ଖୋର୍ଦ୍ଧା : ଅବକାରୀ ବିଭାଗର କର୍ମଚାରୀ ଜଣେ ନିଶା ବେପାରୀକୁ ଗିରଫ କରିବା ସହ ତାଙ୍କ ନିକଟରୁ ୫୭ଗ୍ରାମ ବ୍ରାଉନ ସୁଗର ଜବତ୍ କରିଥିବା ଜଣାପଡିଛି । ଘଟଣାରୁ ଜଣାପଡିଛି ଯେ, ଜଟଣୀ ଥାନା ଅନ୍ତର୍ଗତ ଖୁଦୁପୁର ଗାଁର ଲୋକନାଥ ପ୍ରଧାନ ନାମକ ଯୁବକ ଖୋର୍ଦ୍ଧା ଓ ଜଟଣୀ ନିକଟରେ ବ୍ରାଉନସୁଗର ବିକ୍ରି କରୁଥିବା ଅବକାରୀ ବିଭାଗ କର୍ମଚାରୀ ବିଶେଷ ସୂତ୍ରରୁ ଜାଣିବାକୁ ପାଇଥିଲେ । ତାକୁ ଧରିବାକୁ ବହୁଟ ଚେଷ୍ଟା କରିବା ସତ୍ତ୍ୱେ ସେ ଅବକାରୀ ବିଭାଗ କର୍ମଚାରୀ ଚକ୍ଷୁରେ ଧୂଳି ଦେଇ ଫେରାର ହୋଇଯାଉଥିଲା ।
ତେବେ ଆଜି ଅବକାରୀ ବିଭାଗ ଏସଆଇ ମନୋଜ କୁମାର ଲୋକନାଥକୁ ୬ ଲକ୍ଷ ଟଙ୍କା ବ୍ରାଉନସୁଗର କିଣିବାକୁ ଫୋନରେ ଡିଲ କରିଥଲେ । ତାକୁ ବରୁଣେଇ ପାହାଡ଼ ପାଦଦେଶରେ ଦେଇ ଟଙ୍କା ନେବାକୁ କହିଥଲେ । ଏହାପରେ ସେ ୫୭ଗ୍ରାମ ବ୍ରାଉନ ସୁଗର ଆଣି ଦେବାକୁ ଆସୁଥିବା ବେଳେ ସାଧା ପୋଷାକରେ ଥିବା ଅବକାରୀ ବିଭାଗ କର୍ମଚାରୀ ତାକୁ ଗିରଫ କରିଥିଲା । ତା ନିକଟରୁ ପ୍ରାୟ ୬ଲକ୍ଷ ଟଙ୍କା ବ୍ରାଉନସୁଗର ଜବତ କରିଛି । ଏହି ଘଟଣାରେ ଅବକାରୀ ବିଭାଗ ଅଭିଯୁକ୍ତ ନାମରେ ନିଶା ବେପାର ଅଭିଯୋଗରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଛି ।