ଆନନ୍ଦପୁର : ଓଡିଶାରେ ଲଗାତାର ଭାବେ ଘଟିଚାଲିଛି ଦୁର୍ଘଟଣା । ବିଳମ୍ବିତ ରାତିରେ ଆନନ୍ଦପୁର ସାତକୋଶିଆ ଘାଟିରେ ଯାତ୍ରୀବାହୀ ବସ୍କୁ ପଛପଟୁ ଧକ୍କା ଦେଲା ଚାଉଳ ବୋଝେଇ ଟ୍ରକ୍ । ସୂଚନା ଅନୁଯାୟୀ ବିଳମ୍ବିତ ରାତିରେ ସାଇଶଙ୍କର ବସ(ଓଡି୧୧ ଇ୩୭୯୨) ନିଜ ଗନ୍ତବ୍ୟସ୍ତଳକୁ ଫେରୁଥିଲା । ସେହି ସମୟରେ ଗୋଡ଼ଭଙ୍ଗା ଘାଟିଠାରେ ଏକ ଚାଉଳ ବୋଝେଇ ଟ୍ରକ୍(ଏପି ୦୭ଟିଏଫ୪୯୭୯) ବସକୁ ପଛପଟୁ ଧକ୍କା ଦେଇଥିଲା । ଏହି ଧକ୍କାରେ ବସଟି ୩୦ ଫୁଟ ତଳକୁ ଖସିଗଲା । ବସରେ ପ୍ରାୟ ୫୦ଜଣ ଯାତ୍ରୀ ଥିଲେ । ଏହି ଦୁର୍ଘଟଣାରେ ୧୫ରୁ ଅଧିକ ଜଣ ଯାତ୍ରୀ ଆହତ ହୋଇଛନ୍ତି । ଆହତଙ୍କୁ ଆନନ୍ଦପୁର ଡାକ୍ତରଖାନାକୁ ଚିକିତ୍ସା କରିବା ପାଇଁ ପଠାଇ ଦିଆଯାଇଥିବା ବେଳେ ଏହି ଦୁର୍ଘଟଣାରେ ବସଟି ସଂପୂର୍ଣ୍ଣ ଭାବରେ ଭାଙ୍ଗି ଯାଇଥିବା ଜଣାପଡିଛି ।