ଡେଲାଙ୍ଗ, (କେପିଏନ୍ଏସ୍) : ଡ୍ୟାଫୋଡିଲ୍, ପିଆଜ ଭଳି ଏକ ବଲ୍ବ (ଗୋଲାକୃତି ମୂଳ) ସୃଷ୍ଟି କରୁଥିବା ଉଦ୍ଭିଦ । ଏହି ଫୁଲ ତୂରୀ ପରି ଏବଂ ଏହାର ଶୋଭା ପାଇଁ ବହୁଳ ଭାବରେ ଚାଷ କରାଯାଏ, ଯାହା ବସନ୍ତ ଋତୁରେ ଉତ୍ପନ୍ନ ହୁଏ । ଡ୍ୟାଫୋଡିଲ୍ ଉତ୍ତର ୟୁରୋପରେ ମୂଳତହ ଉପ୍ତନ୍ନ ଏବଂ ସମଗ୍ର ବିଶ୍ୱରେ ନାତିଶୀତୋଷ୍ନ ଜଳବାୟୁରେ ବଢି ଥାଏ । ବହୁ ବର୍ଷ ଧରି କର୍କଟ ରୋଗର ମୁକାବିଲା ସହିତ ଡ୍ୟାଫୋଡିଲ୍ ଫୁଲଗୁଡିକ ପ୍ରତୀକାତ୍ମକ ଭାବରେ ଜଡିତ ରହିଛି । ଡ୍ୟାଫୋଡିଲ୍ ଫୁଲ ‘ଆଶା’ର ଆଲୋକକୁ ପ୍ରତିନିଧିତ୍ଵ କରେ । ତେଣୁ କର୍କଟ ରୋଗରେ ପିଡୀତଙ୍କ ସେବା ସନ୍ଧାନରେ ସ୍ୱେଚ୍ଛାସେବୀ ମାନେ ଏହି ଫୁଲକୁ ପ୍ରତୀକ ଭାବରେ ବ୍ୟବହାର କରିଥାନ୍ତି । ଡ୍ୟାଫୋଡିଲ୍ ଡେ ହେଉଛି ଏକ ଦିବସ ଯେତେବେଳେ ଆମେ ସେହି ମାନଙ୍କୁ ମନେ ପକାଇ ଥାଉ ଯେଉଁ ମାନେ କର୍କଟ ରୋଗ ଦ୍ଵାରା ଆକ୍ରାନ୍ତ ବ୍ୟକ୍ତି ମାନଙ୍କୁ ଗବେଷଣା ତଥା ସେବା ଯୋଗାଇଦେବା ଉଦ୍ଧେଶ୍ୟରେ କଠିନ ପରିଶ୍ରମ କରିଥାନ୍ତି । ସେହି ସମସ୍ତ ଗୁରୁତ୍ୱପୂର୍ଣ୍ଣ ଉଦ୍ୟମ ତଥା ଡ୍ୟାଫୋଡିଲ୍ ବିକ୍ରୟ ଠାରୁ ଆରମ୍ଭ କରି ପାଣ୍ଠି ସଂଗ୍ରହ ପ୍ରୟାସରେ ଯୋଡି ହୋଇ ରହିବା ପର୍ଯ୍ୟନ୍ତ, ଏହା ଏକ ବିଶିଷ୍ଟ ସେବା ଦେବା ଦିନ । ବସନ୍ତର ଆଗମନରେ ଫୁଟୁଥିବା ପ୍ରଥମ ଫୁଲ ଭାବରେ, ୧୯୫୦ ଦଶକରେ କର୍କଟ ବ୍ୟାଧି କ୍ଷେତ୍ରରେ ସେବା ପ୍ରଦାନ କରୁଥିବା ସମାଜସେବୀ ଯେତେବେଳେ ଏହି ଫୁଲକୁ ପ୍ରତୀକ ବ୍ୟବହାର କରିବା ଆରମ୍ଭ କଲେ ସେତେବେଳେ ଡ୍ୟାଫୋଡିଲ୍ ଶୀଘ୍ର ଆଶାର ପ୍ରତୀକ ହୋଇଗଲା । ସେଗୁଡିକ ପ୍ରଥମେ ବ୍ୟବହୃତ ହେବା ପରେ, ଡ୍ୟାଫୋଡିଲ୍ ସମଗ୍ର ବିଶ୍ୱରେ କର୍କଟ ସମାଜ ସେବୀ ଏବଂ ସ୍ୱେଚ୍ଛାସେବୀ ଗୋଷ୍ଠୀର ଲୋଗୋ ହୋଇଗଲା । ୧୯୫୦ ଦଶକରୁ, ଆମେ ଏହି ରୋଗ ବିଷୟରେ ଅଧିକରୁ ଅଧିକ ଶିକ୍ଷାଲାଭ କରି ଜାଣିବାକୁ ପାଇଲୁ ଯେ, ପ୍ରାୟ ପ୍ରତି ୧୦ ଜଣଙ୍କ ମଧ୍ୟରୁ ୪ ଜଣ ସେମାନଙ୍କ ଜୀବନରେ କର୍କଟ ରୋଗର ଶୀକାର ହେବାର ଆଶଂକା ରହିଛି । ଆମେ କିପରି କର୍କଟ ରୋଗକୁ ରୋକିବା ଏବଂ ଚିହ୍ନଟ କରିବା ତାହା ବିଷୟରେ ଅଧିକ ଶିଖିଲୁ । ସ୍ଵୟଂ ପରୀକ୍ଷଣ ଠାରୁ ଆରମ୍ଭ କରି ଚର୍ମକୁ ସୂର୍ଯ୍ୟ କିରଣ ପରି ବିପଦରୁ ଦୂରେଇ ରଖିବା ପର୍ଯ୍ୟନ୍ତ, ଡ୍ୟାଫୋଡିଲ୍ ଦିଵସ ପାଳନ କର୍କଟ ରୋଗର ବିପଦକୁ ବୁଝିବାରେ ସାହାଯ୍ୟ କରିବା ଏବଂ ଏହାର