ବଲାଙ୍ଗିର, (କେପିଏନ୍ଏସ୍) : ଅଖିଳ ଭାରତୀୟ ଅଘରିଆ ସମାଜ ଓଡିଶା ପ୍ରଦେଶ ବଲାଙ୍ଗିର ଜିଲ୍ଲାର ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ସକାଶେ ବଲାଙ୍ଗିର ଜିଲ୍ଲା ଅଘରିଆ ଭବନଠାରେ ଜିଲ୍ଲା ସଭାପତି ଶୁଭ୍ରାଂଶୁ ପଟେଲଙ୍କ ସଭାପତିତ୍ୱରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ଚଳିତ ମାସ ଆଠ ତାରିଖ ରବିବାର ଦିନ ବଲାଙ୍ଗିର କୋଶଳ କଳାମଣ୍ଡଳ ପଡିଆଠାରେ ସମାଜର ନୂଆଁଖାଇ ଭେଟ୍ଘାଟ୍ କାର୍ଯ୍ୟକ୍ରମ ଆୟୋଜନ କରାଯିବା ପାଇଁ ସହମତି ପ୍ରକାଶ ପାଇଥିଲା । ଏହି ଅବସରରେ ସଭା କାର୍ଯ୍ୟ ତଥା ଆୟୋଜନ ପାଇଁ ବିଭିନ୍ନ ଦାୟିତ୍ୱ ବଣ୍ଟନ କରାଯାଇଥିଲା । ଏହି ବୈଠକରେ ଅଘରିଆ ସମାଜର ଉପଦେଷ୍ଟା କମିଟି ସଦସ୍ୟଙ୍କ ସମେତ ସମସ୍ତ ଅଠରଟି ଗୁଡ଼ି ସଦସ୍ୟ, ଚାରିଟି ମଣ୍ଡଳ କମିଟି ସଦସ୍ୟ, ମହିଳା ମୋର୍ଚ୍ଚା, ଯୁବାମୋର୍ଚ୍ଚା ଓ ସମାଜର ବିଭିନ୍ନ ବର୍ଗର ଲୋକେ ଯୋଗ ଦେଇଥିଲେ ।