- ପ୍ରଥମ ସେମିଫାଇନାଲ୍ରେ ଆଗଲପୁରକୁ ହରାଇ ତେନ୍ତୁଳିଖୁଣ୍ଟି ବିଜୟୀ
ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ନିକଟସ୍ଥ ଖଲିଆପାଲି ଆମ୍ବେଦକର ଷ୍ଟାଡିୟମ ଠାରେ ଜଗନ୍ନାଥ ସ୍ପୋର୍ଟିଂ କ୍ଲବ ଖଲିଆପାଲି ଓ ସ୍ପୋର୍ଷ୍ଟ ହଷ୍ଟେଲ ବଲାଙ୍ଗିର ମିଳିତ ଆନୁକୂଲ୍ୟରେ ତୃତୀୟ ବର୍ଷ କୋଚ ଶିବପ୍ରସାଦ ପଟ୍ଟନାୟକ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ପ୍ରଥମ ସେମିଫାଇନାଲ୍ରେ ମୁଖ୍ୟ ଅତିଥି ଭାବେ ସୁପ୍ରିମଟାକ୍ସର ନିର୍ଦ୍ଦେଶକ ଅଜିତ କୁମାର ପାଲ ଯୋଗ ଦେଇଥିଲେ । ସମ୍ମାନିତ ଅତିଥି ରାଜ କିଶୋର ବେହେରା, ଶରତ କୁମାର ନନ୍ଦ, ପ୍ରବୀଣ କୁମାର ନାଗ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । କମିଟି ସଂପାଦକ ଅଭିମନ୍ୟୁ ପାଣ୍ଡେଙ୍କ ତତ୍ୱାବଧାନରେ ଅନୁଷ୍ଠିତ ଏହି ଖେଳରେ କମିଟି ସଭାପତି ନାରାୟଣ ବିଶ୍ୱାଲ ଅଧ୍ୟକ୍ଷତା କରିଥିଲେ । ଆଜିର ପ୍ରଥମ ସେମିଫାଇନାଲ୍ ଖେଳରେ ତେନ୍ତୁଳିଖୁଣ୍ଟି ୨-୧ ଗୋଲରେ ଆଗଲପୁରକୁ ହରାଇ ବିଜୟୀ ହୋଇଥିଲେ । ଖେଳକୁ ପ୍ରଫୁଲ୍ଲ କୁମାର ବଗର୍ତ୍ତୀ, ଦେବାଶିଷ ବାଗ, ଶ୍ରବଣ କୁମାର ବାଗ ଏବଂ ସଂଜୀବ ମହାରଣା ପରିଚାଳନା କରିଥିଲେ । ଆସନ୍ତାକାଲି ଦ୍ୱିତୀୟ ସେମିଫାଇନାଲ୍ ନକଟାସର ବନାମ ଖଲିଆପାଲି ମଧ୍ୟରେ ଅନୁଷ୍ଠିତ ହେବ । କମିଟିର ବିଶ୍ୱନାଥ ସୁନା, ଜନାର୍ଦ୍ଦନ ପାଣ୍ଡେ, କହ୍ନାଇ ଗଡତିଆ, ପ୍ରଶାନ୍ତ ପଧାନ, ସୂର୍ଯ୍ୟମଣୀ ସୁନା, ସଚ୍ଚିଦାନନ୍ଦ ଭୁକ୍ତା, ଅନୁପ କୁମାର ସାଏ, ସୁକଦେବ ସାହୁ, ଚିତ୍ତ ବିଶ୍ୱାଲ ଏବଂ ମନ ବିଶ୍ୱାଲ ପ୍ରମୁଖ ସହଯୋଗ କରିଥିଲେ ।