ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଧର୍ମପରାୟଣା ମହିଳା ଶ୍ରୀମତୀ ପ୍ରଭାବତୀ ରଥ (୮୭)ଙ୍କ ଶୁକ୍ରବାର ମଧ୍ୟାହ୍ନରେ ତାଙ୍କ ନିଜସ୍ଵ ବାସଭବନ ବ୍ରହ୍ମପୁର ନିକଟସ୍ଥ ନିମଖଣ୍ଡି ଗ୍ରାମରେ ପରଲୋକ ହୋଇଯାଇଛି । ସେ ଜଣେ ଆଧ୍ୟାତ୍ମିକ ସମ୍ପନ୍ନା, ଜଗନ୍ନାଥପ୍ରେମୀ ଓ ପରୋପକାରୀ, ମେଳାପି, କୁଟୁମ୍ବ ବତ୍ସଳା, ଧର୍ମପରାୟଣା ଥିଲେ । ନୈଷ୍ଠିକ ବ୍ରାହ୍ମଣ ପରିବାରରେ ଜନ୍ମଗ୍ରହଣ କରିଥିବା ସ୍ୱର୍ଗତ ଶଶୀଭୂଷଣ ରଥଙ୍କ ସହଧର୍ମିଣୀ ଶ୍ରୀମତୀ ପ୍ରଭାବତୀ ରଥ ଏହି ଅଞ୍ଚଳରେ ବେଶ୍ ପରିଚିତ ଥିଲେ । ଜୀବନର ଶେଷ ନିଶ୍ୱାସ ପର୍ଯ୍ୟନ୍ତ ସେ ମହାପ୍ରଭୁ ଶ୍ରୀ ଜଗନ୍ନାଥଙ୍କ ନାମସ୍ମରଣ କରି ନିଜ ଘରେ ବସି ପରଲୋକ ଗମନ କରିଛନ୍ତି । ମୃତ୍ୟୁ ଶଯ୍ୟାରେ ତାଙ୍କର ଛଅ ପୁଅ ଓ ଦୁଇ ଝିଅ, ଜ୍ୱାଇଁ, ନାତି, ନାତୁଣୀ, କୁଟୁମ୍ବ, ବନ୍ଧୁବର୍ଗ, ପରିଜନ ଉପସ୍ଥିତ ରହି ତାଙ୍କର ଶେଷକୃତ୍ୟ ସମ୍ପନ୍ନ କରିଛନ୍ତି । ତାଙ୍କ ମୃତ୍ୟୁରେ ଏହି ଅଞ୍ଚଳରେ ଶୋକର ଛାୟା ଖେଳିଯାଇଛି । ସ୍ୱର୍ଗୀୟ ଶ୍ରୀମତୀ ପ୍ରଭାବତୀ ରଥଙ୍କ ଝିଅ କୁସୁମ ତ୍ରିପାଠୀ ଓ ସୁଷମା ମିଶ୍ର, ସୁଗୃହିଣୀ ଅଟନ୍ତି । ତାଙ୍କର ପୁତ୍ରବର୍ଗ ଯଥା- ଜ୍ୟେଷ୍ଠ ପୁତ୍ର ନଳନୀ କୁମାର ରଥ, ଅବନୀ କୁମାର ରଥ (ଶିକ୍ଷକ), ଅରୁଣ କୁମାର ରଥ, ୪ର୍ଥ ପୁତ୍ର- ଅଶୋକ କୁମାର ରଥ, (ପ୍ରମେୟ ଓ ପ୍ରତିଦିନ ଖବରକାଗଜର ଫୋଟୋ ଗ୍ରାଫୋର୍), ୫ମ ପୁତ୍ର ସମୀର ରଥ, ଦୈନିକ ଧରିତ୍ରୀର (ବ୍ରହ୍ମପୁରରୁ ଫୋଟୋ ଗ୍ରାଫୋର୍,) ଏବଂ ଶେଷ କନିଷ୍ଠ ପୁତ୍ର ସନ୍ତୋଷ ରଥ ପ୍ରମୁଖ ବ୍ୟବସାୟ କାର୍ଯ୍ୟରେ ନିୟୋଜିତ ଅଛନ୍ତି ।