ସାକ୍ଷୀଗୋପାଳ : ଭାରସାମ୍ୟ ହରାଇ ବ୍ରିଜ୍ ଡିଭାଇଡର୍କୁ ଧକ୍କା ଦେଲା କାର୍ । ମଙ୍ଗଳବାର ସକାଳେ ସାକ୍ଷୀଗୋପାଳରେ ଏହି ଦୁର୍ଘଟଣା ଘଟିଥିବା ଜଣାପଡିଛି । ସମସ୍ତ ଗୁରୁତରଙ୍କୁ ଉଦ୍ଧାର କରାଯାଇ ଡାକ୍ତରଖାନାରେ ଭର୍ତ୍ତି କରାଯାଇଛି । ସୂଚନା ଅନୁଯାୟୀ ପଶ୍ଚିମବଙ୍ଗର ପଶ୍ଚିମ ମିଦନାପୁର ଅଞ୍ଚଳର ସନ୍ଦୀପ ଦାସ, କୌଶିକ ସିଂହ, ରିନା ସିଂହ, ନୟନ ରଞ୍ଜନ ଦା’, ସ୍ଵର୍ଣ୍ଣଲତା ଦା’ ଏକ କାର୍ ଯୋଗେ ଭୁବନେଶ୍ଵରରୁ ପୁରୀ ଆସୁଥିବା ବାଟରେ ସାକ୍ଷୀଗୋପାଳ ନିକଟରେ ଦୁର୍ଘଟଣାଗ୍ରସ୍ତ ହୋଇଛନ୍ତି । କାର୍ଟି ଭାରସାମ୍ୟ ହରାଇ ଗୁରୁକୁଳ ବ୍ରିଜର ଡିଭାଇଡରକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ସମସ୍ତେ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ଉଦ୍ଧାର କରାଯାଇ ପ୍ରଥମେ ସାକ୍ଷୀଗୋପାଳ ସିଏଚ୍ସିରେ ଭର୍ତ୍ତି କରାଯାଇଥିଲା । ସେଠାରୁ ସମସ୍ତଙ୍କୁ ପୁରୀ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।