ଡେଲାଙ୍ଗ, (ଦିଲ୍ଲୀପ କୁମାର ଧାଉଡିଆ) : ଗୋଦାସାହି ପ୍ରାଥମିକ ବିଦ୍ୟାଳୟରେ ପ୍ରଧାନ ଶିକ୍ଷକ ଗୋପାଳ ଚନ୍ଦ୍ର ମହାପାତ୍ରଙ୍କ ତତ୍ତ୍ୱାବଧାନରେ ବିଦ୍ୟାଳୟ ସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଥିଲା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୂପେ ବ୍ଲକ ସହ ଶିକ୍ଷା ଅଧିକାରୀ ଶ୍ରୀମତୀ ସୁଷମା ମିଶ୍ର ଓ ସମ୍ମାନିତ ଅତିଥି ରୂପେ ବରିଷ୍ଠ ଶିକ୍ଷକ ପବିତ୍ର ମୋହନ ଜେନା ଯୋଗଦେଇ ବିଜ୍ଞାନ ମେଳାର ଉଦ୍ଘାଟନ ଉତ୍ସବକୁ ମୁଖରିତ କରିଥିଲେ । ଏହି ସଭାକାର୍ଯ୍ୟରେ ସ୍ଥାନୀୟ ଶିକ୍ଷକମାନେ ମଙ୍ଗୁଳି ପରିଡା ଓ କୁଣ୍ଟୁଲ ଧବଳେଶ୍ୱର ଯୋଗ ଦେଇଥିଲେ । ସଭା କାର୍ଯ୍ୟର ସଭାପତି କରି ଥିଲେ ବିଦ୍ୟାଳୟର ପ୍ରଧାନ ଶିକ୍ଷକ ଗୋପାଳ ଚନ୍ଦ୍ର ମହାପାତ୍ର । ଏଥିରେ କୁନି କୁନି ବୈଜ୍ଞାନିକ ମାନଙ୍କୁ ପ୍ରେରଣା ମୂଳକ ବାର୍ତ୍ତା ପ୍ରଦାନ କରିଥିଲେ । ୩୦ ଜଣରୁ ଅଧିକ ଛାତ୍ରଛାତ୍ରୀମାନେ ବିଭିନ୍ନ ପ୍ରକାର ପ୍ରକଳ୍ପ ଉପସ୍ଥାପନ କରିଥିଲେ । ଏହି କାର୍ଯ୍ୟକ୍ରମରେ ବିଚାରକ ଭାବରେ ବରିଷ୍ଠ ଶିକ୍ଷକ ତଥା ବିଜ୍ଞାନ ନିପୂଣ ଶିକ୍ଷକ ଗଙ୍ଗାଧର ମଲ୍ଲିକ ଓ ନୀଳମଣି ପ୍ରଧାନ ବିଚାର କରିଥିଲେ । ଏଥିରେ କୃତ୍ତି ଛାତ୍ରଛାତ୍ରୀମାନଙ୍କୁ ପୁରସ୍କାର ବିତରଣ କରାଯାଇଥିଲା । ବିଦ୍ୟାଳୟର ଏଭଳି କାର୍ଯ୍ୟକ୍ରମରେ ଅଭିଭାବକ, ପିତାମାତା ଖୁବ୍ ଖୁସି ଅନୁଭବ କରିଥିଲେ । ଛୋଟ ବିଦ୍ୟାଳୟର ଏଭଳି ଭବ୍ୟ ଆୟୋଜନକୁ ସାଧୁବାଦ ଜଣାଇଥିଲେ । ଏହି କାର୍ଯ୍ୟକ୍ରମରେ ସହଯୋଗ କରିବା ସହିତ ସଭା ଶେଷରେ ଶିକ୍ଷକ ଗଣେଶ ବେହେରା ଧନ୍ୟବାଦ ଅର୍ପଣ କରିଥିଲେ ।