- ଅନ୍ତର୍ଜାତୀୟ ଆର୍ଥିକ ସହାୟତା ଏବଂ ମହୋତ୍ସବ ପ୍ରସାରଣ ପାଇଁ ୨୨ଟି ଫିଚର ପ୍ରକଳ୍ପ ଏବଂ ପାଞ୍ଚଟି ପ୍ରାମାଣିକ ଚଳଚ୍ଚିତ୍ର ତାଲିକାଭୁକ୍ତ ହୋଇଛି
ନୂଆଦିଲ୍ଲୀ, (ପିଆଇବି) : ଭାରତର ପ୍ରମୁଖ ଚଳଚ୍ଚିତ୍ର ବଜାର ରୂପେ ପରିଚିତ ‘ୱେଭ୍ସ ଫିଲ୍ମ ବଜାର’ର ଉନବିଂଶତମ ସଂସ୍କରଣ ୫୬ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଅବସରରେ ଅନୁଷ୍ଠିତ ହେବାକୁ ଯାଉଛି । ପୂର୍ବରୁ ଏହା ଫିଲ୍ମ ବଜାର ଭାବରେ ପରିଚିତ ଥିବା ବେଳେ ବର୍ତ୍ତମାନ ଏହାର ନାମ ପରିବର୍ତ୍ତନ କରାଯାଇଛି । ଅନ୍ତର୍ଜାତୀୟ ଆର୍ଥିକ ସହାୟତା ଏବଂ ମହୋତ୍ସବ ପ୍ରସାରଣ ଲାଗି ସଂକ୍ଷିପ୍ତ ତାଲିକାଭୁକ୍ତ କ୍ୟୁରେଟେଡ୍ ପ୍ରକଳ୍ପଗୁଡ଼ିକ ସମେତ ଫିଚର ଏବଂ ପ୍ରମାଣିକ ଚଳଚ୍ଚିତ୍ର ପାଇଁ ଏକ ଦୃଢ଼ ସହ-ପ୍ରଯୋଜନା ସୁଯୋଗ ନେଇ ଏହି ବଜାର ପୁଣିଥରେ ଆୟୋଜନ କରାଯିବ । ୫୬ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ) ଅବସରରେ ୱେଭ୍ସ ଫିଲ୍ମ ବଜାର ୨୦ରୁ ୨୪ ନଭେମ୍ବର ୨୦୨୫ ପର୍ଯ୍ୟନ୍ତ ଗୋଆର ମାରିଅଟ୍ ରିସର୍ଟରେ ଅନୁଷ୍ଠିତ ହେବ । ଆଗାମୀ ଉନବିଂଶତମ ସଂସ୍କରଣରେ, ୱେଭ୍ସ ଫିଲ୍ମ ବଜାର ୨୨ଟି ଫିଚର ପ୍ରକଳ୍ପ ଉପସ୍ଥାପନ କରିବ ଏବଂ ଏଥିରେ ବିଶ୍ୱବ୍ୟାପୀ କାହାଣୀ ସ୍ଥାନ ପାଇବ । ସହ-ପ୍ରଯୋଜନା ବଜାରରେ ଭାରତ, ଫ୍ରାନ୍ସ, ବ୍ରିଟେନ, କାନାଡା, ଆମେରିକା, ରୁଷ, ଫିଲିପାଇନ୍ସ ଏବଂ ସିଙ୍ଗାପୁରର ପ୍ରକଳ୍ପଗୁଡ଼ିକର ଏକ ଆକର୍ଷଣୀୟ ସମ୍ଭାର ରହିଛି । ଏହି ବିବିଧ ଚଳଚ୍ଚିତ୍ରଗୁଡ଼ିକରେ ହିନ୍ଦୀ, ଊର୍ଦ୍ଦୁ, ବଙ୍ଗଳା, ମଣିପୁରୀ, ତାଙ୍ଗଖୁଲ, ନେପାଳୀ, ମାଲାୟଲମ, ହରିୟାଣୀ, ଇଂରାଜୀ, ଗୁଜରାଟୀ, ଲଦାଖୀ, କୋଙ୍କଣୀ, କନ୍ନଡ, ମରାଠୀ, ପଞ୍ଜାବୀ, କାଶ୍ମୀରୀ, ରୁଷୀୟ, ସଂସ୍କୃତ ଏବଂ ଓଡ଼ିଆ ଭଳି ଭାଷାରେ ଚଳଚ୍ଚିତ୍ର କାହାଣୀ ଅନ୍ତର୍ଭୁକ୍ତ । ଓପନ୍ ପିଚ୍ ଅଧିବେଶନ ସମୟରେ ମନୋନିତ ଫିଲ୍ମ ନିର୍ମାତାମାନେ ସେମାନଙ୍କର ପ୍ରକଳ୍ପଗୁଡ଼ିକୁ ଅନ୍ତର୍ଜାତୀୟ ଏବଂ ଭାରତୀୟ ପ୍ରଯୋଜକ, ବିତରକ, ମହୋତ୍ସବ ପ୍ରୋଗ୍ରାମର, ଫାଇନାନ୍ସର ଏବଂ ବିକ୍ରୟ ଏଜେଣ୍ଟଙ୍କ ନିକଟରେ ପିଚ୍ କରିବାର ସୁଯୋଗ ପାଇବେ । ଏହା ସହିତ, ଏହି ସଂସ୍କରଣରେ ସହ-ପ୍ରଯୋଜନା ବଜାର ପ୍ରକଳ୍ପଗୁଡ଼ିକରେ ୫ଟି ପ୍ରମାଣିକ ବା ଡକ୍ୟୁମେଣ୍ଟାରୀ ଫିଲ୍ମ ମଧ୍ୟ ରହିବ। ପାଞ୍ଚଟି ଉଲ୍ଲେଖନୀୟ ଡକ୍ୟୁମେଣ୍ଟାରୀ ପ୍ରକଳ୍ପ କଳା, ସଙ୍ଗୀତ ଏବଂ ସଂସ୍କୃତି, ପରିବେଶ, ଦୀର୍ଘସ୍ଥାୟିତ୍ୱ, ଶିକ୍ଷା, ମହିଳା ଆନ୍ଦୋଳନ, ଲିଙ୍ଗଗତ ପ୍ରସଙ୍ଗ, ମାନବ ବିଜ୍ଞାନ ଏବଂ ଅନ୍ୟାନ୍ୟ ସମେତ ବିଭିନ୍ନ ଧାରା ଉପରେ ଆଧାରିତ । ଚଳିତ ବର୍ଷର ସହ-ପ୍ରଯୋଜନା ବଜାର ଲାଇନଅପରେ ଉଦୀୟମାନ ସ୍ୱର ଏବଂ ଅଭିଜ୍ଞ ପେସାଦାର ମଧ୍ୟରେ ଏକ ଚିନ୍ତନଶୀଳ ସନ୍ତୁଳନ ଉପସ୍ଥାପନ କରାଯାଇଛି । ଏମାନଙ୍କ ମଧ୍ୟରେ କିରଣ ରାଓ, ବିକ୍ରମାଦିତ୍ୟ ମୋଟୱାନି, ଶକୁନ ବାତ୍ରା, ଦେବାଶିଷ ମଖିଜା, ଇରା ଦୁବେ, ସରିତା ପାଟିଲ, ଶୌନକ ସେନ ଏବଂ ବାଫ୍ଟା ପୁରସ୍କାର ବିଜେତା ନିର୍ଦ୍ଦେଶକ ବେନ୍ କ୍ରିଚଟନଙ୍କ ଭଳି ପ୍ରଶଂସିତ ଚଳଚ୍ଚିତ୍ର ନିର୍ମାତା ଏବଂ ସ୍ରଷ୍ଟାମାନେ ସାମିଲ ଅଛନ୍ତି । ୱେଭ୍ସ ଫିଲ୍ମ ବଜାର ମଧ୍ୟ ଏସିଆ ଟିଭି ଫୋରମ୍ ଏବଂ ମାର୍କେଟ୍ (ଏଟିଏଫ) ସହିତ ଏହାର ସହଭାଗୀତା ଘୋଷଣା କରିଛି । ସହ-ପ୍ରଯୋଜନା ବଜାରର ସ୍ଥାପିତ ପ୍ରକଳ୍ପରେ କ୍ରସ୍-ଏକ୍ସଚେଞ୍ଜ ଇନିସିଏଟିଭର ଅଂଶ ଭାବରେ ‘ଗ୍ଲୋରିଆ’ ଶୀର୍ଷକ ଏକ ପ୍ରକଳ୍ପ ଅନ୍ତର୍ଭୁକ୍ତ ହେବ । ଏନଏଫଡିସିର ବଛା ବଛା ପ୍ରକଳ୍ପ ଅଧୀନରେ ସହ- ପ୍ରଯୋଜନା ବଜାର ଫିଚରର ଅଂଶ ଭାବରେ ତିନୋଟି ପ୍ରକଳ୍ପ ଅନ୍ତର୍ଭୁକ୍ତ କରାଯିବ । ଏହି ବିଭାଗରେ ପ୍ରଦର୍ଶିତ ପ୍ରକଳ୍ପଗୁଡ଼ିକ ହେଉଛି ‘ଲଜ୍ଜିତ’, ‘ସ୍ମାଶ୍’ ଏବଂ ‘ଟାଇଗର୍ ଇନ୍ ଦି ଲାୟନ୍ ଡେନ୍’ ।
ସହ-ପ୍ରଯୋଜନା ବଜାରରେ ସ୍ଥାନିତ ପ୍ରକଳ୍ପଗୁଡିକ ହେଲା
୧) ଅଲଟା (ମ୍ୟାଡାମ୍) | |ଭାରତ, ଫ୍ରାନ୍ସ, କାନାଡା | ହିନ୍ଦୀ
ନିର୍ଦ୍ଦେଶକ- ପାରୋମିତା ଧର, ନିର୍ମାତା- ହାୟାଶ ତନମୟ ।
୨) ଦୋଜ୍ ହୁ ଫ୍ଲୁ | ଭାରତ | ହିନ୍ଦୀ, ଉର୍ଦ୍ଦୁ, ବଙ୍ଗଳା |
ନିର୍ଦ୍ଦେଶକ- ସୋମିଆକ କାଣ୍ଟି ଦେ ବିଶ୍ୱାସ, ନିର୍ମାତା- ଇରା ଦୁବେ ।
୩) ଖେଇ-ହି (ରାତି ଏବଂ ଦିନ) | | ଭାରତ | ପାଲା / ମଣିପୁରୀ / ନେପାଳୀ / ଇଂରାଜୀ |
ନିର୍ଦ୍ଦେଶକ- ଅଶୋକ ଭେଲୁ, ନିର୍ମାତା- ଶୌନକ ସୁର, ପ୍ରତୀକ ବାଗି, ଏବଂ ଆଲେକ୍ସଜାଣ୍ଡାର୍ ଲିଓ ପୁ ।
୪) ଦ ମ୍ୟାନେଜର | ଭାରତ | ମାଲାୟାଲମ୍
ନିର୍ଦ୍ଦେଶକ- ସନ୍ଦୀପ ଶ୍ରୀଲେଖା, ନିର୍ମାତା- ଅନୁଜ ତ୍ୟାଗି ଏବଂ ବିପିନ୍ ରାଧାକ୍ରିଷ୍ଣନ୍ ।
୫) ହ୍ୱାଟ୍ ରେମେନ୍ସ ଅନସେଡ୍ | ଭାରତ | ହରିୟାନଭି, ହିନ୍ଦୀ, ଇଂରାଜୀ |
ନିର୍ଦ୍ଦେଶକ- କାଲୋଲ ମୁଖାର୍ଜୀ, ନିର୍ମାତା- ଦେବାଶିଶ ମାଖିଆ, ହର୍ଷ ଗ୍ରୋଭର ଏବଂ ଆଦିତ୍ୟ ଗ୍ରୋଭର ।
