- ରାଜ୍ୟସ୍ତରୀୟ କରାଟେ ପ୍ରତିଯୋଗିତା ପାଇଁ ଭୁବନେଶ୍ୱର ଗସ୍ତ
ବଲାଙ୍ଗିର, (କେପିଏନ୍ଏସ୍) : ଆସନ୍ତା ନଭେମ୍ବର ୧୬ ଓ ୧୭ ଦୁଇଦିନ ଧରି ୩୬ତମ ସବ୍ଜୁନିୟର ରାଜ୍ୟସ୍ତରୀୟ କରାଟେ ପ୍ରତିଯୋଗିତା ଭୁବନେଶ୍ୱର ସ୍ଥିତ ଉତ୍କଳ କରାଟେ ସ୍କୁଲରେ ଅନୁଷ୍ଠିତ ହେବାକୁ ଯାଉଛି । ଏଥିରେ ବଲାଙ୍ଗିର ଜିଲ୍ଲା କରାଟେ ଓର୍ଗାନାଇଜେସନର ସାଧରଣ ସମ୍ପାଦକ ତଥା ରାଜ୍ୟ ସରକାର ଠାରୁ ପ୍ରକୃତିମିତ୍ର ପୁରସ୍କାରପ୍ରାପ୍ତ କରାଟେ କୋଚ୍ ଅସୀମ କୁମାର୍ ଭୋଇଙ୍କ ନେତୃତ୍ୱରେ ଏକ ୮ ଜଣିଆ ଟିମ୍ ଆଜି ଭୁବନେଶ୍ୱର ଅଭିମୁଖେ ଯାତ୍ରା କରିଛନ୍ତି । ଏଥିରେ ବାଳିକା ବିଭାଗରେ ଦୀପିକା ଭୋଇ, ଅଭିପ୍ସା ଦଳାଇ, ଅଭିଳାଷା ଚୌଧୁରୀ, ସାଇ ଶ୍ରୀୟା ମହାକୁର ଓ ବାଳକ ବିଭାଗରେ ପ୍ୟୁସ୍ ଭୋଇ, ସ୍ୱସ୍ତିକ ମହାରଣା, ରୁଦ୍ର ନାରାୟଣ ପଣ୍ଡା, ଦେବାଶିଷ ବଘାର୍ ଉଭୟ କାତା ଓ କୁମିତେ ବିଭାଗରେ ଭାଗନେବେ ବୋଲି ଅସୀମ କରାଟେ ଏକାଡେମି ତରଫରୁ ସୂଚନା ଦିଆଯାଇଛି ।