କଂଟାବାଂଜି, (ମନିଶ କୁମାର ହଂସ) : ସାଂବାଦିକ ସଂଘ କଂଟାବାଂଜିର ନୂତନ ବର୍ଷ ପାଳନ ଅବସରରେ ବନ୍ଧୁ ମିଳନ ଏବଂ ବଣ ଭୋଜି ଡୁମେରଚୁଆଁ ସ୍ଥିତ ଏମ.ଆଇ. ପ୍ରୋଜେକ୍ଟରେ ରବିବାର ଦିନ ହୋଇଯାଇଛି । ଏହି ଅବସରରେ ସଂଘର ସଭ୍ୟ ଥିବା ତୁରେକେଲା, ବଙ୍ଗୋମୁଣ୍ଡା, ମୁରିବାହାଲ ଏବଂ କଂଟାବାଂଜି ସହରାଂଚଳର ସମସ୍ତ ପ୍ରିଂଟ ଏବଂ ଇଲେକ୍ଟ୍ରୋନିକ୍ସ ଗଣମାଧ୍ୟମର ପ୍ରତିନିଧି ସାମିଲ ହୋଇଥିଲେ । ଏହି ଅବସରରେ ସଂଘର ସଭାପତି ସୁବାଷ ଚନ୍ଦ୍ର ବେହେରାଙ୍କ ଅଧ୍ୟକ୍ଷତାରେ ଏକ ସଭା କରାଯାଇ ବନ୍ଧୁ ମିଳନରେ ନୂତନ ବର୍ଷର ଶୁଭେଛା ଦିଆଯାଇଛି । ଏହି ବନ୍ଧୁ ମିଳନ ଅବସରରେ କଂଟାବାଂଜି ପୋଲିସ ଏସ.ଡି.ପି.ଓ. ସରୋଜ କୁମାର ମହାପାତ୍ର, କଂଟାବାଂଜି ଥାନା ଆଇ.ଆଇ.ସି. ସତ୍ୟଜିତ କନ୍ଦନକେଲ, ତୁରେକେଲା ଆଇ.ଆଇ.ସି. କମଳ କିଶୋର ବେହେରା ଅତିଥି ଭାବେ ଯୋଗ ଦେଇ କାର୍ଯ୍ୟରତ ସାଂବାଦିକମାନଙ୍କୁ ନୂତନ ବାର୍ତା ଦେଇ ନିରପେକ୍ଷ ଏବଂ ଗଠନମୂଳକ ଖବର ପ୍ରକାଶ କରି ଅଂଚଳର ବିକାଶରେ ସାଂବାଦିକ ମାନଙ୍କ ଭୁମିକା ଉପରେ ନିଜ ନିଜ ମତ ଦେଇଛନ୍ତି । ଏହି ଅବସରରେ ବଂଗୋମୁଣ୍ଡା ଅଂଚଳର ଅଶୋକ ଭୋଇ, ହୁଲେଶ୍ୱର ହଂସ, ଅଭିମନ୍୍ୟୁ ବୋହିଦାର ସୁଶାନ୍ତ ଥାନାପାତି, ମୁରିବାହାଲ ଅଂଚଳର ତରଣୀସେନ ମେହେର, ସୁଦାମ ବଗାର, ତୁରେକେଲାର କୈଳାଶ ସଗ୍ରିଆ, କଂଟାବାଂଜିରୁ କାର୍ଯ୍ୟକାରୀ ସଭାପତି ଜୀବନାନନ୍ଦ ମହାନ୍ତି, ସଂପାଦକ ଗୁରୁଦୟାଲ ହଂସ, ବିମଲ କୁମାର ଦାସ, ଶୁକ ମହାନ୍ତି, କୃତିକର ବାଗ, ମୋହନ ସୋନି, ପ୍ରମୋଦ ବେହେରା, ବିନୋଦ ସିଂ, କୁଶଲ ଠାକୁର, ବିଭୁତି ଭୁଷଣ ଦାସ, ସମିମ ଖାନ, ଶିବ ଶଙ୍କର ବାଗ ସାମିଲ ଥିଲେ ।