୬) କାନ୍ଦା (ପିଆଜ ନୁହେଁ) | ଭାରତ | ଗୁଜରାଟୀ, ହିନ୍ଦୀ
ନିର୍ଦ୍ଦେଶକ – ଆରତୀ ନେହେରିଶ, ନିର୍ମାତା – ଶକୁନ ବତ୍ରା ଏବଂ ଡିମ୍ପି ଅଗ୍ରୱାଲ ।
୭) କାକଥେଟ୍ (ବୋକା) | | ଭାରତ, ଫ୍ରାନ୍ସ | ଲଦାଖୀ |
ନିର୍ଦ୍ଦେଶକ – ଷ୍ଟାନଜିନ୍ ଟ୍ୟାଙ୍କୋଙ୍ଗ, ନିର୍ମାତା – ରିତୁ ସରିନ୍ ।
୮) ଏକ ମୌତ କୀ ଭବିଷ୍ୟବାଣୀ | ଭାରତ | ହିନ୍ଦୀ
ନିର୍ଦ୍ଦେଶକ – କିସଲେ କିସଲେ, ନିର୍ମାତା – ଟ୍ରିବେନି ରଏ, ହିମାନସୁ କୋହଲି, ଏବଂ ନେହା ମଲିକ ।
୯) ଟାୟାର କୀ ହୱା ନିକାଲ ଦି ଯାଏଗି ଜ୍ଝ ଭାରତ ଜ୍ଝ ହିନ୍ଦୀ
ନିର୍ଦ୍ଦେଶକ – ରୋହନ ରଙ୍ଗନାଥନ୍, ନିର୍ମାତା – ଶୌନକ୍ ସେନ୍, ଅମାନ୍ ମନ୍ ।
୧୦) ମାୟାପୁରୀ (ଭ୍ରାନ୍ତିର ସହର) | | ଭାରତ | ହିନ୍ଦୀ
ନିର୍ଦ୍ଦେଶକ – ଅରଣ୍ୟ ସାହେ, ନିର୍ମାତା – ମାଥିଭାନନ୍ ରାଜେନ୍ଦ୍ରନ୍ ।
୧୧) ପୁଥେନକଚେରୀ (ସଚିବାଳୟ) | | ଭାରତ, କାନାଡା | ମାଲାୟାଲମ୍
ନିର୍ଦ୍ଦେଶକ – ରାଜେଶ କେ, ନିର୍ମାତା – ଜେମ୍ସ ଜୋସେଫ ଭାଲିଆକୁଲାଥିଲ, ବେଦ ପ୍ରକାଶ କାଟାରିଆ ।
୧୨) ସଜଦା | ଭାରତ | ହିନ୍ଦୀ
ନିର୍ଦ୍ଦେଶକ – ମହମ୍ମଦ ଘନି, ନିର୍ମାତା – ସଞ୍ଜୟ ଗୁଲାଟି ।
୧୩) ଟିଚର୍ସ ପେଟ୍ | ଭାରତ, ଆମେରିକା | ଇଂରାଜୀ |
ନିର୍ଦ୍ଦେଶକ – ସିନ୍ଧୁ ଶ୍ରୀନିବାସ ମୁର୍ତ୍ତୀ, ନିର୍ମାତା – ଐଶ୍ୱର୍ଯ୍ୟା ସୋନାର, ଶୁଚି ଦ୍ୱିବେଦୀ, ବିକ୍ରମାଦିତ୍ୟ ମୋଟୱାନି |
୧୪) ୭ ସେ ୭ | | ଭାରତ | ଗୁଜରାଟୀ, ହିନ୍ଦୀ
ନିର୍ଦ୍ଦେଶକ – ନେମିଲ ଶାହା, ନିର୍ମାତା – ନେମିଲ ଶାହା ଏବଂ ରାଜେଶ ଶାହା ।
୧୫) କଚଚୁଆ (ଦି କ୍ୱିଲ୍) | ଭାରତ | ବଙ୍ଗଳା, ହିନ୍ଦୀ
