ପଦ୍ମପୁର, (ନିରୋଜ କୁମାର ପାଣୀ) : ଝାରବନ୍ଧ ବ୍ଲକ ଜଗଦଲପୁର ଥାନା ଅନ୍ତର୍ଗତ ପୁଟୁକା ଗାଁରେ ଏକ ଅଭାବନୀୟ ଘଟଣା ଘଟିଛି । ବଡ଼ ଭାଇର କୁରାଢୀ ଚୋଟରେ ସାନଭାଇ ଗୁରୁତର ହୋଇଯାଇଛି । ପ୍ରାପ୍ତ ସୂଚନା ଅନୁସାରେ ପୁଟୁକା ଗ୍ରାମର ଦୁଇ ଭାଇଙ୍କ ମଧ୍ୟରେ କୌଣସି କାରଣରୁ ଗଣ୍ଡଗୋଳ ହୋଇଥିଲା । ଗଣ୍ଡେଗାଳ ଏତେ ମାତ୍ରାରେ ବଢିଯାଇଥିଲା ଯେ, ବଡ଼ଭାଇ ଜୟସିଂହ ମାଛ ରାଗିଯାଇ ଏକ କୁରାଡିରେ ସାନଭାଇ କିଷନ ମାଛକୁ ମରଣାନ୍ତକ ଆକ୍ରମଣ କରିଥିଲେ । ଗୁରୁତର କିଷନକୁ ପ୍ରାଥମିକ ଚିକିତ୍ସା ପାଇଁ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ନିଆଯାଇଥିଲା । ଆକ୍ରମଣକାରୀ ଜୟସିଂହ ଓ କୁରାଡିକୁ ଜଗଦଲପୁର ପୋଲିସ ଜବତ ଥାନାରେ କେସ ନମ୍ବର ୯୧/୨୦୨୪ ଅନୁଯାୟୀ ଏକ ମାମଲା ରଜ୍ଜୁ କରିଛି ଓ ଅଭିଯୁକ୍ତ ଜୟସିଂହକୁ କୋଟ ଚାଳାଣ କରାଯାଇଛି ବୋଲି ସୂଚନା ଦେଇଛନ୍ତି ଜଗଦଲପୁର ଥାନା ଅଧିକାରୀ ସୁଷମା କୁଅଁର ।