ବଲାଙ୍ଗିର, (ଦେବାଶିଷ ମିଶ୍ର) : ସିନଖମନ ସ୍ଥିତ ମହନ୍ତ ଗିରିଧାରୀ ଉଚ୍ଚ ବିଦ୍ୟାଳୟର ବାର୍ଷିକ କ୍ରୀଡା ଉତ୍ସବ ପାଳିତ ହୋଇଯାଇଛି । ବିଦ୍ୟାଳୟର ଛାତ୍ରଛାତ୍ରୀମାନେ ଶିବ ମନ୍ଦିରରୁ ଶୋଭାଯାତ୍ରାରେ ମଶାଲ ଆଣି ସ୍ଥାପିତ କଲାପରେ ପତାକା ଉତ୍ତୋଳନ କରି କ୍ରୀଡା ଉତ୍ସବକୁ ପ୍ରଧାନ ଶିକ୍ଷକ କୃଷ୍ଣଚନ୍ଦ୍ର ମିଶ୍ର ଉଦ୍ଘାଟନ କରିଥିଲେ । ୧୪ ଗୋଟି ବିଭାଗରେ ଶତାଧିକ ଛାତ୍ର ଛାତ୍ରୀ ଭାଗ ନେଇଥିଲେ । କ୍ରୀଡା କାର୍ଯ୍ୟକ୍ରମକୁ ପରିଚାଳନା କରିଥିଲେ ଶିକ୍ଷକ ନିଳାଂଚଳ କୁଅଁର । ଅପରାହ୍ଣରେ ଦ୍ୱିତୀୟ ଅଧିବେଶନରେ ଶ୍ରୀ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ମହନ୍ତ କୁଞ୍ଜ ବିହାରୀ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁଦାମ ଚରଣ ବହିଦାର ମୁଖ୍ୟ ଅତିଥି ଓ ଶିକାଛିଡା ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବସନ୍ତ ବୁଡେକ ସମ୍ମାନିତ ଅତିଥି ଭାବେ ଯୋଗଦେଇ କ୍ରୀଡାର ମହତ୍ତ୍ୱ ଉପରେ ଆଲୋକପାତ କରିଥିଲେ । ସଭାରେ ହିନ୍ଦୀ ଶିକ୍ଷକ ମଦନ ମୋହନ ରଥ ଓ କଳା ଶିକ୍ଷକ ଲଲାଟ କେଶରୀ ପଧାନ ମଧ୍ୟ ମତବ୍ୟକ୍ତ କରିଥିଲେ । କ୍ରୀଡା ଉତ୍ସବରେ ଯୋଗେନ୍ଦ୍ରୀ ମିର୍ଦ୍ଧା ଓ ଆଶିଷ ଜେନା ମିଳିତ ଭାବେ ଚମ୍ପିୟାନ ପୁରସ୍କାର ଲାଭ କରିଥିଲେ । କାର୍ଯ୍ୟକ୍ରମକୁ ସହଯୋଗ କରିଥିଲେ ୱାର୍ଡ ମେମ୍ବର ବରୁଣ ରାଏ । ସାଧନା ପଣ୍ଡା, ରାଜିନ କୁଅଁର, ହରେରାମ ବାରିକ । କାର୍ଯ୍ୟକ୍ରମକୁ ପରିଚାଳନା କରିଥିଲେ ଅନିଲ କୁମାର ସାହୁ ଓ ଧନ୍ୟବାଦ ଦେଇଥିଲେ କେଦାରନାଥ ସାହୁ ।