ଡି ବୋଝେଇ ଟ୍ରାକ୍ଟରକୁ ଫରେଷ୍ଟ ରେଂଜ ଅଫିସକୁ ଅଣାଯାଇଥିଲା । ଏହି ଖବର ଲେଖିବା ମଧ୍ୟରେ ଜବତ କାଠର ମୁଲ୍ୟ ନିର୍ଦ୍ଧାରଣ ସହ ସିଜର ଲିଷ୍ଟ କରାଯାଇ ନ ଥିବା ଜଣାଯାଏ । ଏହି ଚଢଉରେ ସ୍ଥାନୀୟ ରେଂଜର ଶ୍ରଦ୍ଧାଦେବ ବଡମାଲି, ଫରେଷ୍ଟର ଆଦିତ୍ୟ ମିଶ୍ରଙ୍କ ସହ ମୋବାଇଲ ସ୍କ୍ୱାର୍ଡ ଏବଂ ପାରାଫୋର୍ସ ସାମିଲ ଥି୍ଲେ ।
