ଲମତାପୁଟ : ଗଞ୍ଜେଇ ବୋଝେଇ କାର୍ ଜବତ, ୨ ଗିରଫ । କୋରାପୁଟ ଜିଲ୍ଲା ଲମତାପୁଟ ନିକଟ କନାଗାଁ ଛକ ନିକଟରେ ଗଞ୍ଜେଇ ବୋଝେଇ କାର୍ ସହ ଦୁଇ ଅଭିଯୁକ୍ତଙ୍କୁ ଗିରଫ କରିଛି ମାଛକୁଣ୍ଡ ପୋଲିସ । ସୂଚନା ଅନୁଯାୟୀ, କନାଗାଁ ଛକ ନିକଟରେ ଏକ କାର୍କୁ ଯାଞ୍ଚ କରିବାରୁ କାର୍ ଭିତରେ ୪ଟି ବସ୍ତାରେ ୯୬ କେଜି ୮ ଶହ ଗ୍ରାମ ଗଞ୍ଜେଇ ଥିବା ଜଣାପଡିଥିଲା । ଏହି ଗଞ୍ଜେଇର ମୂଲ୍ୟ ପ୍ରାୟ ୧୦ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଜବତ ଗଞ୍ଜେଇ ଗୋଡିହଞ୍ଜର ଗାଁ ନିକଟରୁ ନେଇ ଜୟପୁର କୋଟା ଛକକୁ ଯାଇ ବିକ୍ରି କରିଥାନ୍ତେ । ସେଠାରୁ ବାହାର ରାଜ୍ୟକୁ ଚୋରା ଚାଲାଣ ହେଉଥିବା ୨ ଅଭିଯୁକ୍ତ ସ୍ୱୀକାର କରିଥିବା ପୋଲିସ କହିଛି । ତେବେ ଗିରଫ ୨ ଅଭିଯୁକ୍ତ ହେଲେ ଚାଙ୍ଗୁଡ଼ିପଡାର ବଂଶୀଧର ବାଘ, କାକିରିଗୁମାର ରାମେଶ୍ୱର ଖରା । ଉଭୟଙ୍କୁ ପଚରାଉଚରା କରିବା ପରେ କିଛି ସ୍ଥାନୀୟ ଯୁବକଙ୍କ ଏଥିରେ ସମ୍ପୃକ୍ତି ଥିବା ନନ୍ଦପୁର ଏସ୍ଡିପିଓ ସୂଚନା ଦେଇଛନ୍ତି ।