ଡୁଙ୍ଗୁରିପାଲି, (କେପିଏନ୍ଏସ୍) : ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ମାୟାବର୍ହା ପଞ୍ଚାୟତ ଉଚ୍ଚ ବିଦ୍ୟାଳୟଠାରେ ଜାତୀୟ କନ୍ୟା ସନ୍ତାନ ଦିବସ ପ୍ରଧାନ ଶିକ୍ଷକ ରବିଚନ୍ଦ୍ର ପଶାୟତଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ସଭାରେ ଛାତ୍ରୀଙ୍କ ମଧ୍ୟରୁ ତନୁଶ୍ରୀ ଯୁଆଡି ଓ ଲିପ୍ସା ଯୁଆଡି ଅତିଥି ଭାବରେ ମଞ୍ଚାସିନ ଥିଲେ । ବରିଷ୍ଠ ଶିକ୍ଷକ ଦୀନବନ୍ଧୁ ପ୍ରଧାନ ସଭାରେ ଉଦ୍ଦେଶ୍ୟ ଜ୍ଞାପନ କରି ଝିଅମାନେ ପୁଅମାନଙ୍କ ସହ ସବୁ ଥିରେ ସମାନ ବୋଲି ମତବ୍ୟକ୍ତ କରିଥିଲେ । ଏଥିରେ ସିତୁ ସାହୁ, ଜନନିକା, କ୍ରିଶ, ଅର୍ଚ୍ଚିତା, ପ୍ରିନ୍ସ, ଶୁଭଶ୍ରୀ ପ୍ରଭୃତି ନିଜ ନିଜ ମତ ପ୍ରଦାନ କରିଥିଲେ । ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ ଧନ୍ୟବାଦ ଅର୍ପଣ କରିଥିଲେ । ପରେ ମାୟ।ବର୍ହା ଅଙ୍ଗନବାୱା କର୍ମୀ ବଲ୍ଲଭି ବନଛୋର ଓ ସୁଷମା ସାହୁଙ୍କ ସହ ଉଚ୍ଚ ବିଦ୍ୟାଳୟ ଓ ନୋଡାଲ ଉଚ୍ଛ ପ୍ରାଥମିକ ବିଦ୍ୟାଳୟର ଛାତ୍ରୀମାନେ ଏକ ଶୋଭାଯାତ୍ରାରେ ବାହାରି ଗ୍ରାମ ପରିକ୍ରମା କରିଥିଲେ । ଏଥିରେ ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ ସହାଯୋଗ କରିଥିଲେ ।