ମୁକାବିଲା ପାଇଁ ଆମେ କ’ଣ କରିପାରିବା ତାହା ବିଷୟରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ଡ୍ୟାଫୋଡିଲ୍ ଡେ ମଧ୍ୟ ସାରା ବିଶ୍ୱରେ କର୍କଟ ରୋଗ ନିୟନ୍ତ୍ରଣ ତଥା ନିରାକରଣ ପାଇଁ ଏକ ଗୁରୁତ୍ୱପୂର୍ଣ୍ଣ ପାଣ୍ଠି ସଂଗ୍ରହ ଦିନ ହୋଇପାରିଛି । କର୍କଟ ଅନୁସନ୍ଧାନରେ ସହଯୋଗ କରିବାକୁ, ଏଥିରେ ଚିହ୍ନଟ ହୋଇଥିବା ବ୍ୟକ୍ତିଙ୍କ ପାଖରେ ଉତ୍ସ ଏବଂ ସହାୟତା ଗୋଷ୍ଠୀ ଥିବା ସୁନିଶ୍ଚିତ କରିବାକୁ, ଏବଂ କର୍କଟ ରୋଗ କ୍ଷେତ୍ରରେ ସେବା ପ୍ରଦାନ କରୁଥିବା ସମାଜକୁ ସେମାନଙ୍କ ବାର୍ତ୍ତା ବିସ୍ତାର କରିବାରେ ସାହାଯ୍ୟ କରିବାକୁ ଏହା ଏକ ପ୍ରୟାସ । ଆଧୁନିକ ବିଳାସପୂର୍ଣ୍ଣ ଜୀବନ ଶୈଳୀ ତଥା ଜଳବାୟୁ ପରିବର୍ତ୍ତନ ହେତୁ କର୍କଟ ରୋଗ ସମେତ ଉଚ୍ଚ ରକ୍ତଚାପ, ମଧୁମେହ, କିଡନୀ ରୋଗ, ଶ୍ଵାସ ରୋଗ, ଅନିଦ୍ରା ରୋଗ, ମସ୍ତିଷ୍କ ରୋଗ ଭଳି ଅନେକ ଅଣ ସଂକ୍ରମଣ ରୋଗ ବ୍ୟାପିବାରେ ଲାଗିଛି । ତେଣୁ କର୍କଟ ରୋଗ ବିଷୟରେ ସଚେତନତା ଜାଗ୍ରତ ପାଇଁ ବର୍ତ୍ତମାନ ଡ୍ୟାଫୋଡିଲ୍ ଦିବସ ସମଗ୍ର ବିଶ୍ୱରେ ପାଳନ ହୁଏ । ଡ୍ୟାଫୋଡିଲ୍ ବସନ୍ତ ଏବଂ ନୂତନ ଜୀବନର ପ୍ରତ୍ୟାବର୍ତ୍ତନକୁ ସୂଚିତ କରେ । ୧୯୫୦ ମସିହାରେ କାନାଡାର ଟରୋଣ୍ଟୋରେ ଏହା ଏକ ସ୍ଵେଚ୍ଛାସେବୀ ସଂଗଠନ ଦ୍ଵାରା କର୍କଟ ସଚେତନତା ଏବଂ ଅନୁସନ୍ଧାନ ପାଇଁ ଅର୍ଥ ସଂଗ୍ରହ ଉଦ୍ଧେଶ୍ୟରେ ଆରମ୍ଭ ହୋଇଥିଲା । ଏହା ମଧ୍ୟ ଏକ ଦିବସ ଆମେ ଆମର ଡ୍ୟାଫୋଡିଲ୍ କିଣିବା କିମ୍ବା ପିନ୍ଧିବା ଦ୍ୱାରା କର୍କଟ ରୋଗରେ ହଜିଯାଇଥିବା ପ୍ରିୟଜନଙ୍କୁ କିମ୍ବା ସେହି ବନ୍ଧୁ ଏବଂ ପରିବାର ବର୍ତ୍ତମାନ ଯେଉଁମାନେ କର୍କଟ ରୋଗର ମୁକାବିଲା ସାମ୍ନା କରୁଛନ୍ତି ସେମାନଙ୍କୁ ସାହଯ୍ୟ କରୁଛେ । ଡ୍ୟାଫୋଡିଲ୍ ହେଉଛି ଏକ ଫୁଲ ଯାହା ଆମକୁ ଆଶାବାଦୀ ଜୀବନ ସହିତ ବଞ୍ଚିବାକୁ ପ୍ରେରଣା ଦିଏ । ଏହା ଆମକୁ ହସିବାକୁ ଏବଂ ହସ ବିସ୍ତାର କରିବାକୁ ଉତ୍ସାହିତ କରେ । ଏହା ଆମକୁ ସର୍ବଦା ଖୁସି ହେବା ଏବଂ ସକାରାତ୍ମକ ମନ ସହିତ ଅସୁବିଧାଗୁଡ଼ିକ ସହିତ ଲଢିବାକୁ ଶିଖାଏ ।
![shyamal](https://koshalaprabahalive.com/wp-content/uploads/2024/09/Shyamlal-Pradhan.jpg)
![purusottam](https://koshalaprabahalive.com/wp-content/uploads/2024/09/purusottam.jpg)
Next Post