ନିର୍ଦ୍ଦେଶକ – ସଂଜିତ ବିଶ୍ୱ, ନିର୍ମାତା – ସ୍ୱରଲିପି ଲିପି ।
୧୬) ଛାୟା ହିଲ୍: ଆତ୍ମା ଏବଂ ପୁରୁଷ | | ଭାରତ | କୋଙ୍କଣୀ, ଇଂରାଜୀ, ହିନ୍ଦୀ |
ନିର୍ଦ୍ଦେଶକ – ବସ୍କୋ ଭଣ୍ଡାରକର, ନିର୍ମାତା – କିରଣ ରାଓ ଏବଂ ତାନାଜୀ ଦାସଗୁପ୍ତ ।
୧୭) ପୁଷ୍ପାବତୀ (ଫୁଲିତ) | | ଭାରତ | କନ୍ନଡ |
ନିର୍ଦ୍ଦେଶକ – ମନୋଜ କୁମାର ଭି, ନିର୍ମାତା – ନିତିନ କୃଷ୍ଣମୂର୍ତ୍ତି ।
୧୮) ସ୍ୱର୍ଣ୍ଣପୁଛରୀ | ଭାରତ | ହିନ୍ଦୀ, ମରାଠୀ, କାଶ୍ମୀରୀ
ନିର୍ଦ୍ଦେଶକ – ଋତ୍ୱିକ ଗୋସ୍ୱାମୀ, ପ୍ରଯୋଜକ – ନିଧି ସାଲିଆନ୍
୧୯) ଶେମ୍ଡ | ରୁଷ, ଭାରତ | ହିନ୍ଦୀ, ପଞ୍ଜାବୀ, ଇଂରାଜୀ
ନିର୍ଦ୍ଦେଶକ – ଦୀକ୍ଷା ଜ୍ୟୋତି ରାଉତରାୟ, ପ୍ରଯୋଜକ – ସରିତା ପାଟିଲ
୨୦) ସ୍ମାଶ୍ | ରୁଷ, ଭାରତ | ରୁଷୀୟ, ଇଂରାଜୀ, ହିନ୍ଦୀ
ନିର୍ଦ୍ଦେଶକ – ମାକ୍ସିମ୍ କୁଜନେତ୍ସୋଭ୍, ପ୍ରଯୋଜକ – ଏକାଟେରିନା ଗୋଲୁବେଭା-ପୋଲଡି
୨୧) ଟାଇଗର ଇନ ଦ ଲାୟନ ଡେନ (ଫ୍ରିଡମ୍ ଫ୍ରେଣ୍ଡସ୍) – ଭାରତ, ବ୍ରିଟେନ | ଇଂରାଜୀ
ନିର୍ଦ୍ଦେଶକ – ଆର. ସରଥ, ପ୍ରଯୋଜକ – ଜଲି ଲୋନାପନ
୨୨) ଏସିଆ ଟିଭି ଫୋରମ୍ ଏବଂ ମାର୍କେଟ୍ (ଏଟିଏଫ) ସହିତ ସହଭାଗୀତା ପ୍ରକଳ୍ପ
ଗ୍ଲୋରିଆ – ଫିଲିପାଇନ୍ସ, ସିଙ୍ଗାପୁର | ଇଂରାଜୀ
ନିର୍ଦ୍ଦେଶକ – ଆଲାରିକ୍ ଟେ, ପ୍ରଯୋଜକ – ଡେରେକ୍ ଜଜ୍, ରେକ୍ସ ଲୋପେଜ୍, ଏବଂ ଆଲାରିକ୍ ଟେ
