ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ପୋଲିସ ପକ୍ଷରୁ ପଦ୍ମପୁର ଥାନା ଅଧିକାରୀ ରାଜେନ୍ଦ୍ର ସିଆଲ ଓ ତାଙ୍କ ଟିମ ରାତ୍ରୀକାଳୀନ ପେଟ୍ରୋଲିଂ ସମୟରେ ପଦ୍ମପୁର ବଜାରପଡାର ବଲିଆର ମଲ୍ଲିକ ଓ ରଜାପଡାର ଦୀପକ ପଧାନ ନାମକ ଦୁଇ ଜଣ ଯୁବକ ବୁଲୁଥିବା ଦେଖି ଯୁବକ ମାନଙ୍କୁ ପଚରା ଉଚରା କରିଥିଲେ । ପଚରାଉଚରା ସମୟରେ ସେମାନଙ୍କ ଠାରୁ ପୋଲିସ ଗୋଟିଏ ଟ୍ରାକ୍ଟର ବ୍ୟାଟେରୀ, ଗୋଟିଏ ବଜାଜ ପ୍ଲାଟିନା ବାଇକ ଓ ଗାଡି ମରାମତି ସାମଗ୍ରୀ ଜବତ କରିଥିଲେ । ଅଧିକ ପଚରାଉଚରାରୁ ଜଣା ପଡିଛି ଯେ ସେମାନେ ଝାଙ୍କରପାଲି ଠାରୁ ଚୋରୀ କରି ଆସୁଥିଲେ । ପଦ୍ମପୁର ଥାନା କେଶ ନମ୍ବର ୧୯୪/୨୧ ଅନୁସାରେ ଉଭୟଙ୍କୁ କୋର୍ଟ ଚାଲାଣ କରାଯାଇଥିବା ପଦ୍ମପୁର ଥାନା ଅଧିକାରୀ ରାଜେନ୍ଦ୍ର ସିଆଲ ସୂଚନା ଦେଇଛନ୍ତି ।