ବଲାଙ୍ଗିର, (ଦେବାଶିଷ ମିଶ୍ର) : ଆଜି ଦଶମ ଶ୍ରେଣୀ ବୋର୍ଡ ପରୀକ୍ଷା ଫଳ ପ୍ରକାଶ ପାଇଛି । ବଲାଙ୍ଗିର ଜିଲ୍ଲାରେ ପାସ ହାର ରାଜ୍ୟରେ ସବୁଠୁ କମ ୯୪.୮୭% ରହିଥିବା ସରକାରୀ ରିପୋର୍ଟରୁ ଜଣାପଡିଛି । ସେହିପରି ଜିଲ୍ଲାରୁ ୪୫ଜଣ ପରୀକ୍ଷାର୍ଥୀ ଏ୧ ଶ୍ରେଣୀରେ ପାସ ହେବାରେ ସଫଳତା ହାସଲ କରିଛନ୍ତି । ଏ୨ ଶ୍ରେଣୀରେରେ ୫୦୨ ଜଣ, ବି୧ରେ ୧୫୬୭ ଜଣ, ବି୨ରେ ୩୨୭୬ ଜଣ, ସିରେ ୫୫୪୫, ଡିରେ ୬୭୦୭, ଇରେ ୯୧୫୭ ଓ ଏଫ୍ ଶ୍ରେଣୀରେ ୧୦୩୭ ଜଣ ପାସ କରିଛନ୍ତି । ଜିଲ୍ଲାରୁ ସମୁ୍ଦାୟ ୨୮୨୯୪ ଜଣ ପରୀକ୍ଷାର୍ଥୀ ଫର୍ମ ଭରିଥିବା ବେଳେ ୪୧୩ ଜଣ ପରୀକ୍ଷାରେ ଅନୁପସ୍ଥିତ ରହିଥିଲେ । ପରୀକ୍ଷାର୍ଥୀ ମାନଙ୍କରୁ ୧୩୬୧୦ ଜଣ ବାଳିକା ଓ ୧୩୧୮୯ ଜଣ ବାଳକ ପାସ କରିଛନ୍ତି । ବଲାଙ୍ଗିର ଜିଲ୍ଲାରୁ ସମୁଦାୟ ୨୬୭୯୯ ଜଣ ଦଶମ ବୋର୍ଡ ପରୀକ୍ଷା ପାସ କରିଥିବା ସରକାରୀ ସୂଚନାରେ ପ୍ରକାଶ ପାଇଛି ।