ଉନବିଂଶତମ ୱେଭସ୍ ଫିଲ୍ମ ବଜାର ସହ-ପ୍ରଯୋଜନା ବଜାର ପାଇଁ ମନୋନୀତ ୨୨ଟି ଫିଚର ଫିଲ୍ମ ଏବଂ ୫ଟି ଡକ୍ୟୁମେଣ୍ଟାରୀର ଏକ ବିସ୍ତୃତ ବିବରଣୀ ଏଠାରେ ମିଳିପାରିବ । ଆଇଏଫଏଫଆଇ ସହିତ ପ୍ରତିବର୍ଷ ଆୟୋଜିତ ଏହି ବଜାର ଭାରତୀୟ କାହାଣୀକାର, ବିଶ୍ୱ ପ୍ରଯୋଜକ, ମହୋତ୍ସବ ପ୍ରଯୋଜକ, ପ୍ରଯୁକ୍ତିବିଦ୍ୟା ଅଂଶୀଦାର ଏବଂ ନିବେଶକଙ୍କ ପାଇଁ ଚଳଚ୍ଚିତ୍ରର ଭବିଷ୍ୟତ ଗଠନ ପାଇଁ ଏକ କେନ୍ଦ୍ର ପାଲଟିଛି । ଚଳିତ ବର୍ଷର ବଜାର ଏକ ବିସ୍ତାରିତ ଏବଂ ଅଧିକ ଗତିଶୀଳ ବଜାର ସହିତ ଏହାର ବିଶ୍ୱ ଉପସ୍ଥିତିକୁ ଆହୁରି ସୁଦୃଢ଼ କରୁଛି ।
ୱେଭ୍ସ ଫିଲ୍ମ ବଜାର ବିଷୟରେ
ୱେଭ୍ସ ଫିଲ୍ମ ବଜାର (ଡବ୍ଲୁଏଫବି) ପୂର୍ବରୁ ଫିଲ୍ମ ବଜାର ନାମରେ ପରିଚିତ ଥିଲା । ପ୍ରତିବର୍ଷ ଗୋଆରେ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ସହିତ ଏହା ଅନୁଷ୍ଠିତ ହୋଇଥାଏ । ୨୦୦୭ରେ ଏହାର ପ୍ରତିଷ୍ଠା ହେବା ପରଠାରୁ, ଏହି କାର୍ଯ୍ୟକ୍ରମ ଦକ୍ଷିଣ ଏସୀୟ ଚଳଚ୍ଚିତ୍ର କ୍ଷେତ୍ର ଏବଂ ଚଳଚ୍ଚିତ୍ର ନିର୍ମାଣ, ପ୍ରଯୋଜନା ଏବଂ ବିତରଣରେ ପ୍ରତିଭାକୁ ଆବିଷ୍କାର, ସମର୍ଥନ ଏବଂ ପ୍ରଦର୍ଶନ ଉପରେ ଧ୍ୟାନ ଦେଇ ଆସିଛି । ଏହି ବଜାର ଦକ୍ଷିଣ ଏସୀୟ କ୍ଷେତ୍ରରେ ବିଶ୍ୱ ସିନେମାର ବିକ୍ରୟକୁ ମଧ୍ୟ ସୁବିଧା ପ୍ରଦାନ କରେ । ଦକ୍ଷିଣ ଏସୀୟ ଏବଂ ଅନ୍ତର୍ଜାତୀୟ ଚଳଚ୍ଚିତ୍ର ନିର୍ମାତା, ବିକ୍ରୟ ଏଜେଣ୍ଟ ଏବଂ ମହୋତ୍ସବ କାର୍ଯ୍ୟକ୍ରମ ପ୍ରଯୋଜକଙ୍କ ପାଇଁ ଏହି ବଜାର ସମ୍ଭାବ୍ୟ ସୃଜନଶୀଳ ଏବଂ ଆର୍ଥିକ ସହଯୋଗର ଏକ ସଙ୍ଗମ । ପାଞ୍ଚ ଦିନ ଧରି ଫିଲ୍ମ ବଜାର ଚଳଚ୍ଚିତ୍ର ନିର୍ମାଣ, ପ୍ରଯୋଜନା ଓ ବିତରଣରେ ଦକ୍ଷିଣ ଏସୀୟ ବିଷୟବସ୍ତୁ ଓ ପ୍ରତିଭାକୁ ଆବିଷ୍କାର, ସମର୍ଥନ ଏବଂ ପ୍ରଦର୍ଶନ ଉପରେ ଧ୍ୟାନ ଦେଇଥାଏ ।