କରଞ୍ଜିଆ : ସ୍କୁଲ ଭ୍ୟାନ୍ ଓଲଟି ୨ ଶିଶୁ ଆହତ ଅଳ୍ପକେ ବର୍ତ୍ତିଲେ ୧୦ ଶିଶୁ । କେନ୍ଦୁଝରର କରଞ୍ଜିଆ ଥାନା ଭଅଁରା ଛକ ନିକଟରେ ଏହି ଦୁର୍ଘଟଣା ଘଟିଛି । ସୂଚନାଯୋଗ୍ୟ ଯେ, କେନ୍ଦୁଝର କରଞ୍ଜିଆ ଥାନା ଭଅଁରା ଛକ ନିକଟରେ ସ୍କୁଲକୁ ପିଲାମାନଙ୍କୁ ଆଣୁଥିବା ସମୟରେ କରଞ୍ଜିଆର ଏକ ପବ୍ଲିକ ସ୍କୁଲର ସ୍କୁଲ ଭ୍ୟାନ୍ ଓଲଟି ପଡ଼ିଥିଲା । ଫଳରେ ୨ ଜଣ ଶିଶୁ ସହ ହେଲ୍ପର ଆହତ ହୋଇଛନ୍ତି । ସମସ୍ତ ଆହତଙ୍କୁ କରଞ୍ଜିଆ ମେଡ଼ିକାଲରେ ଭର୍ତ୍ତି କରାଯାଇଛି । ଅସୁରକ୍ଷିତ ଭାବେ ପିଲାଙ୍କୁ ଗାଡ଼ିରେ ବସାଇ ଡ୍ରାଇଭରର ବେପରୁଆ ଗାଡ଼ି ଚାଳନ ପାଇଁ ସ୍କୁଲ ଭ୍ୟାନ ଓଲଟିଥିବା ସୂଚନା ମିଳିଛି । ଦୁର୍ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ତଦନ୍ତ ଜାରି ରଖିଛି ।